1 ကရံၣ်သူး 16:9 - Sgaw Karen Common Bible

⁹ ပှၤလၢအထီဒါတၢ်အိၣ်ဝဲအါဒံအါဂၤဖဲအံၤသနာ်က့, တၢ်အခွဲးအယာ်နီၢ်နီၢ်အိၣ်ဝဲလၢတၢ်ဖံးတၢ်မၤဖးဒိၣ်, ဒီးတၢ်ဖံးတၢ်မၤလၢအဘျုးအိၣ်အဂီၢ်န့ၣ်လီၤ.

1 ကရံၣ်သူး 16:9 Iomraidhean Croise

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

1 ကရံၣ်သူး 15:32

ဒ်တၢ်မၤအသးအသိး, ယမ့ၢ်ဒုးတ့ၢ်တၢ်ဒီး “ဆၣ်ဖိကီၢ်ဖိ အဒူအဃိၤ” ဖဲအံၤလၢဝ့ၢ်အ့းဖ့းစူးအိၣ်ဒၣ်ဒီးပှၤကညီ အတၢ်ပာ်သူၣ်ပာ်သးတဖၣ်န့ၣ်, မ့ၢ်ယကမၤန့ၢ်တ့ၢ်ယဲတၢ်ဘျုး တၢ်ဖှိၣ်မနုၤလဲၣ်. မ့မ့ၢ်ပှၤသံတဖၣ်မ့ၢ်တဘၣ်တၢ်ဒုးဂဲၤဆၢထၢၣ် သမူထီၣ်အီၤဘၣ်ဒီး, ဒ်တၢ်ကတိၤအိၣ်ဝဲအသိး, “မ်ပကအီၣ်သကိးအီသကိးတက့ၢ်. အဂ့ၢ်ဒ်အံၤ, ခဲမုၢ်ဆ့ၣ်န့ၣ်ပကသံလီၤ.”

၂ ကရံၣ်သူး 1:6

ပမ့ၢ်တူၢ်ဘၣ်တၢ်ဒီးမ့ၢ်ဝဲလၢတၢ်မၤစၢၤဒီးတၢ်အုၣ်က့ၤခီၣ်က့ၤသု အဂီၢ်, ပမ့ၢ်ဘၣ်တၢ်မၤစၢၤပှၤဒီးဖဲန့ၣ်, သုဝဲစ့ၢ်ကီးသုဘၣ်တၢ်မၤစၢၤသုဒီးသုဘၣ်တၢ်ဟ့ၣ်သုတၢ်ဂံၢ် တၢ်ဘါ, လၢသုကတူၢ်တၢ်ကီတၢ်ခဲတၢ်နးတၢ်ဖှီၣ်တကလုာ် ဃီလၢပဘၣ်တ့ၢ်ပဝဲန့ၣ်, လၢတၢ်သူၣ်စူၤသးစူၤအပူၤအဂီၢ်န့ၣ်လီၤ.

၂ ကရံၣ်သူး 2:12

ဖဲယဟဲတုၤလၢဝ့ၢ်တြိၤအါဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးခရံာ်အဂ့ၢ်န့ၣ်, ယထံၣ်ဘၣ်ယဲလၢကစၢ်အိးဟိထီၣ်တ့ၢ်ကျဲလၢတၢ်ဖံးတၢ်မၤဖဲန့ၣ် အဂီၢ်လီၤ.

ဖံလံးပံၤ 3:18

ယစံးဘၣ်တဲဘၣ်တ့ၢ်လံသုတၢ်အံၤလၢအပူၤကွံာ်အါဘျီလံ. ဒီးခဲအံၤယစံးကဒီးယဲလၢမဲာ်ထံမဲာ်နိအပူၤန့ၣ်လီၤ. ပှၤအိၣ်ဝဲအါဒံအါဂၤလၢအတၢ်အိၣ်မူဒုးကဲထီၣ်အဝဲသ့ၣ်လၢ ခရံာ်အတၢ်သံလၢထူၣ်စုညါလိၤ, အဒုၣ်အဒါတဖၣ်န့ၣ်လီၤ.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.