1 ကရံၣ်သူး 16:2 - Sgaw Karen Common Bible

² ကိးမုၢ်အိၣ်ဘှံးနံၤဒဲးန့ၣ်, သုဝဲတဂၤဘၣ်တဂၤ, ကဘၣ်ပာ်လီၤဆီတိၢ် တနီၤ, ဒ်အကြၢးအဘၣ်ဒီးတၢ်လၢအဒိးန့ၢ်ဘၣ်တ့ၢ်ဝဲခီဖျိ အတၢ်ဖံးတၢ်မၤအသိး, ဒီးပာ်ဖှိၣ်ပာ်စၢၤဒ်သိးဖဲယဟဲန့ၣ်, အလီၢ်သုတအိၣ်လၢယကထၢဖှိၣ်တိၢ်တဂ့ၤအဂီၢ်န့ၣ်လီၤ.

1 ကရံၣ်သူး 16:2 Iomraidhean Croise

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:27

စီၤလၤဘၣ်စံးဘၣ်အီၤ, “ပျဲယစံးတၢ်အံၤတက့ၢ်. ယမၤလိန့ၢ်တၢ်ခီဖျိတၢ်ဖးပှၤကညီအဘူၣ်အတီၤဒီးယနၢ်ပၢၢ်လၢ ယွၤဆိၣ်ဂ့ၤတ့ၢ်ယၤလၢနဃိလီၤ.

လံာ်တၢ်ကဲထီၣ်အခီၣ်ထံး 30:30

တၢ်ဆံးကိာ်ဖိလၢအအိၣ်ဒီးနၤဖဲတချုးယဟဲန့ၣ်, ဒိၣ်ထီၣ်အါထီၣ်ဒိၣ်ဒိၣ်ကလဲာ်လီၤ. ဒီးကစၢ်ယွၤဆိၣ်ဂ့ၤတ့ၢ်နၤ ဖဲယလဲၤတၢ်တပူၤလၢ်လၢ်န့ၣ်လီၤ. ဒီးခဲကနံၣ်အံၤတၢ်ဆၢကတီၢ်တုၤဝဲလၢယဂီၢ်လၢယကဃုယတၢ်ဘၣ် ဘျုးဘၣ်ဖှိၣ်ဒၣ်ယဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 32:10

ယၤ, နခ့နပှၤတကၢကီၣ်ဘၣ်ဒီးကယဲၢ်နတၢ်သးကညီၤဒီးနတၢ်တီတၢ် လိၤလၢနဒုးနဲၣ်တ့ၢ်ယၤန့ၣ်ဘၣ်. ယခီဂာ်ထံကျိယၢ်ဒ့ၣ်ထဲစုယၢ်ခီဒီးအိၣ်ဒၣ်ထဲနီၣ်ထိးဘိတ ဘိ ဧိၤန့ၣ်လီၤ. ဒီးခဲကနံၣ်အံၤ, ယဟဲက့ၤကဒါက့ၤဃုာ်ဒီးပှၤခံ ဖုအံၤန့ၣ်လီၤ.

လံာ်တၢ်ကဲထီၣ်အခီၣ်ထံး 33:11

ဝံသးစူၤတူၢ်လိာ်တၢ်ဟ့ၣ်လၢယဟဲစိာ်လၢနဂီၢ်န့ၣ်တက့ၢ်. ကစၢ်ယွၤသူၣ်ကညီၤသးကညီၤတ့ၢ်ယၤဒီးဟ့ၣ်တ့ၢ်ယၤကယဲၢ်တၢ်လၢ ယလိၣ်ခဲလၢာ်န့ၣ်လီၤ.” စီၤယၤကိာ်ဃ့ကညးအီၤသပှၢ်ပှၢ်တုၤလၢစီၤဧ့ၡီၤတူၢ်လိာ်ဝဲ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:10

ဒီးပှၤလုၢ်တၢ်အခိၣ်အဒိၣ်ကတၢၢ်စီၤဧစၤရယၤ, ပှၤဟဲလီၤစၢၤလီၤသွဲၣ်လၢစီၤစၤဒိးတဂၤ, စံးဘၣ်အီၤ, “စးထီၣ်လၢပှၤဂီၢ်မုၢ်ဟဲစိာ်အတၢ်ဟ့ၣ်တဖၣ်ဆူ ယွၤအတၢ်လုၢ်ဟံၣ်န့ၣ်, တၢ်အီၣ်တၢ်အီလၢပကအီၣ်အိၣ်ဝဲလၢလၢလီၣ်လီၣ်ဒီးလၢန့ၣ်အမဲာ် ညါတၢ်အိၣ်ဘျဲၣ်အိၣ်စဲၢ်အိၣ်အါမးန့ၣ်လီၤ. ပအိၣ်ဒီးကယဲၢ်တၢ်ခဲလၢာ်အံၤမ့ၢ်လၢယွၤဆိၣ်ဂ့ၤတ့ၢ်အပှၤဂီၢ် မုၢ်အဃိန့ၣ်လီၤ.”

လံာ်မၢ်ကူး 14:8

ပိာ်မုၣ်အံၤတၢ်လၢအမၤဝဲသ့န့ၣ်မၤတ့ၢ်ဝဲလံ. ဟဲဒီးဖှူဆိပာ်လံ ယလိၤဒ်အမ့ၢ်တၢ်ကတဲာ်ကတီၤယနီၢ်ခိလၢတၢ်ခူၣ်လီၤအီၤ အဂီၢ်န့ၣ်လီၤ.

လံာ်လူၤကၣ် 16:10

ပှၤတဂၤလၢ်လၢ်လၢအတီဝဲလၢတၢ်ဂ့ၢ်အဆံးဖိတဖၣ်အပူၤန့ၣ်, ကတီစ့ၢ်ကီးဝဲလၢတၢ်ဂ့ၢ်အဒိၣ်တဖၣ်အပူၤလီၤ. ပှၤတဂၤလၢ်လၢ်လၢ အတတီလၢတၢ်ဂ့ၢ်အဆံးဖိတဖၣ်အပူၤန့ၣ်ကတတီစ့ၢ်ကီးဝဲလၢတၢ်ဂ့ၢ် အဒိၣ်တဖၣ်အပူၤလီၤ.

လံာ်လူၤကၣ် 24:1

ဖဲမုၢ်ခီၣ်ထံးအနံၤ, ဂီၤခီဂီၤဂီၤအဆၢကတီၢ်န့ၣ်, ပိာ်မုၣ်တဖၣ်လဲၤဆူပှၤသွၣ်ခိၣ်အပူၤ, စိာ်ဃုာ်ဒီးတၢ်နၢမူလၢ အဝဲသ့ၣ်အိၣ်ကတဲာ်ကတီၤပာ်ဝဲတဖၣ်န့ၣ်လီၤ.

လံာ်ယိၤဟၣ် 20:19

ဖဲမုၢ်ခီၣ်ထံးနံၤမုၢ်ဟါလီၤတ့ၢ်လံအကတီၢ်န့ၣ်, အပျဲၢ်အဘီၣ်တဖၣ်ပာ်ဖှိၣ်ထီၣ်အသးဒီးမ့ၢ်လၢ အဝဲသ့ၣ်ပျံၤဘၣ်ပှၤယူဒၤဖိအခိၣ်အနၢ်တဖၣ်အဃိ, တြဲၤတဖၣ်ဘၣ်တၢ်ကးတံာ်ဃာ်အီၤလီၤ. တုၤနုၤတစုယ့ၣ်ၡူးဟဲဒီးအိၣ်ဆၢထၢၣ်လၢအဝဲသ့ၣ်အသိး အကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

လံာ်ယိၤဟၣ် 20:26

တၢ်မၤအသးအံၤဝံၤလၢခံတနွံန့ၣ်, အပျဲၢ်အဘီၣ်တဖၣ်ပာ်ဖှိၣ်ကဒီးအသးလၢဟံၣ် အပူၤဒီးအအံၤတဘျီစီၤသိၤမါအိၣ်ဒီးအဝဲသ့ၣ် န့ၣ်လီၤ. တြဲၤတဖၣ်ဘၣ်တၢ်ကးတံာ်အီၤ, ဘၣ်ဆၣ် ယ့ၣ်ၡူးဟဲဒီးဆၢထၢၣ်လၢအဝဲသ့ၣ်အသိးအကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

မၤတၢ် 20:7

လၢမုၢ်နွံနံၤအကျါမုၢ်ခီၣ်ထံးနံၤဟါခီန့ၣ်, ပပာ်ဖှိၣ်ထီၣ်သကိးပသးလၢတၢ်စိၢ်ဘျဲးကိၣ် အဂီၢ်လီၤ. စီၤပီလူးကတိၤတၢ်ဒီးပှၤဂီၢ်မုၢ်တဖၣ်ပၢၢ်တုၤလၢဖးဖီမုၢ် တစုအဂ့ၢ်မ့ၢ်လၢအကဘၣ်ဟးထီၣ်ဝဲလၢခံတနံၤအဃိလီၤ.

၂ ကရံၣ်သူး 8:10

ယတၢ်ထံၣ်မ့ၢ်ဝဲ, ကဂ့ၤတက့ၢ်လၢသုကမၤဝံၤက့ၤတၢ်လၢ သုစးထီၣ်တ့ၢ်သုဝဲဖဲအပူၤကွံာ်တနံၣ်န့ၣ်, ခဲကနံၣ်အံၤလီၤ. သုမ့ၢ်ပှၤအဆိကတၢၢ်, တမ့ၢ်ထဲလၢတၢ်စးထီၣ်မၤတၢ် တကပၤဧိၤဘၣ်. မ့ၢ်စ့ၢ်ကီးလၢတၢ်သးဆူၣ်မၤတၢ်တကပၤန့ၣ်လီၤ.

လံာ်သိၣ်လီၤသီလီၤတၢ် 8:18

သ့ၣ်နီၣ်ထီၣ်က့ၤလၢပှၤလၢအဟ့ၣ်လီၤသုတၢ်စိတၢ်ကမီၤလၢသု ကထူးထီၣ်တီၤထီၣ်န့ၣ်မ့ၢ်ယွၤ, သုကစၢ်ယွၤန့ၣ်တက့ၢ်. အဝဲမၤတၢ်အံၤမ့ၢ်လၢအဝဲအသူၣ်တီသးရၤဒံးဝဲဒီး အတၢ်အၢၣ်လီၤအီလီၤလၢအမၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်တုၤ မုၢ်မဆါတနံၤအံၤအဃိန့ၣ်လီၤ.

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.