1 ကရံၣ်သူး 16:18 - Sgaw Karen Common Bible

¹⁸ ဒီးအဝဲသ့ၣ်မၤသးဖှံထီၣ်က့ၤယသး, ဒ်အမၤဖှံထီၣ်က့ၤသုသး အသိးန့ၣ်လီၤ. ပှၤဒ်အံၤအသိးတဖၣ်ကြၢးဘၣ်တၢ်ပာ်သူၣ်ပာ်သး အီၤလီၤ.

1 ကရံၣ်သူး 16:18 Iomraidhean Croise

တၢ်ကတိၤဒိ. 25:13

ပှၤစိာ်တၢ်ကစီၣ်လၢတၢ်နာ်န့ၢ်အီၤသ့တဂၤန့ၣ်မၤမူမၤဂဲၤက့ၤ ပှၤလၢအမၢလီၤအီၤတဂၤအသး, လီၤဂာ်ဒ်ထံခုၣ်လၢတၢ်ကိၢ်ခါကူးဘုအကတီၢ်အသိးန့ၣ်လီၤ.

တၢ်ကတိၤဒိ. 25:25

တၢ်နၢ်ဟူဘၣ်တၢ်ကစီၣ်အမုာ်ဟဲလၢထံယံၤကီၢ်ယံၤန့ၣ်လီၤဂာ်ဒီး တၢ်အီဘၣ်ထံခုၣ်ဖဲပသးဃ့ထီဒီးတၢ်သူပသးလၢထံအဆၢကတီၢ် န့ၣ်လီၤ.

ရိမ့ၤ 15:32

အန့ၣ်ဝံၤ, မ့ၢ်ဘၣ်ကစၢ်ယွၤအသးဒီး, ယကလဲၤဆူသုအိၣ်ပှဲၤဒီးတၢ်သးခုဒီးန့ၢ်ဂံၢ်န့ၢ်ဘါက့ၤလၢ ယတၢ်အိၣ်သကိးသုအပူၤန့ၣ်လီၤ.

၂ ကရံၣ်သူး 7:13

လၢတၢ်န့ၣ်အဃိ ပဂံၢ်ပဘါဘၣ်တၢ်ဒုးဆူၣ်ထီၣ်အီၤန့ၣ် လီၤ. တမ့ၢ်ထဲပဂံၢ်ပဘါဘၣ်တၢ်ဒုးဆူၣ်ထီၣ်အီၤဘၣ်. စီၤတံတူးဒုးသးခုမးပှၤခီဖျိအဝဲအတၢ်သူၣ်ခုသးခုလၢ ကျဲလၢသုဝဲကိးဂၤသုမၤဖှံထီၣ်အသးအဃိန့ၣ်လီၤ.

ကလီးစဲ 4:8

ယမၢလီၤအီၤဆူသုအိၣ် ဒ်သိးအဝဲကတဲဘၣ်သုလၢပဝဲခဲလၢာ် အဂ့ၢ်အကျိၤ, ဒ်သိးအကမၤမုာ်ထီၣ်သုသးအဂီၢ်န့ၣ်လီၤ.

၁ သ့းစၤလနံ 5:12

ပဒီပုၢ်ဝဲၢ်သ့ၣ်ဧၢ, ပှၤလၢအဖံးတၢ်မၤတၢ်လၢသုသိးသုကျါ, ပၢဆှၢသု, ဒီးနဲၣ်သုကျဲလၢသုကဘၣ်အိၣ်မူဒ်ပှၤခရံာ်ဖိ အသိးဒ်လဲၣ်တဖၣ်န့ၣ်, ပဃ့ကညးသုလၢသုကပာ်သူၣ်ပာ်သးဒီးယူးယီၣ်ပာ်ကဲ အီၤန့ၣ်လီၤ.

ဖံၤလ့မိၣ် 1:20

မ့ၢ်လီၤ, ဒီပုၢ်ဝဲၢ်ဧၢ, ဝံသးစူၤမၤန့ၢ်ယၤလၢ တၢ်ဘျုးတမံၤအံၤလၢကစၢ်အဃိတက့ၢ်. ဒ်ဒီပုၢ်ဝဲၢ်လၢခရံာ်အပူၤတဂၤအသိး, မၤမုာ်ထီၣ်ယသးတက့ၢ်.

ဖံၤလ့မိၣ် 1:7

ယဒီပုၢ်ဝဲၢ်သးဘိဧၢ, နတၢ်အဲၣ်ဟဲစိာ်န့ၢ်ယၤတၢ်သးခုဒီးဟ့ၣ်ဆူၣ်ထီၣ်ယသးဒိၣ်ဒိၣ် အါအါလီၤ. အဂ့ၢ်ဒ်အံၤနမၤမုာ်တ့ၢ်လံပှၤစီဆှံခဲလၢာ်အသးလီၤ.

ဧ့ၤဘြံၤ 13:7

သ့ၣ်နီၣ်ထီၣ်သုခိၣ်သုနၢ်လၢအစံးဘၣ်တဲဘၣ်သုလၢကစၢ်ယွၤ အကလုၢ်ကထါန့ၣ်တက့ၢ်. ကွၢ်ထံအဝဲသ့ၣ်အတၢ်ကျဲးစၢးအကတၢၢ်ဒီးမၤထွဲအတၢ်နာ် အခံန့ၣ်တက့ၢ်.

၃ ယိၤဟၣ် 1:4

တၢ်လၢကမၤသးခုယၤဒိၣ်န့ၢ်ယနၢ်ဟူဘၣ်ယဖိယလံၤ တဖၣ်အိၣ်မူလၢတၢ်မ့ၢ်တၢ်တီအပူၤန့ၣ်, တအိၣ်ဘၣ်နီတမံၤဘၣ်.