1 ကရံၣ်သူး 16:15 - Sgaw Karen Common Bible

¹⁵ သုသ့ၣ်ညါဘၣ်ဃးစီၤစတ့းဖနၣ်ဒီးအဒူၣ်ဖိထၢဖိအဂ့ၢ်လီၤ. အဝဲသ့ၣ်မ့ၢ်ပှၤအဆိကတၢၢ်တဖုလၢအကဲထီၣ်ပှၤခရံာ်ဖိလၢကီၢ် အဃါယၤအပူၤ, ဒီးဟ့ၣ်လီၤတ့ၢ်အသးဆူယွၤအပှၤဂီၢ်မုၢ်တဖၣ် အတၢ်ဖံးတၢ်မၤအပူၤလီၤ. ယဃ့ကညးသု, ယဒီပုၢ်ဝဲၢ်သ့ၣ်ဧၢ,

1 ကရံၣ်သူး 16:15 Iomraidhean Croise

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

ရိမ့ၤ 12:13

နီၤဟ့ၣ်တၢ်လၢအအိၣ်ဒီးသုတဖၣ်လၢသုဒီပုၢ်ဝဲၢ်လၢ အလိၣ်ဘၣ်တၢ်တဖၣ်, ဒီးတူၢ်လိာ်ပှၤသမှံၤတဖၣ်လၢသုဟံၣ်သုဃီတဖၣ်အပူၤတက့ၢ်.

ရိမ့ၤ 15:25

မ့မ့ၢ်ခဲအံၤတခီ, ယကလဲၤဆူဝ့ၢ်ယရူၤၡလ့ၣ်လၢယကမၤတၢ်လၢကစၢ်ယွၤအပှၤ စီဆှံဖဲန့ၣ်တဖၣ်အဂီၢ်လီၤ.

ရိမ့ၤ 15:31

ဘါထုကဖၣ်ဒ်သိးယကပူၤဖျဲးဒီးပှၤယူဒၤဖိလၢအတစူၢ် တနာ်ယ့ၣ်ၡူးခရံာ်တဖၣ်အတၢ်မၤအၢမၤသီ, ဒီးဒ်သိးယတၢ်ဖံးတၢ်မၤဖဲဝ့ၢ်ယရူၤၡလ့ၣ်အပူၤကဘၣ်တၢ်တူၢ်လိာ် အီၤလၢကစၢ်ယွၤအပှၤစီဆှံဖဲန့ၣ်တဖၣ်အဂီၢ်န့ၣ်တက့ၢ်.

ရိမ့ၤ 16:2

တူၢ်လိာ်အီၤလၢကစၢ်အမံၤအပူၤ, ဒ်ပှၤစီဆှံတဖၣ်ကြၢးမၤ ဝဲအသိး, ဒီးဟ့ၣ်အီၤတၢ်မၤစၢၤတမံၤဂ့ၤတမံၤဂ့ၤလၢအဝဲလိၣ် ဘၣ်ဝဲလၢသုအိၣ်န့ၣ်တက့ၢ်. အဂ့ၢ်ဒ်လဲၣ်န့ၣ်, အဝဲမ့ၢ်တ့ၢ်တံၤသကိးအဂ့ၤလၢပှၤအါဂၤအဂီၢ် ဒီးလၢယဂီၢ်စ့ၢ်ကီးလီၤ.

ရိမ့ၤ 16:5

ယဆှၢစ့ၢ်ကီးယတၢ်ဆၢဂ့ၤဆၢဝါတဖၣ်ဆူတၢ်အိၣ်ဖှိၣ်လၢအဘူၣ် သကိးဘါသကိးတၢ်လၢအဝဲသ့ၣ်အဟံၣ်ပူၤအအိၣ်န့ၣ်လီၤ. ယဆှၢယတၢ်ဆၢဂ့ၤဆၢဝါဆူယတံၤသကိးလၢယအဲၣ်အီၤစီၤ အ့ပဲန့းတူး, လၢအမ့ၢ်ပှၤအဆိကတၢၢ်တဂၤလၢအစူၢ်က့ၤနာ်က့ၤခရံာ်လၢ ကီၢ်အၤစံအပူၤတဂၤအအိၣ်န့ၣ်လီၤ.

1 ကရံၣ်သူး 1:16

(အိ, မ့ၢ်လီၤ. ယဘျၢဘၣ်စ့ၢ်ကီးစီၤစတ့းဖနၣ်ဒီးအဒူၣ်ဖိထၢဖိ လီၤ. မ့မ့ၢ်, လၢအဝဲသ့ၣ်အမဲာ်ညါ, ယဘျၢဘၣ်ဒံးယဲပှၤအဂၤတဖၣ် ကစီဒီဧါ, တဘျၢဘၣ်လဲၣ်န့ၣ်, ယတသ့ၣ်နီၣ်ဘၣ်.)

1 ကရံၣ်သူး 16:1

ခဲကနံၣ်အံၤ, ဘၣ်ထွဲဒီးတၢ်လၢသုကွဲးတ့ၢ်သုဝဲဘၣ်ဃးတိၢ်လၢသု ကထၢဖှိၣ်အီၤလၢသုကမၤစၢၤယွၤအပှၤဂီၢ်မုၢ်ဖဲကီၢ်ယူဒၤတဖၣ် အဂီၢ်န့ၣ်, သုကဘၣ်မၤသုဝဲဒ်ယစံးဘၣ်တဲဘၣ်တ့ၢ်တၢ်အိၣ်ဖှိၣ် တဖၣ်ဖဲကီၢ်ကလၤတံလၢအကမၤဝဲန့ၣ်လီၤ.

1 ကရံၣ်သူး 16:17

ယသူၣ်ခုသးခုယဲလၢစီၤစတ့းဖနၣ်, စီၤဖူာ်တူၤနါတူးဒီးစီၤအဃကူးတဖၣ်အတၢ်ဟဲအဃိလီၤ. အဝဲသ့ၣ်တဖၣ်မၤပှဲၤက့ၤသုလီၢ်,

၂ ကရံၣ်သူး 8:4

အဝဲသ့ၣ်ဃ့ကညးပှၤဒီးဃ့န့ၢ်တၢ်အခွဲးအယာ်လၢအကမၤသကိး ဘၣ်တၢ်လၢတၢ်မၤစၢၤကစၢ်ယွၤအပှၤဂီၢ်မုၢ်ဖဲကီၢ်ယူဒၤအပူၤန့ၣ်လီၤ.

၂ ကရံၣ်သူး 9:1

အလီၢ်တအိၣ်နီၢ်နီၢ်လၢယကကွဲးတဲသုဘၣ်ဃးတၢ်မၤ စၢၤလၢအဘၣ်တၢ်ဆှၢလီၤအီၤဆူယွၤအပှၤဂီၢ်မုၢ်ဖဲကီၢ် ယူဒၤတဖၣ်အဂ့ၢ်န့ၣ်ဘၣ်.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

ဖံၤလ့မိၣ် 1:7

ယဒီပုၢ်ဝဲၢ်သးဘိဧၢ, နတၢ်အဲၣ်ဟဲစိာ်န့ၢ်ယၤတၢ်သးခုဒီးဟ့ၣ်ဆူၣ်ထီၣ်ယသးဒိၣ်ဒိၣ် အါအါလီၤ. အဂ့ၢ်ဒ်အံၤနမၤမုာ်တ့ၢ်လံပှၤစီဆှံခဲလၢာ်အသးလီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

၁ ပ့းတရူး 4:10

ပှၤတဂၤဒီးတဂၤ, ဒ်ကစၢ်ယွၤအပှၤပၢၤတၢ်လၢအဂ့ၤလၢအပၢၤ ကစၢ်ယွၤအတၢ်ဟ့ၣ်လၢအလီၤဆီတဖၣ်အသိး, ကဘၣ်သူ အတၢ်ဟ့ၣ်လီၤဆီလၢအဒိးန့ၢ်ဝဲလၢကစၢ်ယွၤအအိၣ် လၢပှၤဂၤတဖၣ်အတၢ်ဂ့ၤအဂီၢ်န့ၣ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.