1 ကရံၣ်သူး 16:13 - Sgaw Karen Common Bible

¹³ အိၣ်ပလီၢ်သူၣ်ပလီၢ်သး, ဆၢထၢၣ်ကျၢၤကျၢၤလၢတၢ်စူၢ်တၢ်နာ် အပူၤ, အိၣ်ဒီးတၢ်သးဒူ, အိၣ်ဒီးတၢ်ဂံၢ်တၢ်ဘါတက့ၢ်.

1 ကရံၣ်သူး 16:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:12

အိၣ်ဒီးတၢ်ဂံၢ်ဆူၣ်ဘါဆူၣ်ဒီးတၢ်သူၣ်ဒူသးဒူတက့ၢ်. မ်ပဒုးတၢ်ဆူၣ်ဆူၣ်လၢပပှၤဂီၢ်မုၢ်အဂီၢ်ဒီးလၢပကစၢ်ယွၤ အဝ့ၢ်တဖၣ်အဂီၢ်န့ၣ်တက့ၢ်. ဒီးမ်တၢ်ဘၣ်ယွၤအသးလၢထီၣ်ပှဲၤထီၣ်ဝဲန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 2:2

ယတၢ်သံအဆၢကတီၢ်ဟဲတုၤလံ. အိၣ်ဒီးတၢ်နာ်န့ၢ်အီၤနသးဒီးတၢ် ပာ်လီၤသးသပှၢ်ပှၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 19:13

ပာ်ဆူၣ်နသးဒီးအိၣ်ဒီးတၢ်သူၣ်ဒူသးဒူတက့ၢ်. မ်ပကဒုးသကိးတၢ်ဆူၣ်ဆူၣ်လၢပပှၤဂီၢ်မုၢ်အဂီၢ်ဒီးလၢပကစၢ်ယွၤ အဝ့ၢ်တဖၣ်အဂီၢ်န့ၣ်တက့ၢ်. ဒီးမ်တၢ်ကမၤအသးဒ်ယွၤအတၢ်ဘၣ်အသးတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 28:10

နကဘၣ်သ့ၣ်ညါလၢယွၤဃုထၢတ့ၢ်နၤလၢနကသူၣ်ထီၣ်အတၢ်လုၢ်ဟံၣ်စီ ဆှံအဂီၢ်န့ၣ်လီၤ. ခဲကနံၣ်အံၤမၤအီၤ, ဒီးမၤအီၤအိၣ်ဒီးတၢ်ပာ်လီၤသးကျၢၤမုဆှုတက့ၢ်.”

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

စံးထီၣ်ပတြၢၤ 31:24

ကယဲၢ်ပှၤလၢအမုၢ်လၢ်တၢ်လၢယွၤအပူၤ ခဲလၢာ်သ့ၣ်ဧၢ, ပာ်ဆူၣ်သုသး, ဒီးအိၣ်ဒီးတၢ်သူၣ်ဒူသးဒူတက့ၢ်.

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်ဒၤနံးယ့လး 11:32

လၢတၢ်လီတၢ်ဝ့ၤန့ၣ်စီၤပၤကထုးန့ၢ်ပှၤတဖၣ်လၢအပာ်တ့ၢ်ညိ ကွံာ်လံအတၢ်ဘူၣ်တၢ်ဘါအတၢ်ဆီၣ်ထွဲအီၤန့ၣ်လီၤ. ဘၣ်ဆၣ်ဒီးပှၤတဖၣ်လၢအပိာ်ကစၢ်ယွၤအကျဲန့ၣ်ကဒုးဆၢက့ၤ တၢ်လီၤ.

လံာ်ဃးကဲ 2:4

ဘၣ်ဆၣ်ခဲအံၤသးဟးဂီၤနီတဂၤတဂ့ၤ. မၤတၢ်တက့ၢ်. အဂ့ၢ်ဒ်အံၤ, ယအိၣ်ဒီးသုလီၤ.

လံာ်စကၤရယၤ 8:13

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, လၢအပူၤကွံာ်န့ၣ်, ပှၤတခီဘီမုၢ်ဖိတဖၣ်တဂၤဒီးတဂၤစံးဝဲလၢမ်တၢ်တတၢးတနါ တမံၤဃီလၢအလီၤဘၣ်လၢကီၢ်ယူဒၤဒီးကီၢ်အံၣ်စရ့လးအလိၤ ကလီၤဘၣ်နၤတက့ၢ်, ဖဲအဆိၣ်အၢလိာ်အသးန့ၣ်လီၤ. မ့မ့ၢ်ခဲအံၤယကအုၣ်က့ၤခီၣ်က့ၤသုလီၤ. အန့ၣ်ဒီးပှၤတခီဘီမုၢ်ဖိတဖၣ်ကစံးလိာ်အသးတဂၤဒီးတဂၤ, မ်သုကဒိးန့ၢ်တၢ်ဆိၣ်ဂ့ၤတမံၤဃီလၢအဘၣ်ကီၢ် ယူဒၤဒီးကီၢ်အံၣ်စရ့လးတက့ၢ်န့ၣ်လီၤ. လၢတၢ်န့ၣ်အဃိ, အိၣ်ဒီးတၢ်သးဒူတက့ၢ်.”

လံာ်စကၤရယၤ 8:9

အိၣ်ဒီးတၢ်သူၣ်ဒူသးဒူတက့ၢ်. ခဲအံၤသုနၢ်ဟူဘၣ်တၢ်ကတိၤတမံၤဃီဒ်သိးဒီးတၢ်ကတိၤလၢဝံ တဖၣ်ကတိၤတ့ၢ်ဝဲဖဲတၢ်ပာ်လီၤတၢ်ခီၣ်ထံးလၢတၢ်ကဘှီထီၣ် ကဒါက့ၤယတၢ်လုၢ်ဟံၣ်အဆၢကတီၢ်န့ၣ်လီၤ.

လံာ်မးသဲ 25:13

ဒီးယ့ၣ်ၡူးမၤကတၢၢ်က့ၤအတၢ်ကတိၤဒီးစံး, “ဆိးသီတက့ၢ်. အဂ့ၢ်ဒ်အံၤ, မုၢ်နံၤမ့ၢ်ဂ့ၤ, နၣ်ရံၣ်မ့ၢ်ဂ့ၤသုတသ့ၣ်ညါဘၣ်.

လံာ်မးသဲ 26:41

ဆိးသီဒီးဃ့ဘါထုကဖၣ်ယွၤ, ဒ်သိးသုသုတလီၤဃံၤလၢတၢ်လ့ပစီအဃိတဂ့ၤန့ၣ်တက့ၢ်. သးအဂံၢ်အဘါမ့ၢ်ဆူၣ်သနာ်က့, နီၢ်ခိအဂံၢ်အဘါစၢ်ဝဲလီၤ.”

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

အ့းဖ့းစူး 3:16

ယဃ့ထုကဖၣ်ကစၢ်ယွၤ, ဒ်အလၤကပီၤထူးတီၤဝဲအသိးလၢအကဟ့ၣ်လီၤသုတၢ်စိတၢ် ကမီၤခီဖျိယွၤအသးဒ်သိးသုသးအဂံၢ်အဘါကဆူၣ်ထီၣ်ဝဲ အဂီၢ်,

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ဖံလံးပံၤ 4:1

မ်ဒ်န့ၣ်ဒီး, ယဒီပုၢ်ဝဲၢ်သ့ၣ်ဧၢ, ယအဲၣ်ဘၣ်သုဒီးသးသယုၢ်ဘၣ်သုဒိၣ်မးလီၤ. သုဒုးသးခုယၤဒိၣ်မး, ဒီးယပာ်ကဖၢလၢယသးလၢ သုဃိဒိၣ်မးလီၤ. ဒီပုၢ်ဝဲၢ်သးဘိသ့ၣ်ဧၢ, အဝဲအံၤ မ့ၢ်ကျဲလၢသုကဆၢထၢၣ်ဂၢၢ်ကျၢၤလၢသုတၢ်အိၣ်မူလၢ ကစၢ်အပူၤန့ၣ်လီၤ.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

ကလီးစဲ 4:2

ဘါထုကဖၣ်ယွၤသပှၢ်ပှၢ်ထီဘိတက့ၢ်. ပာ်သုသးစၢၢ်ဆၢပံၢ်ကလာ်လၢတၢ်ထုကဖၣ်အပူၤအိၣ်ဒီးတၢ်စံးဘျုးစံးဖှိၣ်ကစၢ်ယွၤ တက့ၢ်.

၁ သ့းစၤလနံ 3:8

အဂ့ၢ်ဒ်အံၤ, ခဲကနံၣ်အံၤသုမ့ၢ်ဆၢထၢၣ်ဂၢၢ်ကျၢၤလၢသုတၢ် အိၣ်မူလၢခရံာ်အပူၤဒီးပမူပဝဲနီၢ်နီၢ်လီၤ.

၁ သ့းစၤလနံ 5:6

လၢတၢ်န့ၣ်အဃိ, ပတကြၢးမံပဝဲ, ဒ်ပှၤအဂၤတဖၣ်မၤဝဲ အသိးန့ၣ်ဘၣ်. ပကြၢးအိၣ်ဆိးသီဒီးတမူၤတဘှီးဘၣ်န့ၣ်လီၤ.

၂ သ့းစၤလနံ 2:15

လၢတၢ်န့ၣ်အဃိပဒီပုၢ်ဝဲၢ်သ့ၣ်ဧၢ, ဆၢထၢၣ်ကျၢၤကျၢၤ ဒီးဟံးဃာ်တၢ်မ့ၢ်တၢ်တီသ့ၣ်တဖၣ်လၢပသိၣ်လီၤသီလီၤ တ့ၢ်သုလၢပတၢ်စံၣ်တဲၤတဲလီၤအပူၤ, ဒီးလၢပလံာ်ပရၢအပူၤစ့ၢ်ကီးန့ၣ်တက့ၢ်.

၁ တံၤမသ့း 6:12

တၢ်စူၢ်တၢ်နာ်အတၢ်ဃ့ၢ်န့ၣ်ဃ့ၢ်အီၤအဂ့ၤကတၢၢ်, ဒီးမၤန့ၢ်တၢ်မူအထူအယိာ်လၢနကစၢ်ဒၣ်နဲအဂီၢ်တက့ၢ်. အဂ့ၢ်ဒ်လဲၣ်န့ၣ်, ကစၢ်ယွၤကိးတ့ၢ်နၤဆူတၢ်မူအဝဲအံၤ အပူၤဖဲနအၢၣ်လီၤဒီးမၤဂၢၢ်မၤကျၢၤနတၢ်စူၢ်တၢ်နာ်လၢပှၤအုၣ် အသးအါဂၤအမဲာ်ညါအခါန့ၣ်လီၤ.

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

၂ တံၤမသ့း 4:5

မ့မ့ၢ်နဲဒၣ်အံၤ, ပၢၤနသးလၢတၢ်မၤအသးကိးမံၤဒဲးအပူၤတက့ၢ်. တူၢ်တၢ်နးတၢ်ဖှီၣ်, မၤပှၤစံၣ်တဲၤတဲလီၤတၢ်သးခုအကစီၣ်အတၢ် မၤဒီးမၤနမူနဒါခဲလၢာ် ဒ်ကစၢ်ယွၤအခ့အပှၤတဂၤအသိးတက့ၢ်.

၂ တံၤမသ့း 4:7

တၢ်ဒုးလၢအဂ့ၤန့ၣ်ယဒုးလံ, တၢ်ဃ့ၢ်န့ၣ်ယဃ့ၢ်လံ, ယပၢၤဃာ်တၢ်နာ်န့ၣ်လံ.

လံာ်စီၤယိၤၡူ 1:18

ပှၤတဂၤလၢ်လၢ်လၢအထီဒါနတၢ်စိတၢ်ကမီၤ, ဒီးတစူၢ်ဘၣ်နတၢ်မၤလိာ်တမံၤလၢ်လၢ်န့ၣ်, ကဘၣ်တၢ်မၤသံအီၤလီၤ. ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်.”

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

၁ ပ့းတရူး 4:7

တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 4:9

ဒီးပှၤဖလ့ၡသးဖိသ့ၣ်ဧၢ, အိၣ်ဒီးသးဒူတက့ၢ်. ဒုးတၢ်ဒ်ပှၤပိာ်ခွါတဖၣ်အသိးတက့ၢ်. မ့တမ့ၢ်ဘၣ်ဒီးပကကဲထီၣ်ပှၤဧ့ၤဘြံၤဖိတဖၣ်အကုၢ်, ဒ်အမ့ၢ်တ့ၢ်ပကုၢ်တဖၣ်အသိးလီၤ. မၤသးဒ်န့ၣ်ဒီးဒုးတၢ်ဒ်ပှၤပိာ်ခွါတဖၣ်အသိးတက့ၢ်.