1 ကရံၣ်သူး 16:10 - Sgaw Karen Common Bible

¹⁰ စီၤတံၤမသ့းမ့ၢ်ဟဲဘၣ်ဆူသုအိၣ်န့ၣ်, ပာ်သူၣ်ပာ်သးဒ်သိးအဝဲဒၣ်ကကလၢၢ်ဘၣ်သုတၢ် တူၢ်လိာ်မုာ်အီၤလၢသုသိးသုကျါန့ၣ်တက့ၢ်. အဂ့ၢ်ဒ်အံၤ, အဝဲဒၣ်မၤတၢ်လၢကစၢ်အဂီၢ်ဒ်ယမၤယဲအသိးလီၤ.

1 ကရံၣ်သူး 16:10 Iomraidhean Croise

မၤတၢ် 16:1

စီၤပီလူးလဲၤဆူညါဆူဝ့ၢ်ဒ့ၢ်ဘ့ၤဒီးဝ့ၢ်လူစတြၤလီၤ. ဖဲဝ့ၢ်လူစတြၤန့ၣ်အပျဲၢ်အဘီၣ်အိၣ်ဝဲတဂၤလၢအမံၤမ့ၢ်စီၤတံၤမသ့း, ဒီးအဝဲဒၣ်အမိၢ်လၢအမ့ၢ်စ့ၢ်ကီးပှၤစူၢ်က့ၤနာ်က့ၤတၢ်တဂၤ န့ၣ်မ့ၢ်ဝဲပှၤယူဒၤမုၣ်, ဘၣ်ဆၣ်အပၢ်မ့ၢ်ပှၤကြံးခ်ဖိတဂၤန့ၣ်လီၤ.

မၤတၢ် 19:22

လၢတၢ်န့ၣ်အဃိ, အဝဲဒၣ်ဆှၢလီၤစီၤတံၤမသ့းဒီးစီၤအ့ရၤစတူး, ပှၤလၢအမၤစၢၤအီၤအကျါခံဂၤန့ၣ်ဆူကီၢ်မၤက့းဒနံ, ဖဲအဝဲအနီၢ်ကစၢ်တခီအိၣ်ဒံးဝဲဖဲကီၢ်အၤစံတစိၢ်တလီၢ်န့ၣ်လီၤ.

ရိမ့ၤ 16:21

ပှၤမၤသကိးတၢ်ဒီးယၤစီၤတံၤမသ့းဆှၢလီၤန့ၢ်သုအတၢ် ဆၢဂ့ၤဆၢဝါတဖၣ်, ဒီးဒ်န့ၣ်အသိးပပှၤယူဒၤဖိသကိးဒီးယၤစီၤ လူကံၤ, စီၤယါစီၣ်ဒီးစီၤစီးပၤတြူးသ့ၣ်တဖၣ်ဆှၢလီၤစ့ၢ်ကီးအတၢ် ဆၢဂ့ၤဆၢဝါတဖၣ်လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

1 ကရံၣ်သူး 16:11

ပှၤတကြၢးကွၢ်တလီၤအီၤနီတဂၤဘၣ်. မ့မ့ၢ်သုကဘၣ်မၤစၢၤ အီၤဒ်သိးအဝဲဒၣ်ကလဲၤဘၣ်ကဒီးတၢ်လၢတၢ်မုာ်တၢ်ပၢၤအပူၤ, ဒ်သိးအဝဲဒၣ်ကဟဲက့ၤဆူယအိၣ်န့ၣ်လီၤ. အဂ့ၢ်ဒ်အံၤ, ယကွၢ်လၢ်အဝဲဒၣ်အကျဲ, လၢအကဟဲက့ၤဝဲဒီးဒီပုၢ်ဝဲၢ်တဖၣ်လီၤ.

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

၂ ကရံၣ်သူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤခီဖျိ ကစၢ်ယွၤအတၢ်ဘၣ်အသး, ဒီးလၢပဒီပုၢ်ဝဲၢ်စီၤတံၤမသ့း, ဆူကစၢ်ယွၤအတၢ်အိၣ်ဖှိၣ်လၢဝ့ၢ်ကရံၣ်သူး, ဒီးဆူကစၢ်ယွၤအပှၤဂီၢ်မုၢ်ခဲလၢာ်လၢအအိၣ်ဝဲသကုၤဆးဒးကီၢ် အဃါယၤ,

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၁ သ့းစၤလနံ 4:12

သုမ့ၢ်မၤဒ်န့ၣ်ဒီး, သုကဒိးန့ၢ်ဘၣ်ပှၤလၢအတစူၢ်တနာ်ခရံာ်တဖၣ်အတၢ်ယူးယီၣ် ပာ်ကဲသု, ဒီးအလီၢ်တအိၣ်လၢသုကသန့ၤသုသးလၢပှၤဂုၤ ပှၤဂၤလၢသုတၢ်လိၣ်တဖၣ်အဂီၢ်န့ၣ်ဘၣ်လီၤ.