1 ကရံၣ်သူး 15:6 - Sgaw Karen Common Bible

⁶ အန့ၣ်ဝံၤအလီၢ်ခံအဝဲဒၣ်လီၣ်ဖျါထီၣ်အသးလၢအပျဲၢ်အဘီၣ် အါန့ၢ်အဂၤယဲၢ်ကယၤ, လၢတဘျီဃီအတီၢ်ပူၤဒီးပှၤသ့ၣ်တဖၣ် အံၤစှၤဂၤန့ၣ်, သံတ့ၢ်လံဝဲသနာ်က့အဝဲသ့ၣ်အါဒၣ်တၢ်တက့ၢ် အိၣ်မူအိၣ်ဂဲၤဒံးဝဲလီၤ.

1 ကရံၣ်သူး 15:6 Iomraidhean Croise

လံာ်မးသဲ 28:10

ယ့ၣ်ၡူးစံးဘၣ်အဝဲသ့ၣ်, “ပျံၤတၢ်တဂ့ၤ. လဲၤဒီးတဲဘၣ်ယဒီပုၢ်ဝဲၢ်တဖၣ်လၢအကလဲၤဆူကီၢ်ကၤလံၤလါဒီး ဖဲန့ၣ်အဝဲသ့ၣ်ကထံၣ်ဘၣ်ယၤလီၤ.”

လံာ်မၢ်ကူး 16:7

ခဲအံၤလဲၤဒီးစံးဘၣ်တဲဘၣ်အပျဲၢ်အဘီၣ်တဖၣ်ဃုာ်ဒီးစီၤပ့းတရူး လၢအဝဲဒၣ်ကလဲၤဆိပာ်ဆူကီၢ်ကၤလံၤလါလၢအဝဲသ့ၣ်အမဲာ်ညါ, ဒီးဖဲန့ၣ်န့ၣ်သုကထံၣ်ဘၣ်အီၤဒ်အစံးဘၣ်တ့ၢ်သုအသိးန့ၣ်လီၤ.”

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

မၤတၢ် 7:60

အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

1 ကရံၣ်သူး 15:18

အခီပညီကမ့ၢ်စ့ၢ်ကီးလၢပှၤစူၢ်က့ၤနာ်က့ၤခရံာ်လၢအသံ တ့ၢ်လံတဖၣ်န့ၣ်လီၤမၢ်ကွံာ်ဝဲဒၣ်လီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

၁ သ့းစၤလနံ 4:13

ပဒီပုၢ်ဝဲၢ်သ့ၣ်ဧၢ, ပအဲၣ်ဒိးလၢသုကသ့ၣ်ညါလီၤတံၢ်တၢ်မ့ၢ် တၢ်တီဘၣ်ဃးပှၤလၢအသံတ့ၢ်လံတဖၣ်အဂ့ၢ်, ဒ်သိးသုသုတသူၣ်အုးသးအုးဒ်ပှၤလၢအတၢ်မုၢ်လၢ်တအိၣ်ဘၣ် တဖၣ်အသိးတဂ့ၤအဂီၢ်န့ၣ်လီၤ.

၁ သ့းစၤလနံ 4:15

တၢ်လၢပစံးဘၣ်တဲဘၣ်သုအံၤန့ၣ်, မ့ၢ်ဝဲတၢ်တမံၤဃီလၢ ကစၢ်သိၣ်လိဝဲန့ၣ်လီၤ. ပဝဲလၢအအိၣ်မူဒံးဖဲကစၢ်ဟဲအဆၢ ကတီၢ်တဖၣ်န့ၣ်, ပတလဲၤဆိလၢပှၤသံတ့ၢ်တဖၣ်အမဲာ်ညါန့ၣ်ဘၣ်.

၂ ပ့းတရူး 3:4

ဒီးကသံကွၢ်သု, “အဝဲအၢၣ်လီၤလၢကဟဲဝဲတမ့ၢ်ဘၣ်ဧါ. အဝဲအိၣ်ဖဲလဲၣ်. ပပၢ်တဖၣ်သံတ့ၢ်လံ, ဘၣ်ဆၣ်တၢ်ခဲလၢာ်မ့ၢ်ဒံးဒၣ်ဒ်တၢ်တ့လီၤဟီၣ်ခိၣ်လၢ အခီၣ်ထံးလံၤလံၤအသိးန့ၣ်လီၤ.”