1 ကရံၣ်သူး 15:58 - Sgaw Karen Common Bible

⁵⁸ လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

1 ကရံၣ်သူး 15:58 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 15:7

မ့မ့ၢ်, သုဂံၢ်သုဘါကဘၣ်ဆူၣ်ဒီးသုတဘၣ်သးဟးဂီၤဘၣ်. တၢ်မၤလၢသုမၤန့ၣ်ကအိၣ်ဒီးအဘူးအလဲန့ၣ်လီၤ.”

လံာ်စီၤနဃ့မယၤ 6:4

ဒီးအဝဲသ့ၣ်ဆှၢန့ၢ်ယၤတၢ်ကစီၣ်တမံၤဃီလွံၢ်ဘျီ, ဒီးယစံးဆၢက့ၤအီၤဒ်အလီၢ်လီၢ်အသိးန့ၣ်လီၤ.

စံးထီၣ်ပတြၢၤ 112:6

အဂ့ၢ်ဒ်အံၤ, ပှၤအတီအလိၤန့ၣ် တဟူးတဝးဘၣ်နီတဘျီဘၣ်. အဝဲကဘၣ်တၢ်သ့ၣ်နီၣ်ထီၣ်က့ၤအီၤ လီၤထူလီၤယိာ်လီၤ.

စံးထီၣ်ပတြၢၤ 19:11

နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤလၢအတိၢ်န့ၢ်အီၤန့ၣ် ဒိးန့ၢ်အဘျုးဖးဒိၣ်လီၤ.

စံးထီၣ်ပတြၢၤ 55:22

ပာ်ထီၣ်နတၢ်ဝံတၢ်ယိးလၢယွၤအလိၤတက့ၢ်. ဒီးအဝဲဒၣ်ကမၤစၢၤနၤလီၤ. အဝဲတပျဲပှၤတီပှၤလိၤဟူးဝးနီတဘျီဘၣ်.

စံးထီၣ်ပတြၢၤ 73:13

ယမၤကဆှီယသး, ဒီးသ့စီကွံာ်ယစုလၢ တၢ်ဒဲးဘးတအိၣ်ဘၣ်အပူၤန့ၣ် မ့ၢ်ဒၣ်တၢ်ကလီကလီခဲလၢာ်န့ၣ်လီၤ.

စံးထီၣ်ပတြၢၤ 78:37

အဝဲသ့ၣ်အသးတအိၣ်ဂၢၢ်ကျၢၤဘၣ်ဒီးအီၤဘၣ်, ဒီးတတီဒီးအတၢ်အၢၣ်လီၤဒီးယွၤန့ၣ်ဘၣ်.

စံးထီၣ်ပတြၢၤ 78:8

အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

တၢ်ကတိၤဒိ. 21:21

အိၣ်ဒီးတၢ်သူၣ်ကညီၤသးကညီၤဒီးတၢ်သူၣ်လိၤသးဘျၢတက့ၢ်. ဒီးနသးသမူအမုၢ်နံၤကထီဝဲလီၤ. ပှၤဂုၤပှၤဂၤတဖၣ်ကပာ်ကဲ နၤဒီးမၤဘၣ်နၤဂ့ၤဂ့ၤဘၣ်ဘၣ်လီၤ.

လံာ်မၢ်ကူး 3:3

ယ့ၣ်ၡူးစံးဘၣ်ပှၤတဂၤန့ၣ်, “ဟဲထီၣ်ဆူတၢ်မဲာ်ညါအံၤတက့ၢ်.”

လံာ်လူၤကၣ် 19:19

အဝဲဒၣ်စံးဘၣ်တၢ်ခ့တၢ်ပှၤတဂၤအံၤ, ‘နကပၢဘၣ်ဝ့ၢ်ယဲၢ်ဖျၢၣ်လီၤ.’

1 ကရံၣ်သူး 16:10

စီၤတံၤမသ့းမ့ၢ်ဟဲဘၣ်ဆူသုအိၣ်န့ၣ်, ပာ်သူၣ်ပာ်သးဒ်သိးအဝဲဒၣ်ကကလၢၢ်ဘၣ်သုတၢ် တူၢ်လိာ်မုာ်အီၤလၢသုသိးသုကျါန့ၣ်တက့ၢ်. အဂ့ၢ်ဒ်အံၤ, အဝဲဒၣ်မၤတၢ်လၢကစၢ်အဂီၢ်ဒ်ယမၤယဲအသိးလီၤ.

1 ကရံၣ်သူး 3:8

ပှၤလၢအဖှံတၢ်ချံ, ဒီးပှၤလၢအလူထံ, ပှၤခံဂၤန့ၣ်အဘၢၣ်စၢၤ, တၢ်လီၤဆီတအိၣ်ဘၣ်. ကစၢ်ယွၤကဟ့ၣ်ဘူးဟ့ၣ်လဲအဝဲသ့ၣ် တဂၤဒီးတဂၤဒ်အကြၢးဒီးတၢ်ဖံးတၢ်မၤလၢအမၤဝဲန့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 4:11

ယသူၣ်ကိၢ်သးဂီၤလၢသုဂီၢ်လီၤ. မ့ၢ်ကယဲၢ်တၢ်လၢယမၤ တ့ၢ်အီၤလၢသုဂီၢ်ကဲထီၣ်တၢ်ကလီကလီလံဧါ.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ဖံလံးပံၤ 1:9

ယဃ့ဘါထုကဖၣ်ဒ်သိးသုတၢ်အဲၣ်တၢ်ကွံကဒိၣ်ထီၣ် အါထီၣ်ဆူညါကွ့ၢ်ကွ့ၢ်, ဃုာ်ဒီးတၢ်သ့ၣ်ညါအမ့ၢ်အတီ ဒီးတၢ်စံၣ်ညီၣ်ပဲာ်ဖးနီၤဖးတၢ်ဘၣ်အပူၤ,

ဖံလံးပံၤ 2:16

ဖဲသုဟ့ၣ်အဝဲသ့ၣ်တၢ်ကစီၣ်ဘၣ်ဃးတၢ်မူအဂ့ၢ်န့ၣ်လီၤ. သုမ့ၢ်မၤဒ်န့ၣ်ဒီးဖဲခရံာ်အမုၢ်နံၤန့ၣ်ယကအိၣ်ဒီးတၢ်အဂ့ၢ်အခၢးလၢ ယကပာ်ကဖၢလၢယသးလၢသုဃိ, မ့ၢ်လၢတၢ်လၢသုမၤန့ၣ်ကဒုးနဲၣ်အဝဲဒၣ်လၢယတၢ်ကျဲးစၢးဒီး တၢ်မၤတကဲထီၣ်တၢ်ကလီကလီဘၣ်အဃိန့ၣ်လီၤ.

ဖံလံးပံၤ 2:30

အဂ့ၢ်ဒ်အံၤ, ဒ်သိးအကဟ့ၣ်ယၤတၢ်မၤစၢၤလၢသုနီၢ်ကစၢ်ဒၣ်ဝဲသုဟ့ၣ်ယၤ တသ့န့ၣ်, အဝဲဒၣ်ကွၢ်ဆၢၣ်မဲာ်တၢ်သံခ့သံပှၤဒီးဘူးတ့ၢ်မးလၢ အကသံဝဲလၢခရံာ်အတၢ်ဖံးတၢ်မၤအဂီၢ်န့ၣ်လီၤ.

ဖံလံးပံၤ 4:17

တၢ်အံၤတမ့ၢ်ယသးအိၣ်ထဲလၢယကဒိးန့ၢ်တၢ်ဟ့ၣ်တဖၣ်န့ၣ်ဘၣ်. မ့မ့ၢ်တခီ, ယသးအိၣ်ထံၣ်ဘၣ်အါထီၣ်သုတၢ်မၤဂ့ၤတဖၣ်အဃိလီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

ကလီးစဲ 2:5

အဂ့ၢ်ဒ်အံၤယမ့ၢ်တအိၣ်ဒီးသုလၢနီၢ်ခိနီၢ်ခီသနာ်က့, ယအိၣ်ဒီးသုလၢသူၣ်လၢသးဒီးယသးခုလၢယထံၣ်ဘၣ် သုဟံးဃာ်လိာ်သုသးဒီးဆၢထၢၣ်သကိးလၢတၢ်စူၢ် တၢ်နာ်အဂၢၢ်အကျၢၤလၢခရံာ်အပူၤအဃိန့ၣ်လီၤ.

ကလီးစဲ 2:7

အိၣ်သူၣ်လီၤသုသးယိာ်ယိာ် ဒီးဘှီထီၣ်သုတၢ်အိၣ်မူလၢ ခရံာ်အပူၤ, ဒီးမ်သုတၢ်စူၢ်တၢ်နာ်အဂံၢ်အဘါကဆူၣ်ထီၣ်ဒ် သုဘၣ်တၢ်သိၣ်လိတ့ၢ်သုအသိး, ဒီးလၢထီၣ်ပှဲၤထီၣ်ဒီးတၢ်စံးဘျုးစံးဖှိၣ်န့ၣ်တက့ၢ်.

၁ သ့းစၤလနံ 1:3

တဘျီလၢ်လၢ်ဖဲပဃ့ဘါထုကဖၣ်တၢ်ဆူပကစၢ်ယွၤဒီးပပၢ် အအိၣ်န့ၣ်, ပသ့ၣ်နီၣ်ထီၣ်သုအိၣ်မူမၤထွဲသုတၢ်စူၢ်တၢ်နာ် အခံဒ်လဲၣ်, သုဖံးသုမၤတၢ်ဆူၣ်ဆူၣ်လၢတၢ်အဲၣ်အဃိဒ်လဲၣ်, ဒီးသုတၢ်မုၢ်လၢ်လၢပကစၢ်ယ့ၣ်ၡူးခရံာ်အပူၤဂၢၢ်ကျၢၤဒ်လဲၣ် အဂ့ၢ်န့ၣ်လီၤ.

၁ သ့းစၤလနံ 3:12

မ်ကစၢ်ယွၤမၤစၢၤသုဒ်သိးသုတၢ်အဲၣ်လိာ်သုသးဒီးသုတၢ် အဲၣ်ပှၤခဲလၢာ်ကအါထီၣ်န့ၢ်အလီၢ်တုၤအဒိၣ်ထဲသိးဒီးပတၢ် အဲၣ်သုအံၤန့ၣ်တက့ၢ်.

၁ သ့းစၤလနံ 3:3

ဒ်သိးသုသုတပာ်တီၢ်ကွံာ်သုတၢ်စူၢ်တၢ်နာ်ခရံာ်, လၢသုတူၢ်ဘၣ်တၢ်မၤအၢမၤနးသုဒ်သိးအံၤအဃိနီတဂၤတဂ့ၤ အဂီၢ်န့ၣ်လီၤ. သုနီၢ်ကစၢ်ဒၣ်သုဝဲသုသ့ၣ်ညါလၢကစၢ်ယွၤအတၢ်ဘၣ် အသးလၢပဂီၢ်အိၣ်ဃုာ်ဒီးတၢ်မၤအၢမၤနးဒ်အံၤအသိး တဖၣ်လီၤ.

၁ သ့းစၤလနံ 3:5

လၢတၢ်န့ၣ်အဃိ, ယဘၣ်ဆှၢလီၤစီၤတံၤမသ့းလီၤ. ယအိၣ်တကဲလၢၤအဃိယဆှၢလီၤအဝဲဒၣ်ဒ်သိးအကဃု သ့ၣ်ညါတၢ်ဘၣ်ဃးသုတၢ်စူၢ်တၢ်နာ်အဂ့ၢ်န့ၣ်လီၤ. ယဘၣ်ယိၣ်လၢမုၣ်ကီၤလံၢ်ကလ့ပစီန့ၢ်သု, ဒီးပတၢ်ဖံးတၢ်မၤခဲလၢာ်ကကဲထီၣ်တၢ်ကလီကလီန့ၣ်လီၤ.

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.

၂ ပ့းတရူး 3:14

လၢတၢ်န့ၣ်အဃိယတံၤသကိးသ့ၣ်ဧၢ, ဖဲသုအိၣ်ခိးကွၢ်လၢ် မုၢ်နံၤအဝဲန့ၣ်န့ၣ်, ကျဲးစၢးအဂ့ၤကတၢၢ်ဒ်သိးလၢကစၢ်ယွၤ အမဲာ်ညါန့ၣ်, သုကစီဆှံဒီးတၢ်ပာ်တၢ်ကမၣ်လၢသုလိၤအလီၢ် တအိၣ်ဘၣ်ဒီး, သုကအိၣ်ဃူအိၣ်ဖိးဒီးအီၤအဂီၢ်န့ၣ်တက့ၢ်.

လံာ်နီၢ်ရူၤသး 1:18

ဒီးဖဲနီၢ်နၤဧမံထံၣ်ဝဲလၢနီၢ်ရူၤသးပာ်လီၤအသးနီၢ်နီၢ်လၢ ကလဲၤတၢ်ဒီးအီၤန့ၣ်, အဝဲတကတိၤအါတၢ်လၢၤဘၣ်န့ၣ်လီၤ.