1 ကရံၣ်သူး 15:55 - Sgaw Karen Common Bible

⁵⁵ “တၢ်သံဘၣ်တၢ်မၤဟးဂီၤကွံာ်အီၤလံ. တၢ်မၤနၢၤလၢဝဲပှဲၤ ဝဲလံ. တၢ်သံဧၢ, နတၢ်မၤနၢၤအိၣ်ဖဲလဲၣ်. တၢ်သံဧၢ, နတၢ်စိတၢ်ကမီၤလၢနကမၤဆူးမၤဆါတၢ်န့ၣ်အိၣ်ဖဲ လဲၣ်.”

1 ကရံၣ်သူး 15:55 Iomraidhean Croise

လံာ်စီၤယိၤဘး 41:22

အကိာ်အဂံၢ်အဘါဆူၣ်ဝဲတုၤဒၣ်လဲာ်ကယဲၢ်ပှၤလၢအဘၣ် သဂၢၢ်ဒီးအီၤန့ၣ်ပျံၤတၢ်ဖုးတၢ်လီၤ.

စံးထီၣ်ပတြၢၤ 89:48

ပှၤလၢအမူဝဲဒီးတထံၣ်န့ၢ်တၢ်သံနီတဘျီ ဒီးကမၤပူၤဖျဲးအသးသမူသ့လၢ တၢ်သံအစိအကမီၤန့ၣ်, မ့ၢ်မတၤတဂၤလဲၣ်. စ့လၤ

လံာ်ပှၤစံၣ်တဲၤတဲလီၤတၢ် 3:19

နီၢ်နီၢ်န့ၣ်, တၢ်ဘူၣ်တၢ်တီၢ်တမံၤဃီအိၣ်ခိးပှၤကညီဒီးဆၣ်ဖိ ကီၢ်ဖိဒ်သိးသိးန့ၣ်လီၤ. တဂၤသံဝဲဒ်အဂၤတဂၤအသိးလီၤ. အဝဲသ့ၣ်မ့ၢ်ဒၣ်တၢ်ဘၣ်တ့ဒ်သိးသိးလီၤ. ပှၤကညီတဂၤတဂ့ၤန့ၢ်ဆၣ်ဖိကီၢ်ဖိတဒုဘၣ်. မ့ၢ်လၢတၢ်အိၣ်မူ အခီပညီတအိၣ်ဘၣ်လၢအဝဲသ့ၣ်အဂီၢ်အဃိလီၤ.

လံာ်ပှၤစံၣ်တဲၤတဲလီၤတၢ် 8:8

ပှၤဟံးဃာ်ပၢၤဃာ်အသးလၢအသုတသံမ့ၢ်ဂ့ၤ, လၢကသုးယံာ်ကွံာ်အတၢ်သံအမုၢ်နံၤအဂီၢ်မ့ၢ်ဂ့ၤ, တသ့ဘၣ်နီတဂၤဘၣ်. တၢ်န့ၣ်မ့ၢ်တၢ်ဒုးတၢ်ယၤတမံၤလၢပဃ့ၢ်ပူၤဖျဲးကွံာ်မ့ၢ်ဂ့ၤ, ပလီကဒံလီကဒါတၢ်လၢပတၢ်ထူၣ်ဖျဲးအဂီၢ်မ့ၢ်ဂ့ၤတသ့ဘၣ်န့ၣ်လီၤ.

လံာ်ဟိၤၡ့ 13:14

ယတအုၣ်က့ၤခီၣ်က့ၤဘၣ်ပှၤဂီၢ်မုၢ်အံၤလၢတၢ်သံအကီၢ်ပူၤမ့ၢ်ဂ့ၤ, မၤပူၤဖျဲးအဝဲသ့ၣ်လၢတၢ်သံအစိကမီၤမ့ၢ်ဂ့ၤဘၣ်. ဟဲစိာ်ဃီၤနတၢ်သံသတြိာ်, ဟဲစိာ်ဃီၤနတၢ်မၤဟးဂီၤ, တၢ်သံအဘီအမုၢ်ဧၢ. ယတသးကညီၤလၢၤဘၣ်ပှၤဂီၢ်မုၢ်အံၤဘၣ်.

လံာ်လူၤကၣ် 16:23

လၢပျုၤပူၤဖဲအဝဲဒၣ်ဘၣ်တူၢ်တၢ်နးမးန့ၣ်, အဝဲကွၢ်ထီၣ်တၢ်ဒီးထံၣ်စီၤအၤဘြၤဟၣ်လၢအယံၤ, အိၣ်ဒီးစီၤလါစရူးလၢအကပၤလီၤ.

မၤတၢ် 2:27

အဂ့ၢ်ဒ်အံၤ, နတပာ်တ့ၢ်ကွံာ်ယသးသမူလၢ ပှၤသံတဖၣ်အကီၢ်ပူၤဘၣ်. နတပျဲစ့ၢ်ကီးနခ့နပှၤလၢအသးတီဒီးနၤ ကအုၣ်သံကျၣ်သံန့ၣ်ဘၣ်.

မၤတၢ် 9:5

အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.

ရိမ့ၤ 5:14

ဘၣ်ဆၣ်, စးထီၣ်လၢစီၤအၤဒၣ်တုၤလီၤလၢစီၤမိၤၡ့ အစိၤန့ၣ်, တၢ်သံပၢတၢ်လၢပှၤဟီၣ်ခိၣ်ဖိခဲလၢာ်အဖီခိၣ်, ပၢၢ်တုၤဒၣ်လဲာ်လၢပှၤလၢအတၢ်ဒဲးဘးတလီၤဂာ်ဒီး စီၤအၤဒၣ်အတၢ်ဒဲးဘးလၢအမ့ၢ်တၢ်တဒိကနၣ် ကစၢ်ယွၤအတၢ်မၤလိာ်ဘၣ်န့ၣ်လီၤ. စီၤအၤဒၣ်မ့ၢ်ပှၤလၢအကဟဲတဂၤအက့ၢ်အဂီၤအဒိ အတဲာ်န့ၣ်လီၤ.

1 ကရံၣ်သူး 15:56

တၢ်သံဒိးန့ၢ်ဘၣ်တၢ်စိကမီၤလၢအကမၤဆူးမၤဆါတၢ်လၢတၢ်ဒဲး ဘးအအိၣ်, ဒီးတၢ်ဒဲးဘးဒိးန့ၢ်တၢ်စိတၢ်ကမီၤလၢတၢ်သိၣ်တၢ်သီ အအိၣ်လီၤ.

လံာ်လီၣ်ဖျါ 9:10

အဝဲသ့ၣ်အိၣ်ဒီးအမဲၢ်တဖၣ်ဒီးဆဲးတၢ်ဒ်ပတ့ၤချဲးဆဲးတၢ်အသိး, ဒီးခီဖျိအမဲၢ်တဖၣ်န့ၣ်, အဝဲသ့ၣ်အိၣ်ဒီးတၢ်စိကမီၤလၢ အကမၤဆူးမၤဆါပှၤကညီလၢယဲၢ်လါအတီၢ်ပူၤလီၤ.