1 ကရံၣ်သူး 15:54 - Sgaw Karen Common Bible

⁵⁴ မၤသးဒ်န့ၣ်ဒီး ဖဲတၢ်သံသ့ဘၣ်တၢ်ဒုးသိးထီၣ်တ့ၢ်အီၤလၢတၢ် သံတသ့, ဒီးတၢ်လၢအဟးဂီၤသ့ဘၣ်တၢ်ဒုးသိးထီၣ်တ့ၢ် အီၤလၢတၢ်ဟးဂီၤတသ့န့ၣ်, တုၤနုၤတစုတၢ်ကွဲးအသးကဟဲလၢထီၣ်ပှဲၤထီၣ်ဝဲဒၣ်လီၤ.

1 ကရံၣ်သူး 15:54 Iomraidhean Croise

လံာ်ယၡါယၤ 25:8

ယွၤလၢအပၢဘၣ်တၢ်ခဲလၢာ်ကမၤဟးဂီၤကွံာ်တၢ်သံလီၤထူ လီၤယိာ်လီၤ. အဝဲကထွါကွံာ်မဲာ်ထံတဖၣ်လၢပှၤကိးဂၤ ဒဲးအမဲာ်ချံဒီးစိာ်ကွံာ်တၢ်မဲာ်ဆှးလၢအပှၤဂီၢ်မုၢ်ဘၣ်တူၢ်တ့ၢ် ဝဲလၢဟီၣ်ခိၣ်ဒီဘ့ၣ်ညါန့ၣ်လီၤ. ယွၤအကစၢ်ဒၣ်ဝဲကတိၤတ့ၢ်တၢ်လီၤ.

လံာ်လူၤကၣ် 20:36

အဝဲသ့ၣ်လီၤဂာ်ဒီးကလူးတဖၣ်, ဒီးသံဝဲတသ့ဘၣ်. အဝဲသ့ၣ်မ့ၢ်ကစၢ်ယွၤအဖိတဖၣ်, အဂ့ၢ်မ့ၢ်လၢအဂဲၤဆၢထၢၣ်က့ၤလံဝဲလၢတၢ်သံအဃိန့ၣ်လီၤ.

ရိမ့ၤ 1:23

လၢကဘူၣ်ထီၣ်ဘါထီၣ်ကစၢ်ယွၤလၢအသံတသ့ဘၣ်အလီၢ်န့ၣ်, အဝဲသ့ၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤဂာ်ဒီးပှၤကညီ လၢအသံသ့, မ့တမ့ၢ်ထိၣ်ဧိၤလံာ်ဧိၤ, မ့တမ့ၢ်ဆၣ်ဖိကီၢ်ဖိ တဖၣ်, မ့တမ့ၢ်ဂုၢ်ဧိၤဒးဧိၤတဖၣ်တခီန့ၣ်လီၤ.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

ရိမ့ၤ 6:12

သုတပျဲတၢ်ဒဲးဘးပၢသုနီၢ်ခိလၢအသံသ့အံၤ, ဒီးဒုးစူၢ်သုလၢသုနီၢ်ခိအတၢ်သူၣ်လီသးကွံတဖၣ်တဂ့ၤ.

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

၂ ကရံၣ်သူး 4:11

လၢပတၢ်အိၣ်မူဒီဆၢဒီကတီၢ်န့ၣ်, ပဘၣ်တၢ်ဟ့ၣ်လီၤ ပှၤဆူတၢ်သံအပူၤလၢယ့ၣ်ၡူးအဂီၢ်, ဒ်သိးအဝဲအတၢ်အိၣ်မူကဘၣ်တၢ်ထံၣ်အီၤလၢ ပနီၢ်ခိလၢအသံသ့အဝဲအံၤအပူၤအဂီၢ်န့ၣ်လီၤ.

၂ ကရံၣ်သူး 5:4

ဖဲပအိၣ်ပဆိးလၢဟီၣ်ခိၣ်အဒဲတဖျၢၣ်အံၤအပူၤအဆၢ ကတီၢ်န့ၣ်, ပကအုကစွါပဝဲဒ်ပဘၣ်တၢ်နးတၢ်ဖှီၣ်အသိး လီၤ. တမ့ၢ်လၢပအဲၣ်ဒိးညိကွံာ်ပဟီၣ်ခိၣ်အနီၢ်ခိအံၤ အဃိဘၣ်. မ့မ့ၢ်တခီ, မ့ၢ်လၢပအဲၣ်ဒိးတၢ်ဒုးကူဒုးသိးထီၣ် ပှၤလၢနီၢ်ခိဘၣ်ဃးဒီးမူခိၣ်, ဒ်သိးတၢ်လၢအသံသ့ကဘၣ်တၢ်ပျိာ်လဲလိာ်ကွံာ်အီၤဆူ တၢ်မူအဂီၢ်န့ၣ်လီၤ.

၂ သ့းစၤလနံ 1:10

တၢ်သ့ၣ်တဖၣ်အံၤခဲလၢာ်ကမၤအသးဖဲနံၤအဝဲန့ၣ် ဖဲအဝဲဒၣ်ဟဲဝဲဒ်သိးအကဒိးန့ၢ်တၢ်လၤကပီၤလၢအပှၤ ဂီၢ်မုၢ်ခဲလၢာ်အအိၣ်, ဒီးတၢ်မၤလၤမၤကပီၤလၢပှၤလၢအစူၢ်က့ၤနာ်က့ၤအီၤခဲလၢာ် အအိၣ်န့ၣ်လီၤ. သုဝဲသ့ၣ်စ့ၢ်ကီးသုကအိၣ်လၢအဝဲသ့ၣ်အသိး အကျါအဂ့ၢ်မ့ၢ်လၢသုနာ်တၢ်ကစီၣ်လၢပစံးဘၣ်တဲဘၣ်သု အဃိန့ၣ်လီၤ.

လံာ်လီၣ်ဖျါ 20:14

တၢ်န့ၣ်ဝံၤအလီၢ်ခံ, တၢ်သံဒီးပျုၤပူၤဘၣ်တၢ်တ့ၢ်လီၤကွံာ် အီၤဆူနိၣ်မ့ၣ်အူအပူၤလီၤ. (နိၣ်မ့ၣ်အူအံၤမ့ၢ်ဝဲတၢ်သံခံစု တစုလီၤ.)

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”