1 ကရံၣ်သူး 15:50 - Sgaw Karen Common Bible

⁵⁰ တၢ်လၢယအဲၣ်ဒိးစံးယဲန့ၣ်ယဒီပုၢ်ဝဲၢ်သ့ၣ်ဧၢ, တၢ်လၢအဘၣ်တၢ်တ့အီၤလၢတၢ်ညၣ်ဒီးတၢ်သွံၣ်တၢ်ထံန့ၣ်, ဒိးန့ၢ်ဃုာ်ယွၤအဘီအမုၢ်တသ့ဘၣ်. ဒီးတၢ်လၢအသံသ့န့ၣ်, န့ၢ်ဘၣ်တၢ်သံတသ့န့ၣ် တသ့ဘၣ်.

1 ကရံၣ်သူး 15:50 Iomraidhean Croise

လံာ်မးသဲ 16:17

ယ့ၣ်ၡူးစံးဆၢအီၤ, “စီၤယိၤနါအဖိခွါစီၤၡံမိၣ်ဧၢ, နဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, တၢ်သ့ၣ်ညါအံၤတဟဲလၢပှၤကညီအအိၣ်ဘၣ်. မ့မ့ၢ်, ဘၣ်တၢ်လီၣ်ဖျါထီၣ်န့ၢ်နၤလၢယပၢ်လၢအအိၣ်လၢမူခိၣ်န့ၣ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

1 ကရံၣ်သူး 1:12

တၢ်လၢယအဲၣ်ဒိးစံးန့ၣ်မ့ၢ်ဒ်အံၤလီၤ. သုဝဲတဂၤဒီးတဂၤသုစံး, “ယဲယဘၣ်ဃးဒီးစီၤပီလူး,” မ့တမ့ၢ်, “ယဲယဘၣ်ဃးဒီး စီၤအပီးလိၤ,” မ့တမ့ၢ်, “ယဲယဘၣ်ဃးဒီးစီၤပ့းတရူး,” မ့တမ့ၢ်, “ယဲယဘၣ်ဃးဒီးခရံာ်” န့ၣ်လီၤ.

1 ကရံၣ်သူး 15:42

ဖဲပှၤသံတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤအကတီၢ် န့ၣ်, တၢ်ကမၤအသးဒ်အံၤလီၤ. အနီၢ်ခိလၢအဘၣ်တၢ်ခူၣ်လီၤဘါလီၤ အီၤန့ၣ်, မ့ၢ်တၢ်သံသ့လီၤ. မ့မ့ၢ်ဖဲအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤန့ၣ်, မ့ၢ်တၢ်သံတသ့ဘၣ်န့ၣ်လီၤ.

1 ကရံၣ်သူး 15:44

တၢ်လၢအဘၣ်တၢ်ခူၣ်လီၤဘါလီၤအီၤန့ၣ်, မ့ၢ်နီၢ်ခိလီၤ. မ့မ့ၢ်ဖဲအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤန့ၣ်, မ့ၢ်နီၢ်သးန့ၣ်လီၤ. ဒ်နီၢ်ခိအိၣ်စဲဃဲၤဝဲအသိးန့ၣ်နီၢ်သးကဘၣ်အိၣ်ဝဲစ့ၢ်ကီးလီၤ.

1 ကရံၣ်သူး 6:10

မ့တမ့ၢ်ဟုၣ်တၢ်, မ့တမ့ၢ်သးကွံတလၢတၢ်, မ့တမ့ၢ်အီသံးအီဂာ်, မ့တမ့ၢ်ကတိၤသီၣ်ဝံသဲကလၤတၢ်လၢပှၤဂၤ အဂ့ၢ်, မ့တမ့ၢ်တမျိးတမျာ်တဖၣ်, ပှၤသ့ၣ်တဖၣ်အံၤတဒိးန့ၢ်ယွၤအဘီအမုၢ်နီတဂၤဘၣ်.

1 ကရံၣ်သူး 6:13

ပှၤအဂၤတဂၤကစံးဝဲ, “တၢ်အီၣ်န့ၣ်မ့ၢ်ဝဲလၢဟၢဖၢအဂီၢ်, ဒီးဟၢဖၢန့ၣ်လၢတၢ်အီၣ်အဂီၢ်လီၤ.” မ့ၢ်လံ. ဘၣ်ဆၣ်ဒီး ယွၤကမၤဟးဂီၤကွံာ်အီၤခံမံၤလၢာ်လီၤ. နီၢ်ခိန့ၣ်တမ့ၢ်လၢတၢ်ကသူအီၤလၢတၢ်မၤကမၣ်မုၣ်ကမၣ်ခွါအဂီၢ် န့ၣ်ဘၣ်. မ့မ့ၢ်လၢတၢ်ကမၤတၢ်လၢကစၢ်ယွၤအဂီၢ်, ဒီးကစၢ်ယွၤဟ့ၣ်တၢ်လၢနီၢ်ခိလိၣ်ဘၣ်ဝဲန့ၣ်လီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

1 ကရံၣ်သူး 7:29

တၢ်လၢယသးအိၣ်စံးယဲန့ၣ်, ယဒီပုၢ်ဝဲၢ်သ့ၣ်ဧၢ, မ့ၢ်ဒ်အံၤလီၤ. တၢ်ဆၢကတီၢ်တအိၣ်တ့ၢ်အါကဲၣ်ဆိးဘၣ်. ဒီးစးထီၣ်ခဲအံၤဒီး ဆူညါန့ၣ်, ပှၤပိာ်ခွါလၢအမါအိၣ်တဖၣ်ကြၢးအိၣ်ဝဲဒ်အမါ တအိၣ်ဘၣ်အသိး,

၂ ကရံၣ်သူး 5:1

အဂ့ၢ်ဒ်အံၤ, ပသ့ၣ်ညါပဝဲလၢဖဲပဒဲလၢပအိၣ်ပဆိးလၢ အပူၤ, ပနီၢ်ခိလၢဟီၣ်ခိၣ်ချၢအဝဲအံၤမ့ၢ်ဘၣ်တၢ်မၤလီၤ ပှီၢ်ကွံာ်အီၤန့ၣ်, ကစၢ်ယွၤကအိၣ်ဒီးဟံၣ်လၢမူခိၣ်တဖျၢၣ်လၢ ပကအိၣ်ကဆိးအဂီၢ်, ဟံၣ်တဖျၢၣ်လၢအဝဲအနီၢ်ကစၢ်ဘှီဝဲလၢအကအိၣ်ကၢအိၣ် ခိးလီၤထူလီၤယိာ်န့ၣ်လီၤ.

၂ ကရံၣ်သူး 9:6

သ့ၣ်နီၣ်ထီၣ်သုဝဲလၢပှၤလၢအဖှံတၢ်ချံစှၤဖျၢၣ်န့ၣ်ကကူး ဘၣ်တၢ်စှၤ, မ့မ့ၢ်ပှၤလၢအဖှံတၢ်ချံအါဖျၢၣ်ကကူးဘၣ် တၢ်အါအါဂီၢ်ဂီၢ်န့ၣ်တက့ၢ်.

ကလၤတံ 3:17

တၢ်လၢယအဲၣ်ဒိးစံးန့ၣ်မ့ၢ်ဝဲ, ကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်ဒီး အၢၣ်လီၤအီလီၤလၢကမၤလၢပှဲၤဝဲလီၤ. တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤလၢခံ အနံၣ်လွံၢ်ကယၤသၢဆံန့ၣ်, မၤဟးဂီၤကွံာ်တၢ်အၢၣ်လီၤအီလီၤအဝဲန့ၣ်ဒီးကစၢ်ယွၤ အတၢ်စံးပာ်တသ့ဘၣ်.

ကလၤတံ 5:16

တၢ်လၢယစံးမ့ၢ်တၢ်အံၤလီၤ. ပျဲယွၤအသးပၢဆှၢသုတၢ်အိၣ်မူ တဖၣ်တက့ၢ်. ဒီးသုတမၤလၢထီၣ်ပှဲၤထီၣ်သုဖံးသုညၣ်အတၢ်သူၣ် လီသးကွံတဖၣ်တဂ့ၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

ကလီးစဲ 2:4

ယစံးဘၣ်တဲဘၣ်သုတၢ်တဖၣ်အံၤမ့ၢ်ဒ်သိးသုသုတပျဲပှၤဆှၢ ကမၣ်သုလၢတၢ်ဂ့ၢ်လိာ်ဘှီလိာ်ကဘျံးကဘျၣ်လၢအဖျါဂ့ၤဖျါဘၣ် တဖၣ်န့ၣ်တဂ့ၤ.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.