1 ကရံၣ်သူး 15:34 - Sgaw Karen Common Bible

³⁴ ဃၣ်ကဒါက့ၤသုသးဆူသုတၢ်သ့ၣ်ညါအကြၢး အဘၣ်, ဒီးဆိကတီၢ်ကွံာ်သုကျဲအၢကျဲသီတဖၣ်န့ၣ်တက့ၢ်. လၢသုကမဲာ်ဆှးအဂီၢ်ယပာ်ဖျါယဲဒၣ်လၢ, သုဝဲတနီၤသုတသ့ၣ်ညါကစၢ်ယွၤဘၣ်န့ၣ်လီၤ.

1 ကရံၣ်သူး 15:34 Iomraidhean Croise

စံးထီၣ်ပတြၢၤ 119:11

ယပာ်ဖှိၣ်နကလုၢ်နကထါလၢယသးကံၢ်ပူၤ ဒ်သိးယသုတမၤကမၣ်ဘၣ်နၤတဂ့ၤလီၤ.

စံးထီၣ်ပတြၢၤ 4:4

ကနိးကစုာ်လၢ တၢ်ပျံၤတၢ်ဖုးဒီးမၤတၢ်ဒဲးဘးလၢၤတဂ့ၤ. ဖဲသုမံလီၤလၢသုလီၢ်မံပူၤန့ၣ်, ဆိကမိၣ်လီၤက့ၤ သုသးလၢတၢ်ဘှ့ၣ်တၢ်ဘှီၣ်အပူၤတက့ၢ်.

လံာ်ယံးရမံယၤ 9:3

အဝဲသ့ၣ်အိၣ်ကတဲာ်ကတီၤအသးထီဘိလၢကတဲလီတၢ်လီၤ. လၢတၢ်မ့ၢ်တၢ်တီအလီၢ်န့ၣ်, တၢ်တတီတလိၤပၢထံဧိၤကီၢ်ဧိၤန့ၣ်လီၤ. ယွၤစံးဝဲဒၣ်, “ယပှၤဂီၢ်မုၢ်မၤတၢ်အၢတၢ်သီတမံၤဝံၤတမံၤ, ဒီးတသ့ၣ်ညါအၢၣ်လီၤယၤဒ်အဝဲသ့ၣ်အကစၢ်ယွၤအသိးဘၣ်.”

လံာ်ယိၤအ့လး 1:5

ဖုးသံနီၣ်ပှၤအီမူၤအသးသ့ၣ်ဧၢ, ဒီးဟီၣ်တက့ၢ်. ဒီးပှၤလၢအအီစပံးထံသ့ၣ်ဧၢ, ဟီၣ်ပသူထီၣ်လၢစပံးထံအသီ လၢအဘၣ်တၢ်မၤဟးဂီၤအီၤအဃိန့ၣ်တက့ၢ်.

လံာ်ယိၤနါ 1:6

ပှၤကဘီဖိအခိၣ်ဟဲဆူအအိၣ်ဒီးစံးဘၣ်အီၤ, “ဘၣ်မနုၤလၢနမံန့ၣ်လဲၣ်. ဂဲၤဆၢထၢၣ်ဒီးကိးထီၣ်နကစၢ်န့ၣ်တက့ၢ်. ဘၣ်တဘၣ်အဝဲကသ့ၣ်နီၣ်ပှၤဒ်သိးပသုတဟးဂီၤတဂ့ၤအဂီၢ်န့ၣ်လီၤ.”

လံာ်မးသဲ 22:29

ယ့ၣ်ၡူးစံးဆၢအဝဲသ့ၣ်ဒီးစံး, “သုတၢ်စူၢ်တၢ်နာ်ကမၣ်မးလဲၣ်. တၢ်အံၤမ့ၢ်ဒၣ်လၢသုတနၢ်ပၢၢ်တၢ်ကွဲးအသးစီဆှံတဖၣ်, ဒီးတသ့ၣ်ညါကစၢ်ယွၤအစိအကမီၤအဃိလီၤ.

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

လံာ်ယိၤဟၣ် 8:11

ပိာ်မုၣ်န့ၣ်စံးဆၢအီၤ, “ကစၢ်ဧၢ, တအိၣ်နီတဂၤလၢၤဘၣ်.” ဒီးယ့ၣ်ၡူးစံးဘၣ်အီၤ, “မ့မ့ၢ်ဒ်န့ၣ်ဒီးယတစံၣ်ညီၣ်နၤစ့ၢ်ကီး ဘၣ်. က့ၤက့ၤဒီးတဘၣ်မၤလၢၤတၢ်ဒဲးဘးတဂ့ၤ.”]

မၤတၢ် 26:8

ဘၣ်မနုၤအဃိသုဝဲသုတနာ်လၢကစၢ်ယွၤဒုးဂဲၤဆၢထၢၣ် သမူထီၣ်က့ၤပှၤသံန့ၣ်လဲၣ်.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 13:11

သုကဘၣ်မၤတၢ်အံၤမ့ၢ်လၢသုသ့ၣ်ညါတၢ်ချုးခံနိးသး အကတီၢ်တုၤလံ. တၢ်ဆၢကတီၢ်ဘၣ်လံလၢသုကပၢၢ်ထီၣ်လၢ သုတၢ်မံအပူၤလံ. အဂ့ၢ်ဒ်လဲၣ်န့ၣ်, တၢ်ဆၢကတီၢ်လၢပကဘၣ်တၢ်အုၣ်က့ၤခီၣ်က့ၤပှၤ အဂီၢ်န့ၣ်ဘူးထီၣ်ဒိၣ်န့ၢ်ဒံးဖဲပနာ်က့ၤတၢ်သီသီအခါန့ၣ်လီၤ.

1 ကရံၣ်သူး 4:14

ယကွဲးတၢ်အဝဲအံၤဆူသုအိၣ်, တမ့ၢ်လၢယသးအိၣ်မၤမဲာ်ဆှးသု အဃိဘၣ်. မ့မ့ၢ်တခီ, မ့ၢ်ဝဲဒ်သိးယကသိၣ်လိသီလိသုဒ်ယဖိသး ဘိဒၣ်ဝဲတဖၣ်အသိးန့ၣ်လီၤ.

1 ကရံၣ်သူး 6:5

သုကြၢးမဲာ်ဆှးမးလီၤ. သပှၢ်ကတၢၢ်, လၢသုကျါန့ၣ်ပှၤကူၣ်ဘၣ်ကူၣ်သ့ကအိၣ်အစှၤ ကတၢၢ်တဂၤလၢအကစံၣ်ညီၣ်တၢ်ဂ့ၢ်လိာ်ဘှီလိာ် လၢခရံာ်ဖိသကိးခရံာ်ဖိအဘၢၣ်စၢၤကစီဒီလီၤသၢၣ်.

1 ကရံၣ်သူး 8:7

ဘၣ်ဆၣ်ဒီးပှၤတသ့ၣ်ညါတၢ်မ့ၢ်တၢ်တီအဝဲအံၤကိးဂၤဒဲးဘၣ်. ပှၤတနီၤညီနုၢ်လၢတၢ်ဂီၤတၢ်ဖီၣ်ဒ်အံၤအသိးတဖၣ်တုၤဒၣ်လဲာ်, တုၤလီၤလၢမုၢ်မဆါတနံၤအံၤဖဲအဝဲသ့ၣ်အီၣ်တၢ်အီၣ်ဒ်န့ၣ် အသိးတဖၣ်န့ၣ်, အဝဲသ့ၣ်ဆိကမိၣ်ဒံးဝဲလၢအဂ့ၢ်ဒ်အမ့ၢ်တၢ်အီၣ်လၢအမ့ၢ်တၢ်ဂီၤ တၢ်ဖီၣ်တဖၣ်အတၢ်န့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ် အဂံၢ်အဘါစၢ်, ဒီးဆိကမိၣ်လီၤအသးလၢအဘၣ်တၢ်မၤဘၣ်အၢအီၤလၢတၢ်အီၣ် န့ၣ်လီၤ.

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

၁ သ့းစၤလနံ 4:5

ဒီးတမ့ၢ်ဘၣ်လၢတၢ်မုာ်ဖံးမုာ်ညၣ်အတၢ်သးကွံအပူၤ, ဒ်ပှၤလၢအတသ့ၣ်ညါထူသ့ၣ်ညါယွၤတဖၣ်မၤဝဲအသိးန့ၣ်ဘၣ်.