1 ကရံၣ်သူး 15:1 - Sgaw Karen Common Bible

¹ ဒီးခဲကနံၣ်အံၤ, ယဒီပုၢ်ဝဲၢ်သ့ၣ်ဧၢ, ယသးအိၣ်ဒုးသ့ၣ်နီၣ်ထီၣ်သုဘၣ်ဃးတၢ်သးခုကစီၣ် လၢယစံၣ်တဲၤတဲလီၤဆူသုအိၣ်, လၢသုဒိးန့ၢ်သုဝဲဒီးလၢသုတၢ်စူၢ်တၢ်နာ်အိၣ်ဆၢထၢၣ်လၢ အလိၤဂၢၢ်ဂၢၢ်ကျၢၤကျၢၤန့ၣ်လီၤ.

1 ကရံၣ်သူး 15:1 Iomraidhean Croise

လံာ်ယိၤဟၣ် 12:48

ပှၤတဂၤလၢ်လၢ်လၢအညိကွံာ်ယၤဒီးတတူၢ်လိာ်ယတၢ် ကစီၣ်ဘၣ်န့ၣ်, တၢ်လၢအကစံၣ်ညီၣ်အီၤအိၣ်ဝဲန့ၣ်လီၤ. တၢ်ကတိၤလၢယကတိၤတ့ၢ်လံတဖၣ်ကကဲထီၣ်တၢ်လၢ အကစံၣ်ညီၣ်အီၤလၢမုၢ်နံၤခံကတၢၢ်န့ၣ်လီၤ.

မၤတၢ် 11:1

ပှၤတၢ်မၢဖိဒီးပှၤစူၢ်က့ၤနာ်က့ၤတၢ်သကုၤကီၢ်ယူဒၤတဖၣ်, နၢ်ဟူဘၣ်ဝဲလၢပှၤကလုာ်ဂၤတဖၣ်စ့ၢ်ကီးဒိးန့ၢ်ဘၣ်လံကစၢ် ယွၤအကလုၢ်ကထါလံန့ၣ်လီၤ.

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

ရိမ့ၤ 11:20

အဝဲအံၤမ့ၢ်တၢ်မ့ၢ်တၢ်တီလီၤ. အဝဲသ့ၣ်ဘၣ်တၢ်မၤကၢ်ကွံာ်အီၤမ့ၢ်လၢအတနာ်တၢ်အဃိ, မ့မ့ၢ်နအိၣ်ဂၢၢ်ဆိးကျၢၤနဲမ့ၢ်လၢနနာ်တၢ်အဃိလီၤ. ဘၣ်ဆၣ်ဒီးတဘၣ်ပာ်ကဖၢလၢနသးလၢတၢ်ဂ့ၢ်အံၤတဂ့ၤ. မ့မ့ၢ်တခီ, ပျံၤတၢ်တက့ၢ်.

ရိမ့ၤ 2:16

လၢတၢ်န့ၣ်အဃိ, ဒ်တၢ်သးခုကစီၣ်လၢယစံၣ်တဲၤတဲလီၤ ဟဲဝဲအသိး, လၢမုၢ်နံၤတနံၤန့ၣ်ကစၢ်ယွၤ, ကစံၣ်ညီၣ်ပှၤကညီအတၢ်ဆိကမိၣ်ခူသူၣ်ခဲလၢာ်ခီဖျိယ့ၣ်ၡူး ခရံာ်, န့ၣ်လီၤ.

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

1 ကရံၣ်သူး 16:13

အိၣ်ပလီၢ်သူၣ်ပလီၢ်သး, ဆၢထၢၣ်ကျၢၤကျၢၤလၢတၢ်စူၢ်တၢ်နာ် အပူၤ, အိၣ်ဒီးတၢ်သးဒူ, အိၣ်ဒီးတၢ်ဂံၢ်တၢ်ဘါတက့ၢ်.

1 ကရံၣ်သူး 3:6

ယဲဒၣ်ယဖှံလီၤတၢ်ချံ, မ့မ့ၢ်စီၤအပီးလိၤလူတၢ်မုၢ်တၢ်ဘိလၢ အမဲထီၣ်န့ၣ်လၢထံ, ဘၣ်ဆၣ်ဒီး ပှၤလၢအဒုးဒိၣ်ထီၣ်တၢ်မုၢ်တၢ်ဘိန့ၣ် မ့ၢ်ကစၢ်ယွၤလီၤ.

1 ကရံၣ်သူး 4:15

အဂ့ၢ်ဒ်အံၤ, လၢသုတၢ်အိၣ်မူဒ်ခရံာ်ဖိအသိးအပူၤန့ၣ်, သုမ့ၢ်အိၣ်ဒီးပှၤသိၣ်သီပၢဆှၢသုအဂၤတကလးသနာ်က့သုပၢ် အိၣ်ဒၣ်ထဲတဂၤဧိၤလီၤ. အဂ့ၢ်ဒ်အံၤ, လၢသုတၢ်အိၣ်မူပာ်ဖှိၣ်ဃုာ်သုသးဒီးယ့ၣ်ၡူးခရံာ်အပူၤန့ၣ် ယကဲထီၣ်တ့ၢ်ယဲလၢသုပၢ်, ခီဖျိယဟဲစိာ်တၢ်သးခုကစီၣ်ဆူသုအိၣ် န့ၣ်လီၤ.

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.

၁ သ့းစၤလနံ 1:6

သုတူၢ်ဘၣ်တၢ်မၤအၢမၤနးသုအဒိၣ်အမုၢ်နာ်သက့, သုတူၢ်လိာ်တၢ်သးခုအကစီၣ်လၢတၢ်သးခုလၢ သုဒိးန့ၢ်ဘၣ်လၢသးစီဆှံအအိၣ်သတးဒီး, သုကဲထီၣ်ပှၤကွၢ်လိမၤဒိးပှၤဒီးကစၢ်န့ၣ်လီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၂ သ့းစၤလနံ 3:6

ပဒီပုၢ်ဝဲၢ်သ့ၣ်ဧၢ, ပမၤလိာ်သုလၢပကစၢ်ယ့ၣ်ၡူးခရံာ်အမံၤ အပူၤ, ဒ်သိးသုကဟးဆှဲးဒီပုၢ်ဝဲၢ်လၢအအိၣ်ကၢၣ်အိၣ်ကျူဒီး တမၤဘၣ်ဒ်ပတၢ်သိၣ်လိနဲၣ်ယုၤသုအသိးဘၣ်တဖၣ်န့ၣ်လီၤ.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.