1 ကရံၣ်သူး 14:34 - Sgaw Karen Common Bible

³⁴ ပှၤပိာ်မုၣ်တဖၣ်ကဘၣ်အိၣ်ဘှ့ၣ်လၢတၢ်အိၣ်ဖှိၣ်တဖၣ် အပူၤလီၤ. တၢ်တပျဲအဝဲသ့ၣ်စံးကတိၤတၢ်ဘၣ်. ဒ်ယူဒၤအတၢ်သိၣ်တၢ်သီစံးဝဲအသိးန့ၣ်အဝဲသ့ၣ် ကဘၣ်အိၣ်လၢတၢ်ပၢတၢ်ဆှၢအဖီလာ်လီၤ.

1 ကရံၣ်သူး 14:34 Iomraidhean Croise

လံာ်တၢ်ကဲထီၣ်အခီၣ်ထံး 3:16

ဒီးအဝဲစံးဘၣ်ပိာ်မုၣ်, “ယကမၤအါထီၣ်နတၢ်ကိၢ်တၢ်ဂီၤလၢနတၢ် ဒံၣ်ထီၣ်ဒၢထီၣ်အပူၤဒီးနတၢ်ဆိးကဲးလၢတၢ်ဆံးစၢ်ထီၣ်နဖိ အပူၤန့ၣ်လီၤ. တၢ်အံၤဒၣ်လဲာ်န့ၣ်နသးကအိၣ်ဒံးနဝၤဒီးအဝဲဒၣ်ကပၢနၤလီၤ.”

1 ကရံၣ်သူး 11:13

ကွၢ်ဆိကမိၣ်ဒၣ်သုဝဲတက့ၢ်. ပှၤပိာ်မုၣ်တဂၤကဃ့ဘါထု ကဖၣ်တၢ်ဆူကစၢ်ယွၤအအိၣ်တအိၣ်ဒီးတၢ်ဖၢၣ်ဘၢဃာ် အခိၣ်န့ၣ်, မ့ၢ်တၢ်လၢအကြၢးဝဲဘၣ်ဝဲကစီဒီဧါ.

1 ကရံၣ်သူး 11:3

ဘၣ်ဆၣ်ဒီးယအဲၣ်ဒိးသုကနၢ်ပၢၢ်လၢခရံာ်မ့ၢ်ပှၤပိာ်ခွါကိး ဂၤဒဲးအခိၣ်, ဝၤမ့ၢ်မါအခိၣ်, ဒီးကစၢ်ယွၤမ့ၢ်ခရံာ်အခိၣ်န့ၣ်လီၤ.

1 ကရံၣ်သူး 11:5

ဒီးပှၤပိာ်မုၣ်တဂၤဂၤလၢအဃ့ဘါထုကဖၣ်, မ့တမ့ၢ်, ကတိၤတၢ်လၢဝံအကျိာ်ဖဲပှၤဂီၢ်မုၢ်အတၢ်ဘူၣ်ထီၣ်ဘါထီၣ်အဆၢ ကတီၢ်န့ၣ်မ့ၢ်တဖၢၣ်ဘၢဃာ်အခိၣ်လၢတၢ်နီတစဲးဒီးမ့ၢ်အမၤဟးဂီၤ အဝၤအလၤကပီၤလီၤ. အဝဲဒၣ်တလီၤဆီဒီးပိာ်မုၣ်လၢအခိၣ်သူဘၣ်တၢ်လူၤကွံာ်အီၤ တဂၤဘၣ်.

1 ကရံၣ်သူး 14:21

လၢတၢ်ကွဲးအသးစီဆှံအပူၤန့ၣ်, တၢ်ကတိၤအိၣ်ကွဲးအသးဒ်အံၤ, “ခီဖျိပှၤကညီတဖၣ်လၢ အကတိၤကျိာ်လီၤဆီတဖၣ်န့ၣ် ယကကတိၤတၢ်ဒီးယပှၤဂီၢ်မုၢ်လီၤ. ကစၢ်စံးဝဲဒၣ်, ယကကတိၤတၢ်ခီဖျိပှၤတခီဘီမုၢ်ဖိတဖၣ်အနိးဖံး, ဘၣ်ဆၣ်ဒီး, အန့ၣ်ဒၣ်လဲာ်, တမ့ၢ်လၢယပှၤဂီၢ်မုၢ်ကစူၢ်ယကလုၢ်ဘၣ်.”

1 ကရံၣ်သူး 14:35

အဝဲသ့ၣ်မ့ၢ်သးအိၣ်ဃုသ့ၣ်ညါတၢ်တမံၤမံၤန့ၣ်, ကြၢးသံကွၢ်အဝၤတဖၣ်လၢဟံၣ်လီၤ. ပှၤပိာ်မုၣ်တဂၤကစံးကတိၤတၢ်လၢတၢ်ဘါယွၤအလီၢ်န့ၣ်မ့ၢ်တၢ်လၢ အလီၤမဲာ်ဆှးလီၤ.

အ့းဖ့းစူး 5:33

ဘၣ်ဆၣ်, မ့ၢ်စ့ၢ်ကီးတၢ်လၢအဘၣ်ဃးဒီးသုလီၤ. ဝၤကိးဂၤဒဲးမ်အအဲၣ်အမါဒ်အနီၢ်ကစၢ်ဒၣ်ဝဲအသိး တက့ၢ်. ဒီးမါကိးဂၤဒဲးန့ၣ်, မ်ကယူးယီၣ်ပာ်ကဲအဝၤတက့ၢ်.

ကလီးစဲ 3:18

မါသ့ၣ်ဧၢ, ဒိးပၢသုသးလၢသုဝၤတက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢသုကြၢးမၤဝဲဒ်ပှၤခရံာ်ဖိတဖၣ်အသိး န့ၣ်လီၤ.

တံတူး 2:5

ကပၢၤသူၣ်ပၢၤသးဒီးကကဆှီဝဲ, ဒီးကမ့ၢ်မါလၢအကွၢ်ဟံၣ်ကွၢ်ဃီဂ့ၤဂ့ၤလၢအစူၢ်အဝၤ အကလုၢ်တဖၣ်, ဒ်သိးပှၤသုတကတိၤအၢတၢ်သးခုကစီၣ်လၢ အဟဲလၢကစၢ်ယွၤအအိၣ်တဂ့ၤအဂီၢ်န့ၣ်လီၤ.