1 ကရံၣ်သူး 14:31 - Sgaw Karen Common Bible

³¹ သုဝဲကိးဂၤဒဲးသုကတိၤတၢ်လၢဝံအကျိာ်တဂၤဝံၤတဂၤသ့ဝဲ, ဒ်သိးပှၤကိးဂၤဒဲးကဒိးန့ၢ်တၢ်မၤလိ, ဒီးကဘၣ်တၢ်ဟ့ၣ်ဆူၣ်ထီၣ်အဂံၢ်အဘါအဂီၢ်လီၤ.

1 ကရံၣ်သူး 14:31 Iomraidhean Croise

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

တၢ်ကတိၤဒိ. 9:9

တၢ်တမံၤဂ့ၤတမံၤဂ့ၤလၢနစံးဘၣ်တဲဘၣ်ပှၤကူၣ်သ့တဂၤန့ၣ်, ကဒုးကူၣ်သ့အါထီၣ်အီၤလီၤ. တၢ်တမံၤဂ့ၤတမံၤဂ့ၤလၢနတဲဘၣ် ပှၤတီပှၤလိၤတဂၤန့ၣ်, ကပာ်ဖှိၣ်အါထီၣ်အတၢ်သ့ၣ်ညါနၢ်ပၢၢ်န့ၣ်လီၤ.

ရိမ့ၤ 1:12

ဒ်ပစံးတၢ်အသိး, ပတၢ်ထံၣ်လိာ်ပသးကကဲထီၣ်တၢ်မၤစၢၤတဘျီဃီလၢသုဂီၢ်ဒီး ယဂီၢ်န့ၣ်လီၤ. ယတၢ်စူၢ်တၢ်နာ်ကမၤစၢၤသု, ဒီးသုတၢ်စူၢ်တၢ်နာ်ကမၤစၢၤယၤန့ၣ်လီၤ.

1 ကရံၣ်သူး 14:19

ဘၣ်ဆၣ်ဒီး, ဖဲတၢ်ဘူၣ်တၢ်ဘါလၢတၢ်ဘါယွၤလီၢ်အဆၢကတီၢ် န့ၣ်, လၢယကကတိၤတၢ်ကတိၤအဖျၢၣ်တကလးလၢပျ့ၤလီၤဆီ တဖၣ်အလီၢ်, ဘၣ်ယသးလၢယကကတိၤတၢ်ကတိၤယဲၢ်ဖျၢၣ်လၢတၢ်နၢ်ပၢၢ် အီၤသ့ဝဲ, ဒ်သိးယကသိၣ်လီၤသီလီၤပှၤအဂၤတဖၣ်အဂီၢ်န့ၣ်လီၤ.

1 ကရံၣ်သူး 14:3

မ့မ့ၢ်ပှၤလၢအကတိၤတၢ်လၢဝံအကျိာ်တဂၤန့ၣ်, ကတိၤတၢ်ဒီးပှၤကညီ, ဟ့ၣ်အဝဲသ့ၣ်တၢ်မၤစၢၤ, ဟ့ၣ်ဆူၣ်ထီၣ်အဂံၢ်အဘါ, ဒီးမၤမုာ်ထီၣ်အဝဲသ့ၣ်တဖၣ်အသးန့ၣ်လီၤ.

1 ကရံၣ်သူး 14:30

ဘၣ်ဆၣ်ဒီးပှၤတဂၤဒၣ်လၢတၢ်အိၣ်ဖှိၣ်အပူၤမ့ၢ်ဒိးန့ၢ်ဘၣ်တၢ် ကစီၣ်လၢယွၤအအိၣ်န့ၣ်, ပှၤလၢအကတိၤတၢ်တဂၤကဘၣ်ဆိကတီၢ်အတၢ်ကတိၤလီၤ.

1 ကရံၣ်သူး 14:32

တၢ်ဟ့ၣ်ဘၣ်ဃးတၢ်ကတိၤလၢဝံအကျိာ်န့ၣ်, ကြၢးဘၣ်တၢ်ပၢၤဃာ်အီၤလၢပှၤကတိၤတၢ်န့ၣ်လီၤ.

1 ကရံၣ်သူး 14:35

အဝဲသ့ၣ်မ့ၢ်သးအိၣ်ဃုသ့ၣ်ညါတၢ်တမံၤမံၤန့ၣ်, ကြၢးသံကွၢ်အဝၤတဖၣ်လၢဟံၣ်လီၤ. ပှၤပိာ်မုၣ်တဂၤကစံးကတိၤတၢ်လၢတၢ်ဘါယွၤအလီၢ်န့ၣ်မ့ၢ်တၢ်လၢ အလီၤမဲာ်ဆှးလီၤ.

၂ ကရံၣ်သူး 1:4

အဝဲဒၣ်တိစၢၤမၤစၢၤပှၤလၢကယဲၢ်ပတၢ်ကီတၢ်ခဲအပူၤ, ဒ်သိးပမၤစၢၤပှၤဂုၤပှၤဂၤလၢအအိၣ်ဒီးတၢ်ကီတၢ်ခဲအကလုာ် ကလုာ်ကသ့ဝဲအဂီၢ်, အိၣ်ဒီးတၢ်သူတၢ်မၤစၢၤတမံၤဃီလၢ ပနီၢ်ကစၢ်ဒၣ်ပဝဲ ပဒိးန့ၢ်တ့ၢ်လၢကစၢ်ယွၤအအိၣ်န့ၣ်လီၤ.

အ့းဖ့းစူး 6:22

လၢတၢ်န့ၣ်အဃိယဆှၢလီၤအီၤဆူသုအိၣ်ဒ်သိးအကတဲ ဘၣ်သုလၢပဂ့ၢ်ပကျိၤခဲလၢာ်, ဒီးကဟ့ၣ်ဂံၢ်ဟ့ၣ်ဘါသုအဂီၢ် န့ၣ်လီၤ.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

၁ သ့းစၤလနံ 4:18

မ်ဒ်န့ၣ်ဒီး, ကတိၤမုာ်ထီၣ်က့ၤသုသးတဂၤဘၣ်တဂၤ လၢတၢ်စံးတၢ်ကတိၤတဖၣ်အံၤန့ၣ်တက့ၢ်.

၁ သ့းစၤလနံ 5:11

မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.