1 ကရံၣ်သူး 14:30 - Sgaw Karen Common Bible

³⁰ ဘၣ်ဆၣ်ဒီးပှၤတဂၤဒၣ်လၢတၢ်အိၣ်ဖှိၣ်အပူၤမ့ၢ်ဒိးန့ၢ်ဘၣ်တၢ် ကစီၣ်လၢယွၤအအိၣ်န့ၣ်, ပှၤလၢအကတိၤတၢ်တဂၤကဘၣ်ဆိကတီၢ်အတၢ်ကတိၤလီၤ.

1 ကရံၣ်သူး 14:30 Iomraidhean Croise

လံာ်စီၤယိၤဘး 32:11

ဖဲသုကတိၤတၢ်န့ၣ်ယဒိကနၣ်လၢတၢ်သူၣ်စူၤသးစူၤအပူၤဒီး ဖဲသုဃုတၢ်ကူၣ်သ့အတၢ်ကတိၤအကတီၢ်န့ၣ်ယအိၣ်ခိးယဲလီၤ.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 14:29

ပှၤကတိၤတၢ်လၢဝံအကျိာ်ကဘၣ်အိၣ်ထဲခံဂၤမ့တမ့ၢ်သၢဂၤ, မ့မ့ၢ်ပှၤအဂၤတဖၣ်ကဘၣ်စံၣ်ညီၣ်ကွၢ်ဆိကမိၣ်ဘၣ်ဃးတၢ်လၢ အဝဲသ့ၣ်စံးကတိၤဝဲန့ၣ်လီၤ.

1 ကရံၣ်သူး 14:31

သုဝဲကိးဂၤဒဲးသုကတိၤတၢ်လၢဝံအကျိာ်တဂၤဝံၤတဂၤသ့ဝဲ, ဒ်သိးပှၤကိးဂၤဒဲးကဒိးန့ၢ်တၢ်မၤလိ, ဒီးကဘၣ်တၢ်ဟ့ၣ်ဆူၣ်ထီၣ်အဂံၢ်အဘါအဂီၢ်လီၤ.

1 ကရံၣ်သူး 14:6

လၢတၢ်န့ၣ်အဃိ, ဖဲယဟဲယဲဆူသုအိၣ်အဆၢကတီၢ်န့ၣ်, ယမ့ၢ်ကတိၤတၢ်လၢပျ့ၤလီၤဆီတဖၣ်ဒီး, ယဘျုးကအိၣ် ဝဲလၢသုဂီၢ်မနုၤတမံၤလဲၣ်. မ့တမ့ၢ်ယဟဲစိာ်န့ၢ်သုတၢ်လီၣ်ဖျါတမံၤမံၤလၢကစၢ် ယွၤအအိၣ်, မ့တမ့ၢ်တၢ်သ့ၣ်ညါနၢ်ပၢၢ်တမံၤမံၤ, မ့တမ့ၢ်တၢ်ကတိၤလၢဝံအကျိာ်, မ့တမ့ၢ်တၢ်သိၣ်လီၤသီလီၤတမံၤမံၤဒီးယဘျုးတအိၣ်နီ တမံၤဘၣ်.