1 ကရံၣ်သူး 14:3 - Sgaw Karen Common Bible

³ မ့မ့ၢ်ပှၤလၢအကတိၤတၢ်လၢဝံအကျိာ်တဂၤန့ၣ်, ကတိၤတၢ်ဒီးပှၤကညီ, ဟ့ၣ်အဝဲသ့ၣ်တၢ်မၤစၢၤ, ဟ့ၣ်ဆူၣ်ထီၣ်အဂံၢ်အဘါ, ဒီးမၤမုာ်ထီၣ်အဝဲသ့ၣ်တဖၣ်အသးန့ၣ်လီၤ.

1 ကရံၣ်သူး 14:3 Iomraidhean Croise

လံာ်လူၤကၣ် 3:18

စီၤယိၤဟၣ်စံၣ်တဲၤတဲလီၤတၢ်သးခုကစီၣ်လၢကျဲအါဘိဒီး သဆၣ်ထီၣ်ပှၤဂီၢ်မုၢ်အခံလီၤ.

မၤတၢ် 13:15

လံာ်တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤခီဖျိစီၤမိၤ ၡ့ဒီးဝံလံာ်အတၢ်ကွဲးတဖၣ်ဘၣ်တၢ်ဖးထီၣ်အီၤဝံၤအလီၢ်ခံန့ၣ်, ဘူၣ်ဘျီၣ်အခိၣ်အနၢ်တဖၣ်ဆှၢလီၤတၢ်ကစီၣ်ဆူအဝဲသ့ၣ်အအိၣ်ဒီး စံးဝဲ, “ဒီပုၢ်ဝဲၢ်သ့ၣ်ဧၢ, သုမ့ၢ်အိၣ်ဒီးတၢ်ကစီၣ်လၢအကဟ့ၣ်ဂံၢ်ဟ့ၣ်ဘါပှၤဂီၢ်မုၢ်တဖၣ် န့ၣ်, ပသးအိၣ်လၢသုကကတိၤတၢ်န့ၣ်လီၤ.”

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

မၤတၢ် 15:32

စီၤယူဒၤဒီးစီၤစံလၤလၢအမ့ၢ်ဝံတဖၣ်, ကတိၤတၢ်ဒီးအပျဲၢ်အဘီၣ် တဖၣ်ဖးယံာ်, ဒီးဟ့ၣ်ဆူၣ်ထီၣ်အဂံၢ်အဘါဒီးဟ့ၣ်အီၤတၢ်သူၣ်ဒူသးဒူန့ၣ် လီၤ.

မၤတၢ် 4:36

စီၤယိၤစ့ၣ်ပှၤလ့ၤဝံဖိလၢအအိၣ်ဖျဲၣ်ထီၣ်လၢကီးကူပြူးအပူၤ, လၢပှၤတၢ်မၢဖိတဖၣ်ယုၢ်န့ၢ်အမံၤလၢစီၤဘၢ်နါဘၤ (အခီပညီ, ပှၤလၢအဟ့ၣ်ဆူၣ်ထီၣ်ပှၤဂံၢ်ပှၤဘါ) တဂၤ

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

ရိမ့ၤ 12:8

မ့မ့ၢ်တၢ်ဟ့ၣ်ဂံၢ်ဟ့ၣ်ဘါပှၤဂၤတဖၣ်ဒီး, ပကဘၣ်ဟ့ၣ်ဂံၢ်ဟ့ၣ် ဘါတၢ်လီၤ. ပှၤတဂၤလၢ်လၢ်လၢအနီၤဟ့ၣ်တၢ်လၢအအိၣ်ဒီး အီၤလၢပှၤဂၤတဖၣ်န့ၣ်, ကဘၣ်မၤဝဲလၢတၢ်သူၣ်အိၣ်သးအိၣ် အပူၤန့ၣ်လီၤ. မ့မ့ၢ်ခိၣ်နၢ်တဂၤဂၤဒီး, ကဘၣ်မၤတၢ်ဆူၣ်ဆူၣ် လီၤ. ပှၤတဂၤလၢ်လၢ်လၢအဒုးနဲၣ်တၢ်သးကညီၤလၢပှၤဂၤ တဖၣ်န့ၣ်, ကဘၣ်မၤဝဲလၢတၢ်သူၣ်ခုသးခုအပူၤလီၤ.

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

ရိမ့ၤ 15:2

အခိၣ်တလိာ်, လၢပဒီပုၢ်ဝဲၢ်တဖၣ်အတၢ်ဂ့ၤဒၣ်ဝဲအဂီၢ် န့ၣ်ပဝဲတဂၤဒီးတဂၤပကြၢးမၤမုာ်အီၤဒ်သိးအတၢ်စူၢ် တၢ်နာ်ကဘၣ်တၢ်သူၣ်ထီၣ်ဂၢၢ်ကျၢၤအီၤအဂီၢ်လီၤ.

1 ကရံၣ်သူး 10:23

“တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ,” အဝဲသ့ၣ်စံးဝဲဒ်န့ၣ်, ဒီးမ့ၢ်ဝဲတီဝဲလီၤ. ဘၣ်ဆၣ်ဒီးတၢ်ခဲလၢာ်ခဲဆ့တမ့ၢ်တၢ်လၢအဂ့ၤဘၣ်. “တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ.” ဘၣ်ဆၣ်ဒီးတၢ်ကိးမံၤဒဲးတအိၣ်ဒီးအဘျုးအဖှိၣ်ဘၣ်.

1 ကရံၣ်သူး 14:12

မ့ၢ်လၢသုသးဆူၣ်ဒိးန့ၢ်ဘၣ်သးစီဆှံအတၢ်ဟ့ၣ်အဃိ, သုကဘၣ်ဂုာ်ကျဲးစၢးအါန့ၢ်တၢ်အဂၤ, လၢသုကသူအါထီၣ်တၢ်ဟ့ၣ်သ့ၣ်တဖၣ်လၢအကမၤ စၢၤတၢ်ဒုးဒိၣ်ထီၣ်ထီထီၣ်တၢ်အိၣ်ဖှိၣ်န့ၣ်လီၤ.

1 ကရံၣ်သူး 14:17

နတၢ်ထုကဖၣ်စံးထီၣ်ပတြၢၤယွၤမ့ၢ်ဂ့ၤကစီဒီဒၣ်လဲာ်န့ၣ်, ပှၤအဂၤတဂၤန့ၣ်တဒိးန့ၢ်တၢ်မၤစၢၤနီတမံၤဘၣ်.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 14:31

သုဝဲကိးဂၤဒဲးသုကတိၤတၢ်လၢဝံအကျိာ်တဂၤဝံၤတဂၤသ့ဝဲ, ဒ်သိးပှၤကိးဂၤဒဲးကဒိးန့ၢ်တၢ်မၤလိ, ဒီးကဘၣ်တၢ်ဟ့ၣ်ဆူၣ်ထီၣ်အဂံၢ်အဘါအဂီၢ်လီၤ.

1 ကရံၣ်သူး 8:1

ခဲကနံၣ်အံၤ, ဘၣ်ထွဲဒီးတၢ်ဂ့ၢ်လၢသုကွဲးဖျါသုဝဲဘၣ်ဃးတၢ်အီၣ် တၢ်အီလၢအဘၣ်တၢ်လုၢ်ထီၣ်ပာ်ထီၣ်အီၤဆူတၢ်ဂီၤတၢ်ဖီၣ်တဖၣ် အအိၣ်န့ၣ်, သပှၢ်ကတၢၢ်, မ့ၢ်ဝဲတီဝဲကစီဒီလီၤ. ဒ်အဝဲသ့ၣ်စံးဝဲအသိးန့ၣ်, “ပဝဲကိးဂၤဒဲးပအိၣ်ဒီးတၢ်သ့ၣ်ညါနၢ်ပၢၢ်လီၤ.” ဘၣ်ဆၣ်ဒီး, တၢ်သ့ၣ်ညါဒ်န့ၣ်အသိး, မၤကဖိထီၣ်ပှၤကညီလၢတၢ်ပာ် ကဖၢလၢသးလီၤ. မ့မ့ၢ်တၢ်အဲၣ်တၢ်ကွံန့ၣ်, မၤထီၣ်မၤထီတၢ်လီၤ.

၂ ကရံၣ်သူး 1:4

အဝဲဒၣ်တိစၢၤမၤစၢၤပှၤလၢကယဲၢ်ပတၢ်ကီတၢ်ခဲအပူၤ, ဒ်သိးပမၤစၢၤပှၤဂုၤပှၤဂၤလၢအအိၣ်ဒီးတၢ်ကီတၢ်ခဲအကလုာ် ကလုာ်ကသ့ဝဲအဂီၢ်, အိၣ်ဒီးတၢ်သူတၢ်မၤစၢၤတမံၤဃီလၢ ပနီၢ်ကစၢ်ဒၣ်ပဝဲ ပဒိးန့ၢ်တ့ၢ်လၢကစၢ်ယွၤအအိၣ်န့ၣ်လီၤ.

၂ ကရံၣ်သူး 2:7

မ့မ့ၢ်ခဲကနံၣ်အံၤ, သုကြၢးပျၢ်အတၢ်ကမၣ်ဒီးဟ့ၣ်ဆူၣ်ထီၣ် အဂံၢ်အဘါ, ဒ်သိးအဝဲဒၣ်အသုတသးအုးမးဝဲတုၤအသးဟးဂီၤလၢာ်လၢာ် ဆ့ဆ့တဂ့ၤအဂီၢ်န့ၣ်လီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

အ့းဖ့းစူး 6:22

လၢတၢ်န့ၣ်အဃိယဆှၢလီၤအီၤဆူသုအိၣ်ဒ်သိးအကတဲ ဘၣ်သုလၢပဂ့ၢ်ပကျိၤခဲလၢာ်, ဒီးကဟ့ၣ်ဂံၢ်ဟ့ၣ်ဘါသုအဂီၢ် န့ၣ်လီၤ.

ကလီးစဲ 4:8

ယမၢလီၤအီၤဆူသုအိၣ် ဒ်သိးအဝဲကတဲဘၣ်သုလၢပဝဲခဲလၢာ် အဂ့ၢ်အကျိၤ, ဒ်သိးအကမၤမုာ်ထီၣ်သုသးအဂီၢ်န့ၣ်လီၤ.

၁ သ့းစၤလနံ 2:11

သုသ့ၣ်ညါလၢပမၤစၢၤသုဝဲတဂၤဘၣ်တဂၤဒ်ပၢ်တဂၤမၤစၢၤ အဖိဒၣ်ဝဲတဖၣ်အသိးန့ၣ်လီၤ.

၁ သ့းစၤလနံ 2:3

ပတၢ်သဆၣ်ထီၣ်သုခံန့ၣ်တမ့ၢ်လၢတၢ်ကမူၤကမၣ်အပူၤမ့ၢ်ဂ့ၤ, တၢ်ပာ်သူၣ်ပာ်သးအတကဆှီတဖၣ်အပူၤမ့ၢ်ဂ့ၤန့ၣ်ဘၣ်. ပတဂုာ်ကျဲးစၢးလီန့ၢ်စ့ၢ်ကီးပှၤနီတဂၤဘၣ်.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၁ သ့းစၤလနံ 4:18

မ်ဒ်န့ၣ်ဒီး, ကတိၤမုာ်ထီၣ်က့ၤသုသးတဂၤဘၣ်တဂၤ လၢတၢ်စံးတၢ်ကတိၤတဖၣ်အံၤန့ၣ်တက့ၢ်.

၂ သ့းစၤလနံ 3:12

လၢကစၢ်ယ့ၣ်ၡူးခရံာ်အမံၤအပူၤ, ပမၤလိာ်ဒီးဟ့ၣ်ပလီၢ်ပှၤသ့ၣ် တဖၣ်အံၤဒ်သိးအကအိၣ်မူတၢ်အိၣ်မူလၢအဘၣ်ဘျီးဘၣ်ဒါဒီး တၢ်မၤတၢ်လၢအကလုၢ်အီၣ်အသးသမူဒၣ်ဝဲအဂီၢ်န့ၣ်လီၤ.

၁ တံၤမသ့း 1:4

စံးဘၣ်တဲဘၣ်အဝဲသ့ၣ်လၢအသုတမၤလၢာ်အဆၢကတီၢ် လၢတၢ်စံၣ်ဃဲၤတဲဃဲၤလၢပျၢၤတဖၣ်ဒီးတၢ်ယၢၤထီၣ်ဖးထီ တၢ်ဟဲလီၤစၢၤတဖၣ်န့ၣ်တဂ့ၤ. တၢ်သ့ၣ်တဖၣ်အံၤဒုးအိၣ်ထီၣ်ဒၣ်တၢ်ဂ့ၢ်လိာ်ဘှီလိာ်တဖၣ်ဒီး တမၤထီၣ်မၤထီကစၢ်ယွၤအတၢ်ကူၣ်ထီၣ်ဖးလီၤလၢ တၢ်သ့ၣ်ညါအီၤသ့ဒၣ်ထဲလၢတၢ်စူၢ်တၢ်နာ်န့ၣ်ဘၣ်.

၁ တံၤမသ့း 4:13

တချုးယဟဲဒံးဘၣ်ဒီး, ဟ့ၣ်လီၤနတၢ်ဆၢကတီၢ်ဒီးတၢ်ကျဲးစၢးလၢတၢ်ဖးန့ၢ်ပှၤဂီၢ်မုၢ် လၢတၢ်ကွဲးအသးစီဆှံတဖၣ်, ဒီးလၢတၢ်စံၣ်တဲၤတဲလီၤတၢ်ဒီးလၢတၢ်သိၣ်လိသီလိတၢ် အဂီၢ်န့ၣ်တက့ၢ်.

၁ တံၤမသ့း 6:2

ကုၢ်လၢအဘၣ်ဃးဒီးကစၢ်တဖၣ်လၢအစူၢ်က့ၤနာ်က့ၤတၢ်န့ၣ်, တဘၣ်မၤဆံးလီၤစှၤလီၤတၢ်ယူးယီၣ်ပာ်ကဲအဝဲသ့ၣ်မ့ၢ်လၢ အမ့ၢ်အဒီပုၢ်ဝဲၢ်တဖၣ်အဃိန့ၣ်တဂ့ၤ. မ့မ့ၢ်, အဝဲသ့ၣ်ကဘၣ်မၤတၢ်ဂ့ၤဒိၣ်ဒၣ်တၢ်တက့ၢ်, မ့ၢ်လၢပှၤတဖၣ်လၢအဘၣ်ဘျုးလၢအဝဲသ့ၣ်အတၢ်မၤန့ၣ်, မ့ၢ်ပှၤစူၢ်က့ၤနာ်က့ၤတၢ်တဖၣ်လၢအဝဲသ့ၣ်အဲၣ်ဘၣ်အီၤ အဃိန့ၣ်လီၤ. နဘၣ်သိၣ်လိသီလိဒီးသဆၣ်ထီၣ်အဝဲသ့ၣ်အခံဒ်သိးအကမၤ တၢ်သ့ၣ်တဖၣ်အံၤလီၤ.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

တံတူး 1:9

အဝဲကဘၣ်ဟံးဃာ်ဂၢၢ်ကျၢၤတၢ်ကစီၣ်လၢတၢ်နာ်န့ၢ်အီၤသ့ဒီးဃူ ဃီၣ်လီၤပလိာ်ဒီးတၢ်သိၣ်လိသီလိအမ့ၢ်အတီန့ၣ်လီၤ. လၢကျဲဒ်အံၤန့ၣ်, အဝဲဟ့ၣ်ဂံၢ်ဟ့ၣ်ဘါပှၤဂၤတဖၣ်လၢတၢ်သိၣ်လိသီလိအမ့ၢ် အတီသ့ဝဲ, ဒီးဒုးနဲၣ်ပှၤလၢအထီဒါတၢ်တဖၣ် အတၢ်ကမၣ် သ့စ့ၢ်ကီးန့ၣ်လီၤ.

တံတူး 2:15

သိၣ်လိတၢ်တဖၣ်အံၤဒီးသူနတၢ်စိကမီၤလၢလၢပှဲၤပှဲၤဖဲ နဟ့ၣ်ဂံၢ်ဟ့ၣ်ဘါဒီးသိၣ်ဃီၣ်တၢ်အဆၢကတီၢ်န့ၣ်တက့ၢ်. တဘၣ်ပျဲအဝဲသ့ၣ်ကွၢ်တလီၤနၤနီတဂၤတဂ့ၤ.

တံတူး 2:6

ဒ်န့ၣ်အသိးသဆၣ်ထီၣ်ပှၤပိာ်ခွါသးစၢ်တဖၣ်အခံလၢ အကပၢၤသူၣ်ပၢၤသးအဂီၢ်န့ၣ်တက့ၢ်.

တံတူး 2:9

ကုၢ်တဖၣ်ကဘၣ်ဒိးပၢအသးလၢအကစၢ်ဒီးမၤဘၣ်အဝဲသ့ၣ် အသးလၢတၢ်ခဲလၢာ်အပူၤလီၤ. အဝဲသ့ၣ်တဘၣ်ကတိၤဆၢက့ၤအကစၢ်တဖၣ်ဘၣ်,

ဧ့ၤဘြံၤ 10:25

မ်ပသုတဟးဆှဲးတၢ်ပာ်ဖှိၣ်ရိဖှိၣ်ထီၣ်ပသးဒ်ပှၤတနီၤမၤဝဲ အသိးန့ၣ်တဂ့ၤ. မ့မ့ၢ်, မ်ပသဆၣ်ထီၣ်လိာ်ပခံဒီးပဒံးထံၣ်လၢကစၢ်အမုၢ်တနံၤဒံးဘူး ထီၣ်ဝဲန့ၣ်မ်ပဟ့ၣ်ဂံၢ်ဟ့ၣ်ဘါလိာ်ပသးဒံးအါထီၣ်တက့ၢ်.

ဧ့ၤဘြံၤ 13:22

ဒီပုၢ်ဝဲၢ်သ့ၣ်ဧၢ, ယဃ့ကညးသုလၢသုကဒိကနၣ်တၢ်ဟ့ၣ်ဂံၢ်ဟ့ၣ်ဘါသု အတၢ်ကတိၤအံၤလၢတၢ်သးစူၤအပူၤ, အဂ့ၢ်မ့ၢ်လၢအတထီကဲၣ်ဆိးဘၣ်အဃိန့ၣ်လီၤ.

ဧ့ၤဘြံၤ 3:13

မ့မ့ၢ်, ဖဲ “မုၢ်တနံၤအံၤ” ဘၣ်ထွဲဒီးပှၤအဖၢမုၢ်န့ၣ်, ဒ်သိးသုသုတဘၣ်တၢ်လီန့ၢ်သုလၢတၢ်ဒဲးဘးဒီးကဲထီၣ်ပှၤလၢ အခိၣ်ကိၤနီတဂၤတဂ့ၤအဂီၢ်န့ၣ်, သုဘၣ်မၤစၢၤဟ့ၣ်ဂံၢ်ဟ့ၣ်ဘါလိာ်သုသးသကိးသကိး, ကိးနံၤဒဲးလီၤ.

၁ ပ့းတရူး 5:12

ယကွဲးန့ၢ်သုလံာ်ပရၢဖုၣ်ကိာ်ဖိအံၤခီဖျိစီၤစံလၤလၢယပာ်အီၤဒ် ဒီပုၢ်ဝဲၢ်လၢအသးတီဒီးယၤတဂၤအတၢ်မၤစၢၤယၤအပူၤန့ၣ်လီၤ. ယသးအိၣ်ဟ့ၣ်ဆူၣ်ထီၣ်သုဂံၢ်သုဘါဒီးဟ့ၣ်ယတၢ်အုၣ်ယသး လၢတၢ်အံၤမ့ၢ်ကစၢ်ယွၤအဘျုးအဖှိၣ်နီၢ်နီၢ်လီၤ. ဆၢထၢၣ်ဂၢၢ်ကျၢၤလၢတၢ်အံၤအပူၤန့ၣ်တက့ၢ်.

ယူဒၤ 1:20

ဘၣ်ဆၣ်ဒီးယတံၤသကိးသးဘိသ့ၣ်ဧၢ, သူၣ်ထီၣ်ဘှီထီၣ်သုသးလၢသုတၢ်စူၢ်တၢ်နာ်စီဆှံကတၢၢ် အဖီခိၣ်န့ၣ်တက့ၢ်. ဘါထုကဖၣ်လၢသးစီဆှံအစိကမီၤအပူၤ,