1 ကရံၣ်သူး 14:29 - Sgaw Karen Common Bible

²⁹ ပှၤကတိၤတၢ်လၢဝံအကျိာ်ကဘၣ်အိၣ်ထဲခံဂၤမ့တမ့ၢ်သၢဂၤ, မ့မ့ၢ်ပှၤအဂၤတဖၣ်ကဘၣ်စံၣ်ညီၣ်ကွၢ်ဆိကမိၣ်ဘၣ်ဃးတၢ်လၢ အဝဲသ့ၣ်စံးကတိၤဝဲန့ၣ်လီၤ.

1 ကရံၣ်သူး 14:29 Iomraidhean Croise

မၤတၢ် 13:1

ဖဲအၣ်တံၤအီာ်အတၢ်အိၣ်ဖှိၣ်န့ၣ်, ဝံဒီးသရၣ်အိၣ်ဝဲဒၣ်တနီၤလၢအမံၤမ့ၢ်ဝဲစီၤဘၢ်နါဘၤ, စီၤစူၤမ့းအိၣ် (လၢပှၤကိးလၢပှၤသူဖံး), စီၤလူကံၤ (ပှၤကူၤရ့ၤန့ဖိ), စီၤမနၤအ့ၣ် (လၢအဘၣ်တၢ်လုၢ်ဒုးဒိၣ်ထီၣ်ဃုာ်အီၤဒီးပဒိၣ်ဖးဒိၣ်စီၤဟ့ၤရိာ်) ဒီးစီၤစီလူးန့ၣ်လီၤ.

1 ကရံၣ်သူး 12:10

သးစီဆှံဟ့ၣ်ပှၤတဂၤတၢ်စိတၢ်ကမီၤလၢအကမၤတၢ်လီၤလးတဖၣ်, ပှၤအဂၤတဂၤ, တၢ်ဟ့ၣ်ဘၣ်ဃးတၢ်ကတိၤတၢ်လၢဝံအကျိာ်, ဒီးပှၤတဂၤဒၣ်တၢ်သ့တၢ်ဘၣ်လၢအကပဲာ်ဖးနီၤဖးတၢ်ဟ့ၣ်တဖၣ်လၢ အဟဲလၢသးစီဆှံအအိၣ်ဒီးတၢ်ဟ့ၣ်တဖၣ်လၢအတဟဲလၢသးစီဆှံ အအိၣ်န့ၣ်အတၢ်လီၤဆီလီၤ. ဆူပှၤတဂၤအအိၣ်န့ၣ်, အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ်တၢ်စံး ကတိၤလၢကျိာ်လၢပှၤတနၢ်ပၢၢ်အီၤတဖၣ်, ဒီးဆူပှၤတဂၤဒၣ် အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ် တၢ်စံးကတိၤလၢကျိာ်လၢပှၤတနၢ်ပၢၢ်ဘၣ်တဖၣ်အခီပညီန့ၣ်လီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

1 ကရံၣ်သူး 14:28

ဘၣ်ဆၣ်ဒီးပှၤလၢအကတဲဖျါထီၣ်တၢ်အခီပညီမ့ၢ်တအိၣ်ဖဲန့ၣ်နီ တဂၤဘၣ်ဒီးပှၤတဂၤလၢအကတိၤတၢ်လၢပျ့ၤလီၤဆီတဖၣ်န့ၣ်ကဘၣ် အိၣ်ဘှီၣ်ဒီးကတိၤဒၣ်တၢ်လၢအဝဲဒၣ်, ဒီးကစၢ်ယွၤအဘၢၣ်စၢၤန့ၣ်လီၤ.

1 ကရံၣ်သူး 14:30

ဘၣ်ဆၣ်ဒီးပှၤတဂၤဒၣ်လၢတၢ်အိၣ်ဖှိၣ်အပူၤမ့ၢ်ဒိးန့ၢ်ဘၣ်တၢ် ကစီၣ်လၢယွၤအအိၣ်န့ၣ်, ပှၤလၢအကတိၤတၢ်တဂၤကဘၣ်ဆိကတီၢ်အတၢ်ကတိၤလီၤ.

1 ကရံၣ်သူး 14:32

တၢ်ဟ့ၣ်ဘၣ်ဃးတၢ်ကတိၤလၢဝံအကျိာ်န့ၣ်, ကြၢးဘၣ်တၢ်ပၢၤဃာ်အီၤလၢပှၤကတိၤတၢ်န့ၣ်လီၤ.

1 ကရံၣ်သူး 14:37

ပှၤတဂၤဂၤမ့ၢ်ဆိကမိၣ်လၢ, အဝဲဒၣ်မ့ၢ်ကစၢ်ယွၤအပှၤဆှၢတၢ်ကစီၣ်, မ့တမ့ၢ်အိၣ်ဒီးသးစီဆှံအတၢ်ဟ့ၣ်န့ၣ်, အဝဲဒၣ်ကဘၣ်သ့ၣ်ညါလၢတၢ်လၢယကွဲးန့ၢ်သုတဖၣ်မ့ၢ်ဝဲ ကစၢ်ယွၤအတၢ်မၤလိာ်န့ၣ်လီၤ.

1 ကရံၣ်သူး 14:39

မၤသးဒ်န့ၣ်ဒီး, ယဒီပုၢ်ဝဲၢ်သ့ၣ်ဧၢ, ပာ်သုသးလၢသုကကတိၤတၢ်လၢဝံအကျိာ်တက့ၢ်. ဘၣ်ဆၣ်ဒီး, တဘၣ်တြီပှၤကတိၤတၢ်လၢပျ့ၤလီၤတိၢ်လီၤဆီတဖၣ်တဂ့ၤ.