1 ကရံၣ်သူး 14:27 - Sgaw Karen Common Bible

²⁷ ပှၤတဂၤဂၤမ့ၢ်အဲၣ်ဒိးကတိၤတၢ်လၢပျ့ၤလီၤတိၢ်လီၤဆီတဖၣ်န့ၣ်, ပှၤကတိၤတၢ်အအါကတၢၢ်ကဘၣ်မ့ၢ်ထဲခံဂၤမ့တမ့ၢ်သၢဂၤ, တဂၤဝံၤ တဂၤ, ဒီးပှၤတဂၤဒၣ်ကဘၣ်တဲဖျါထီၣ်တၢ်လၢအကဘၣ်တၢ်စံး ကတိၤအီၤအခီပညီလီၤ.

1 ကရံၣ်သူး 14:27 Iomraidhean Croise

1 ကရံၣ်သူး 12:10

သးစီဆှံဟ့ၣ်ပှၤတဂၤတၢ်စိတၢ်ကမီၤလၢအကမၤတၢ်လီၤလးတဖၣ်, ပှၤအဂၤတဂၤ, တၢ်ဟ့ၣ်ဘၣ်ဃးတၢ်ကတိၤတၢ်လၢဝံအကျိာ်, ဒီးပှၤတဂၤဒၣ်တၢ်သ့တၢ်ဘၣ်လၢအကပဲာ်ဖးနီၤဖးတၢ်ဟ့ၣ်တဖၣ်လၢ အဟဲလၢသးစီဆှံအအိၣ်ဒီးတၢ်ဟ့ၣ်တဖၣ်လၢအတဟဲလၢသးစီဆှံ အအိၣ်န့ၣ်အတၢ်လီၤဆီလီၤ. ဆူပှၤတဂၤအအိၣ်န့ၣ်, အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ်တၢ်စံး ကတိၤလၢကျိာ်လၢပှၤတနၢ်ပၢၢ်အီၤတဖၣ်, ဒီးဆူပှၤတဂၤဒၣ် အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ် တၢ်စံးကတိၤလၢကျိာ်လၢပှၤတနၢ်ပၢၢ်ဘၣ်တဖၣ်အခီပညီန့ၣ်လီၤ.

1 ကရံၣ်သူး 14:13

လၢတၢ်န့ၣ်အဃိပှၤတဂၤလၢအကတိၤတၢ်လၢပျ့ၤလီၤဆီတဖၣ် န့ၣ်ကဘၣ်ဃ့ဘါထုကဖၣ်တၢ်ဒ်သိးအကဒိးန့ၢ်ဘၣ်တၢ်ဟ့ၣ်လၢ အတဲဖျါထီၣ်အတၢ်ကတိၤအခီပညီန့ၣ်လီၤ.

1 ကရံၣ်သူး 14:2

ပှၤတဂၤလၢအကတိၤတၢ်လၢပျ့ၤလီၤတိၢ်လီၤဆီန့ၣ်, တကတိၤတၢ်ဒီးပှၤဂၤဘၣ်. မ့ၢ်အကတိၤတၢ်ဒီးကစၢ်ယွၤလီၤ. အဂ့ၢ်ဒ်အံၤ, ပှၤတနၢ်ပၢၢ်အီၤနီတဂၤဘၣ်. အဝဲဒၣ်ကတိၤတၢ်မ့ၢ်တၢ်တီခူသူၣ်တဖၣ်, ခီဖျိသးစီဆှံအစိကမီၤန့ၣ်လီၤ.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 14:28

ဘၣ်ဆၣ်ဒီးပှၤလၢအကတဲဖျါထီၣ်တၢ်အခီပညီမ့ၢ်တအိၣ်ဖဲန့ၣ်နီ တဂၤဘၣ်ဒီးပှၤတဂၤလၢအကတိၤတၢ်လၢပျ့ၤလီၤဆီတဖၣ်န့ၣ်ကဘၣ် အိၣ်ဘှီၣ်ဒီးကတိၤဒၣ်တၢ်လၢအဝဲဒၣ်, ဒီးကစၢ်ယွၤအဘၢၣ်စၢၤန့ၣ်လီၤ.

1 ကရံၣ်သူး 14:5

ယအဲၣ်ဒိးလၢသုဝဲကိးဂၤဒဲးသုကကတိၤတၢ်လၢ ပျ့ၤလီၤဆီတဖၣ်လီၤ. ဘၣ်ဆၣ်ဒီးယအဲၣ်ဒိးယဲဒိၣ်ဒၣ်တၢ်တက့ၢ်လၢသုကအိၣ်ဒီးတၢ်ဟ့ၣ် ဘၣ်ဃးတၢ်ကတိၤတၢ်လၢဝံအကျိာ်န့ၣ်လီၤ. အဂ့ၢ်ဒ်အံၤ, ပှၤတဂၤလၢအကတိၤတၢ်လၢပျ့ၤလီၤဆီတဖၣ်န့ၣ် မ့တမ့ၢ်ပှၤအိၣ်ဝဲတဂၤလၢအတဲဖျါထီၣ်အဝဲအတၢ်ကတိၤတဖၣ် အခီပညီသ့ဝဲဒ်သိးအကကဲထီၣ်တၢ်မၤစၢၤလၢတၢ်အိၣ်ဖှိၣ်ဒီဖု အဂီၢ်ဘၣ်ဒီး, ပှၤကတိၤတၢ်လၢဝံအကျိာ်တဂၤအလုၢ် အပှ့ၤဒိၣ်န့ၢ်အီၤတက့ၢ်လီၤ.