1 ကရံၣ်သူး 14:26 - Sgaw Karen Common Bible

²⁶ တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 14:26 Iomraidhean Croise

ရိမ့ၤ 1:13

ယဒီပုၢ်ဝဲၢ်သ့ၣ်ဧၢ, သုကဘၣ်သ့ၣ်နီၣ်ထီၣ်လၢအါစုအါဘျီ ယတိာ်ပာ်လၢယကလဲၤဆူသုအိၣ်, ဘၣ်ဆၣ်တၢ်မၤတံာ်တာ်ယကျဲအိၣ်ထီၣ်ဝဲထီဘိလီၤ. ယသးအိၣ်မၤန့ၢ်စ့ၢ်ကီးသးသမူတဖၣ်လၢသုကျါ, ဒ်ယမၤန့ၢ်လၢပှၤကလုာ်ဂၤတဖၣ်အကျါအသိးန့ၣ်လီၤ.

ရိမ့ၤ 12:7

မ့မ့ၢ်တၢ်မၤတၢ်ခ့တၢ်ပှၤအတၢ်မၤဒီး, ပကဘၣ်မၤတၢ်ခ့တၢ် ပှၤအတၢ်မၤလီၤ. မ့မ့ၢ်တၢ်သိၣ်လိတၢ်ဒီး, ပကဘၣ်သိၣ်လိ တၢ်လီၤ.

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

ရိမ့ၤ 15:2

အခိၣ်တလိာ်, လၢပဒီပုၢ်ဝဲၢ်တဖၣ်အတၢ်ဂ့ၤဒၣ်ဝဲအဂီၢ် န့ၣ်ပဝဲတဂၤဒီးတဂၤပကြၢးမၤမုာ်အီၤဒ်သိးအတၢ်စူၢ် တၢ်နာ်ကဘၣ်တၢ်သူၣ်ထီၣ်ဂၢၢ်ကျၢၤအီၤအဂီၢ်လီၤ.

1 ကရံၣ်သူး 14:15

မ့မ့ၢ်ဒ်န့ၣ်ဒီးယကမၤယဲဒ်လဲၣ်. ယကဃ့ဘါထုကဖၣ်တၢ်လၢယနီၢ် သးဘၣ်ဆၣ်ဒီးယကဃ့ဘါထုကဖၣ်စ့ၢ်ကီးတၢ်လၢယတၢ်သ့ၣ်ညါ အသးလီၤ. ယကသးဝံၣ်တၢ်လၢယနီၢ်သး, ဘၣ်ဆၣ်ဒီးယကသးဝံၣ်စ့ၢ်ကီးတၢ်လၢယတၢ်သ့ၣ်ညါ အသးလီၤ.

1 ကရံၣ်သူး 14:2

ပှၤတဂၤလၢအကတိၤတၢ်လၢပျ့ၤလီၤတိၢ်လီၤဆီန့ၣ်, တကတိၤတၢ်ဒီးပှၤဂၤဘၣ်. မ့ၢ်အကတိၤတၢ်ဒီးကစၢ်ယွၤလီၤ. အဂ့ၢ်ဒ်အံၤ, ပှၤတနၢ်ပၢၢ်အီၤနီတဂၤဘၣ်. အဝဲဒၣ်ကတိၤတၢ်မ့ၢ်တၢ်တီခူသူၣ်တဖၣ်, ခီဖျိသးစီဆှံအစိကမီၤန့ၣ်လီၤ.

1 ကရံၣ်သူး 14:27

ပှၤတဂၤဂၤမ့ၢ်အဲၣ်ဒိးကတိၤတၢ်လၢပျ့ၤလီၤတိၢ်လီၤဆီတဖၣ်န့ၣ်, ပှၤကတိၤတၢ်အအါကတၢၢ်ကဘၣ်မ့ၢ်ထဲခံဂၤမ့တမ့ၢ်သၢဂၤ, တဂၤဝံၤ တဂၤ, ဒီးပှၤတဂၤဒၣ်ကဘၣ်တဲဖျါထီၣ်တၢ်လၢအကဘၣ်တၢ်စံး ကတိၤအီၤအခီပညီလီၤ.

1 ကရံၣ်သူး 14:40

တၢ်ကိးမံၤဒဲးကြၢးဘၣ်တၢ်မၤအီၤလၢအလီၢ်အကျဲဒီးလၢအဂ့ၢ် အဝီန့ၣ်လီၤ.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

အ့းဖ့းစူး 4:12

အဝဲဒၣ်မၤတၢ်အံၤမ့ၢ်ဒ်သိးအကကတဲာ်ကတီၤကစၢ်ယွၤ အပှၤဂီၢ်မုၢ်လၢအကမၤတၢ်ခ့တၢ်ပှၤအတၢ်မၤဒ်ခရံာ်ဖိတဖၣ် အသိး, ဒီးလၢအကမၤထီၣ်မၤထီခရံာ်အနီၢ်ခိအဂီၢ်,

အ့းဖ့းစူး 4:16

လၢအဝဲဒၣ်အပူၤန့ၣ်, က့ၢ်ဂီၤလၢအလီၤဆီလိာ်အသးခဲလၢာ်ဘၣ်တၢ်ဒုးစဲဘူးအီၤလၢ နီၢ်တဂၤဃီအပူၤလၢတၢ်အဆၢတဖၣ်လၢအမၤစၢၤတၢ်ဒ်က့ၢ်ဂီၤ တမံၤဒီးတမံၤအတၢ်မၤအိၣ်ဝဲအသိးန့ၣ်လီၤ. ဖဲက့ၢ်ဂီၤတဖၣ်အံၤမၤသကိးတၢ်ဒ်အဂ့ၤမၤဝဲန့ၣ်, နီၢ်ဒီဂၤညါဒိၣ်ထီၣ်ထီထီၣ်ဒီးမၤထီၣ်မၤထီလီၤက့ၤအသးခီ ဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

၁ သ့းစၤလနံ 5:11

မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.