1 ကရံၣ်သူး 14:24 - Sgaw Karen Common Bible

²⁴ ဘၣ်ဆၣ်ဒီး ပှၤကိးဂၤဒဲးမ့ၢ်ကတိၤတၢ်လၢဝံအကျိာ်, ဖဲပှၤတစူၢ် တနာ်တၢ်, မ့တမ့ၢ်ပှၤမုၢ်ဆ့ၣ်မုၢ်ဂီၤတဂၤဟဲနုာ်လီၤန့ၣ်, အဝဲဒၣ်ကဘၣ်တၢ်ဒုးသ့ၣ်ညါလီၤတံၢ်အီၤလၢအအိၣ်ဒီး တၢ်ဒဲးဘး, ခီဖျိတၢ်လၢအနၢ်ဟူဘၣ်ဝဲန့ၣ်လီၤ. အဝဲဒၣ်ကဘၣ်တၢ်စံၣ်ညီၣ်အီၤခီဖျိတၢ်လၢအနၢ်ဟူဘၣ်ဝဲခဲလၢာ်လီၤ.

1 ကရံၣ်သူး 14:24 Iomraidhean Croise

လံာ်ယိၤဟၣ် 16:8

ဒီးတုၤအဟဲဝဲဒီး, အဝဲကဒုးနဲၣ်ဖျါထီၣ်န့ၢ်ပှၤဟီၣ်ခိၣ်ဖိတဖၣ် လၢအဝဲသ့ၣ်အတၢ်ဆိကမိၣ်ကမၣ်တၢ်ဘၣ်ဃးတၢ်ဒဲးဘး အဂ့ၢ်, တၢ်လၢအမ့ၢ်အတီအဂ့ၢ်, ဒီးကစၢ်ယွၤအတၢ်စံၣ်ညီၣ် အဂ့ၢ်တဖၣ်န့ၣ်လီၤ.

လံာ်ယိၤဟၣ် 4:29

“ဟဲဒီးကွၢ်ပှၤတဂၤလၢအစံးဘၣ်တဲဘၣ်ယၤတၢ်ခဲလၢာ်လၢ ယမၤတ့ၢ်လံန့ၣ်တက့ၢ်. မ့ၢ်ကမ့ၢ်ခရံာ်န့ၣ်ဧါ.”

မၤတၢ် 2:37

တုၤပှၤတဖၣ်နၢ်ဟူဘၣ်တၢ်လၢစီၤပ့းတရူးစံးတ့ၢ်ဝဲအံၤန့ၣ်, အဝဲသ့ၣ်အသးဘၣ်ဒိဘၣ်ထံးနးမးဒီးစံးဘၣ်စီၤပ့းတရူးဒီး ပှၤတၢ်မၢဖိအဂၤတဖၣ်, “ဒီပုၢ်ဝဲၢ်သ့ၣ်ဧၢ, ပကမၤဘၣ်ဒ်လဲၣ်.”

1 ကရံၣ်သူး 14:1

မ့မ့ၢ်ဒ်န့ၣ်ဒီးတၢ်လၢသုကြၢးဂုာ်ကျဲးစၢးဒီးဒိးန့ၢ်အီၤန့ၣ်, မ့ၢ်ဝဲတၢ်အဲၣ်တၢ်ကွံလီၤ. ပာ်သုသးသပှၢ်ပှၢ်လၢသုကဒိးန့ၢ်ဘၣ်သးစီဆှံအတၢ်ဟ့ၣ် တဖၣ်, လီၤဆီဒၣ်တၢ်, တၢ်ဟ့ၣ်ဘၣ်ဃးဒီးတၢ်ကတိၤတၢ်လၢဝံအကျိာ်န့ၣ်တက့ၢ်.

1 ကရံၣ်သူး 14:16

ဖဲနဟ့ၣ်တၢ်စံးထီၣ်ပတြၢၤဆူကစၢ်ယွၤအအိၣ်ထဲလၢနီၢ်သးန့ၣ်, ပှၤမုၢ်ဆ့ၣ်မုၢ်ဂီၤလၢအဘူၣ်သကိးဘါသကိးတၢ်တဂၤကစံး, “အၤမ့ၣ်” လၢနတၢ်ထုကဖၣ်စံးထီၣ်ပတြၢၤယွၤန့ၣ်ကသ့ဝဲဒ်လဲၣ်. အဝဲနၢ်ပၢၢ်နတၢ်စံးတၢ်ကတိၤတဖၣ်တသ့ဝဲလၢကျဲနီတဘိဘၣ်လီၤ.

1 ကရံၣ်သူး 2:15

မ့မ့ၢ်ပှၤတဂၤလၢ်လၢ်လၢအအိၣ်ဒီးယွၤအသးစီဆှံန့ၣ်, သ့ၣ်ညါနၢ်ပၢၢ်တၢ်ခဲလၢာ်အလုၢ်အပှ့ၤသ့ဝဲ, ဘၣ်ဆၣ်ပှၤသ့ၣ်ညါနၢ်ပၢၢ်ပှၤအဝဲန့ၣ်တသ့ဘၣ်နီတဂၤဘၣ်.