1 ကရံၣ်သူး 14:23 - Sgaw Karen Common Bible

²³ မ့မ့ၢ်ဒ်န့ၣ်ဒီး, တၢ်အိၣ်ဖှိၣ်ဒီဖုညါမ့ၢ်ထံၣ်လိာ်ပာ်ဖှိၣ်သကိး အသးဒီးပှၤကိးဂၤဒဲးဒီးစးထီၣ်ကတိၤတၢ်လၢပျ့ၤလီၤဆီတဖၣ်, ဒီးပှၤမုၢ်ဆ့ၣ်မုၢ်ဂီၤတနီၤမ့တမ့ၢ်ပှၤတစူၢ်တနာ်တၢ်တဖၣ်ဟဲနုာ် လီၤန့ၣ်, အဝဲသ့ၣ်ကစံးလၢသုပျုၢ်ကိးဂၤဒဲးလီၤတမ့ၢ်ဘၣ်ဧါ.

1 ကရံၣ်သူး 14:23 Iomraidhean Croise

လံာ်ဟိၤၡ့ 9:7

တၢ်ဆၢကတီၢ်လၢတၢ်စံၣ်ညီၣ်အဂီၢ်, တၢ်ဆၢကတီၢ်လၢပှၤဂီၢ်မုၢ်တဖၣ်ကဒိးန့ၢ်တၢ်လၢအကြၢးဒိးန့ၢ်ဘၣ် ဝဲန့ၣ်ဟဲတုၤလံ. ဖဲတၢ်န့ၣ်မၤအသးဒီးကီၢ်အံၣ်စရ့လးကသ့ၣ်ညါအီၤလီၤ. သုစံးလၢဝံတဂၤအံၤမ့ၢ်ပှၤဟးဂီၤဖိန့ၣ်လီၤ. ပှၤလၢယွၤဟ့ၣ်စိဟ့ၣ်ကမီၤအီၤတဂၤအံၤပျုၢ်လီၤ. သုပှၤဂီၢ်မုၢ်တဖၣ်သးဟ့ယၤနးနးကလဲာ်မ့ၢ်လၢသုတၢ်ဒဲးဘး န့ၣ်အါဝဲအဃိလီၤ.

လံာ်လူၤကၣ် 12:46

အကစၢ်ကဟဲက့ၤဝဲမုၢ်တနံၤဖဲအဝဲတမုၢ်လၢ်အီၤဒီးဖဲ အဆၢကတီၢ်လၢအဝဲတသ့ၣ်ညါဝဲဘၣ်န့ၣ်လီၤ. ကစၢ်ကကျီတဲာ်အီၤတကူာ်တကူာ်, ဒီးပာ်အီၤတမံၤဃီဒီးပှၤအသးတတီတဖၣ်န့ၣ်လီၤ.

လံာ်ယိၤဟၣ် 10:20

အဝဲသ့ၣ်အါဂၤစံးဝဲ, “ပှၤတဂၤအံၤတၢ်နါဒိးအီၤ, ဒီးအဝဲမ့ၢ်ပှၤအပျုၢ်လီၤ. ဘၣ်မနုၤအဃိသုဒိကနၣ်အီၤန့ၣ်လဲၣ်.”

မၤတၢ် 2:13

မ့မ့ၢ်ပှၤအဂၤတဖၣ်နံၤဘၣ်ဖၣ်လဲပှၤစူၢ်က့ၤနာ်က့ၤတၢ်တဖၣ်န့ၣ်ဒီးစံးဝဲ, “ပှၤသ့ၣ်တဖၣ်အံၤမူၤလၢစပံးထံလီၤ.”

မၤတၢ် 26:24

ဖဲစီၤပီလူးကတိၤဒီဒၣ်အသးဒ်အံၤအဖၢမုၢ်န့ၣ်, စီၤဖ့စတူးကိးဃါအီၤလၢအကလုၢ်ဖးဒိၣ်, “စီၤပီလူးဧၢ, နပျုၢ်လီၤ. နတၢ်မၤလိမၤဒိးအဒိၣ်အထီဒုးပျုၢ်နၤလံ.”

1 ကရံၣ်သူး 11:18

အဆိကတၢၢ်န့ၣ်, ယဘၣ်တၢ်စံးဘၣ်တဲဘၣ်ယၤလၢသုတၢ်ပာ်ဖှိၣ်ထီၣ် သကိးသုသးအပူၤန့ၣ်တၢ်ထီဒုၣ်ထီဒါလိာ်သုသးအိၣ်ဝဲဒၣ်, ဒီးယနာ်လၢတၢ်ဂ့ၢ်အဝဲအံၤမ့ၢ်ဝဲတီဝဲတနီၤလီၤ.