1 ကရံၣ်သူး 14:21 - Sgaw Karen Common Bible

²¹ လၢတၢ်ကွဲးအသးစီဆှံအပူၤန့ၣ်, တၢ်ကတိၤအိၣ်ကွဲးအသးဒ်အံၤ, “ခီဖျိပှၤကညီတဖၣ်လၢ အကတိၤကျိာ်လီၤဆီတဖၣ်န့ၣ် ယကကတိၤတၢ်ဒီးယပှၤဂီၢ်မုၢ်လီၤ. ကစၢ်စံးဝဲဒၣ်, ယကကတိၤတၢ်ခီဖျိပှၤတခီဘီမုၢ်ဖိတဖၣ်အနိးဖံး, ဘၣ်ဆၣ်ဒီး, အန့ၣ်ဒၣ်လဲာ်, တမ့ၢ်လၢယပှၤဂီၢ်မုၢ်ကစူၢ်ယကလုၢ်ဘၣ်.”

1 ကရံၣ်သူး 14:21 Iomraidhean Croise

လံာ်ယံးရမံယၤ 5:15

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ယွၤမၢလီၤပှၤတကလုာ်လၢ အဟဲလၢကီၢ်အယံၤလၢကဒုးသုးအဂီၢ်လီၤ. မ့ၢ်ပှၤတကလုာ်လၢအဂံၢ် ဆူၣ်ဘါဆူၣ်ဒီးအိၣ်တ့ၢ်ဝဲလၢပျၢၤလံၤလံၤ, ပှၤတကလုာ် လၢသုတသ့ၣ်ညါနၢ်ပၢၢ်အကျိာ်ဘၣ်န့ၣ်လီၤ.

လံာ်ယိၤဟၣ် 10:34

ယ့ၣ်ၡူးစံးဆၢအဝဲသ့ၣ်, “တၢ်ကွဲးအသးလၢသုတၢ်သိၣ် တၢ်သီဒၣ်ဝဲအပူၤလၢကစၢ်ယွၤစံးဝဲ, ‘သုမ့ၢ်ယွၤတဖၣ်လီၤ’ (စံး ၈၂:၆).

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

1 ကရံၣ်သူး 14:34

ပှၤပိာ်မုၣ်တဖၣ်ကဘၣ်အိၣ်ဘှ့ၣ်လၢတၢ်အိၣ်ဖှိၣ်တဖၣ် အပူၤလီၤ. တၢ်တပျဲအဝဲသ့ၣ်စံးကတိၤတၢ်ဘၣ်. ဒ်ယူဒၤအတၢ်သိၣ်တၢ်သီစံးဝဲအသိးန့ၣ်အဝဲသ့ၣ် ကဘၣ်အိၣ်လၢတၢ်ပၢတၢ်ဆှၢအဖီလာ်လီၤ.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.