1 ကရံၣ်သူး 14:15 - Sgaw Karen Common Bible

¹⁵ မ့မ့ၢ်ဒ်န့ၣ်ဒီးယကမၤယဲဒ်လဲၣ်. ယကဃ့ဘါထုကဖၣ်တၢ်လၢယနီၢ် သးဘၣ်ဆၣ်ဒီးယကဃ့ဘါထုကဖၣ်စ့ၢ်ကီးတၢ်လၢယတၢ်သ့ၣ်ညါ အသးလီၤ. ယကသးဝံၣ်တၢ်လၢယနီၢ်သး, ဘၣ်ဆၣ်ဒီးယကသးဝံၣ်စ့ၢ်ကီးတၢ်လၢယတၢ်သ့ၣ်ညါ အသးလီၤ.

1 ကရံၣ်သူး 14:15 Iomraidhean Croise

စံးထီၣ်ပတြၢၤ 47:7

ကစၢ်ယွၤမ့ၢ်စီၤပၤလၢဟီၣ်ခိၣ်ဒီဘ့ၣ်ညါလီၤ. စံးထီၣ်ပတြၢၤအီၤလၢတၢ်သးဝံၣ်တဖၣ်န့ၣ်တက့ၢ်.

မၤတၢ် 21:22

နဟဲတုၤလံအဂ့ၢ်န့ၣ်အဝဲသ့ၣ်ကနၢ်ဟူဘၣ်ဝဲသပှၢ်ကတၢၢ်လီၤ. လၢတၢ်န့ၣ်အဃိ, ပကမၤဒ်လဲၣ်.

ရိမ့ၤ 1:9

အဂ့ၢ်ဒ်အံၤ, ကစၢ်ယွၤလၢယမၤအတၢ်လၢယသးဒီဖျၢၣ်ညါ ခီဖျိတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီးအဖိခွါန့ၣ်, မ့ၢ်ပှၤအုၣ်အသးလၢတၢ်လၢယစံးတဖၣ်မ့ၢ်ဝဲတီဝဲန့ၣ်လီၤ. ကစၢ်ယွၤသ့ၣ်ညါလၢယသ့ၣ်နီၣ်ထီၣ်သုထီဘိလၢယတၢ် ထုကဖၣ်အပူၤန့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

1 ကရံၣ်သူး 10:19

လၢတၢ်အံၤအဃိမ့ၢ်ယစံးလၢတၢ်ဂီၤတၢ်ဖှီၣ်တဒုမ့တမ့ၢ်တၢ်အီၣ်လၢ အဘၣ်တၢ်လုၢ်ထီၣ်ဆူအီၤန့ၣ်, မ့ၢ်တၢ်တမံၤမံၤန့ၣ်ဧါ.

1 ကရံၣ်သူး 14:14

အဂ့ၢ်ဒ်အံၤ, ယမ့ၢ်ဃ့ဘါထုကဖၣ်တၢ်လၢကျဲဒ်အံၤန့ၣ်ယနီၢ် သးဃ့ဘါထုကဖၣ်တၢ်သပှၢ်ကတၢၢ်, ဘၣ်ဆၣ်ဒီး, ယတၢ်သ့ၣ်ညါအသးတအိၣ်ဒီးတၢ်ဘၣ်ထွဲလၢအပူၤနီ တမံၤဘၣ်.

1 ကရံၣ်သူး 14:19

ဘၣ်ဆၣ်ဒီး, ဖဲတၢ်ဘူၣ်တၢ်ဘါလၢတၢ်ဘါယွၤလီၢ်အဆၢကတီၢ် န့ၣ်, လၢယကကတိၤတၢ်ကတိၤအဖျၢၣ်တကလးလၢပျ့ၤလီၤဆီ တဖၣ်အလီၢ်, ဘၣ်ယသးလၢယကကတိၤတၢ်ကတိၤယဲၢ်ဖျၢၣ်လၢတၢ်နၢ်ပၢၢ် အီၤသ့ဝဲ, ဒ်သိးယကသိၣ်လီၤသီလီၤပှၤအဂၤတဖၣ်အဂီၢ်န့ၣ်လီၤ.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

အ့းဖ့းစူး 6:18

မၤတၢ်ခဲလၢာ်လၢတၢ်ထုကဖၣ်အပူၤဒီးဃ့ကစၢ်ယွၤအတၢ်မၤ စၢၤတက့ၢ်. ထုကဖၣ်ကိးဆၢကိးကတီၢ်ဒဲးဒ်ကစၢ်ယွၤ အသးဆှၢသုအသိးတက့ၢ်. လၢတၢ်အံၤအဂ့ၢ်န့ၣ်, ဆိးသီသုဝဲဒီးတ့ၢ်စၢ်လီၤသုဂံၢ်သုဘါတဂ့ၤ. ထုကဖၣ်ထီဘိလၢယွၤအပှၤစီဆှံခဲလၢာ်အဂီၢ်တက့ၢ်.

ဖံလံးပံၤ 1:18

ဒ်လဲၣ်ဂ့ၤဒ်လဲၣ်ဂ့ၤန့ၣ်, တဘၣ်တၢ်နီတမံၤဘၣ်. ယသးခုယဲလၢတၢ်မၤတ့ၢ်အသးတဖၣ်အဃိလီၤ. တၢ်ပာ်သူၣ်ပာ်သးကမၣ်မ့ၢ်ဂ့ၤ, ဘၣ်မ့ၢ်ဂ့ၤ, ခရံာ်အဂ့ၢ်မ့ၢ်ဘၣ်တၢ်စံၣ်တဲၤတဲလီၤအီၤတသ့ဖဲအသ့လၢကျဲ တဘိဂ့ၤတဘိဂ့ၤန့ၣ်ဒီး, ယကသးခုဒံးယဲဆူညါန့ၣ်လီၤ.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

ယၤကိာ် 5:13

ပှၤလၢသုကျါတဂၤဂၤဘၣ်တၢ်ကီတၢ်ခဲဧါ. အဝဲကြၢးဃ့ဘါထုကဖၣ်တၢ်လီၤ. မ့ၢ်အသူၣ်ဖှံသးညီတဂၤဂၤဧါ. အဝဲကြၢးသးဝံၣ်စံးထီၣ်ပတြၢၤကစၢ်ယွၤလီၤ.

ယူဒၤ 1:20

ဘၣ်ဆၣ်ဒီးယတံၤသကိးသးဘိသ့ၣ်ဧၢ, သူၣ်ထီၣ်ဘှီထီၣ်သုသးလၢသုတၢ်စူၢ်တၢ်နာ်စီဆှံကတၢၢ် အဖီခိၣ်န့ၣ်တက့ၢ်. ဘါထုကဖၣ်လၢသးစီဆှံအစိကမီၤအပူၤ,