1 ကရံၣ်သူး 14:12 - Sgaw Karen Common Bible

¹² မ့ၢ်လၢသုသးဆူၣ်ဒိးန့ၢ်ဘၣ်သးစီဆှံအတၢ်ဟ့ၣ်အဃိ, သုကဘၣ်ဂုာ်ကျဲးစၢးအါန့ၢ်တၢ်အဂၤ, လၢသုကသူအါထီၣ်တၢ်ဟ့ၣ်သ့ၣ်တဖၣ်လၢအကမၤ စၢၤတၢ်ဒုးဒိၣ်ထီၣ်ထီထီၣ်တၢ်အိၣ်ဖှိၣ်န့ၣ်လီၤ.

1 ကရံၣ်သူး 14:12 Iomraidhean Croise

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

1 ကရံၣ်သူး 12:31

မ့မ့ၢ်ဒ်န့ၣ်ဒီး, ပာ်သုသးသပှၢ်ပှၢ်လၢတၢ်ဆၢမိၣ်န့ၢ်ဘၣ်တၢ်ဟ့ၣ်လၢ အကါဒိၣ်န့ၢ်တၢ်ဟ့ၣ်အဂၤန့ၣ်တက့ၢ်. ဘၣ်ဆၣ်ဒီး, အဂ့ၤကတၢၢ်မ့ၢ်ဝဲကျဲလၢလာ်တဘိအံၤန့ၣ်လီၤ.

1 ကရံၣ်သူး 12:7

သးစီဆှံအတၢ်အိၣ်ဝဲလၢပှၤသိးပှၤကျါန့ၣ်, ဘၣ်တၢ်ဒုးနဲၣ်ဖျါထီၣ်အီၤလၢကျဲတဘိဘိလၢပှၤတဂၤ စုာ်စုာ်အပူၤ, လၢပှၤကိးဂၤဒဲးအတၢ်ဂ့ၤအဂီၢ်လီၤ.

1 ကရံၣ်သူး 14:1

မ့မ့ၢ်ဒ်န့ၣ်ဒီးတၢ်လၢသုကြၢးဂုာ်ကျဲးစၢးဒီးဒိးန့ၢ်အီၤန့ၣ်, မ့ၢ်ဝဲတၢ်အဲၣ်တၢ်ကွံလီၤ. ပာ်သုသးသပှၢ်ပှၢ်လၢသုကဒိးန့ၢ်ဘၣ်သးစီဆှံအတၢ်ဟ့ၣ် တဖၣ်, လီၤဆီဒၣ်တၢ်, တၢ်ဟ့ၣ်ဘၣ်ဃးဒီးတၢ်ကတိၤတၢ်လၢဝံအကျိာ်န့ၣ်တက့ၢ်.

1 ကရံၣ်သူး 14:13

လၢတၢ်န့ၣ်အဃိပှၤတဂၤလၢအကတိၤတၢ်လၢပျ့ၤလီၤဆီတဖၣ် န့ၣ်ကဘၣ်ဃ့ဘါထုကဖၣ်တၢ်ဒ်သိးအကဒိးန့ၢ်ဘၣ်တၢ်ဟ့ၣ်လၢ အတဲဖျါထီၣ်အတၢ်ကတိၤအခီပညီန့ၣ်လီၤ.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 14:5

ယအဲၣ်ဒိးလၢသုဝဲကိးဂၤဒဲးသုကကတိၤတၢ်လၢ ပျ့ၤလီၤဆီတဖၣ်လီၤ. ဘၣ်ဆၣ်ဒီးယအဲၣ်ဒိးယဲဒိၣ်ဒၣ်တၢ်တက့ၢ်လၢသုကအိၣ်ဒီးတၢ်ဟ့ၣ် ဘၣ်ဃးတၢ်ကတိၤတၢ်လၢဝံအကျိာ်န့ၣ်လီၤ. အဂ့ၢ်ဒ်အံၤ, ပှၤတဂၤလၢအကတိၤတၢ်လၢပျ့ၤလီၤဆီတဖၣ်န့ၣ် မ့တမ့ၢ်ပှၤအိၣ်ဝဲတဂၤလၢအတဲဖျါထီၣ်အဝဲအတၢ်ကတိၤတဖၣ် အခီပညီသ့ဝဲဒ်သိးအကကဲထီၣ်တၢ်မၤစၢၤလၢတၢ်အိၣ်ဖှိၣ်ဒီဖု အဂီၢ်ဘၣ်ဒီး, ပှၤကတိၤတၢ်လၢဝံအကျိာ်တဂၤအလုၢ် အပှ့ၤဒိၣ်န့ၢ်အီၤတက့ၢ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.