1 ကရံၣ်သူး 13:7 - Sgaw Karen Common Bible

⁷ တၢ်အဲၣ်တၢ်ကွံန့ၣ်တဟ့ၣ်လီၤအသးနီတစုဘၣ်. ဒီးအဝဲဒၣ်အတၢ်စူၢ်တၢ်နာ်, တၢ်မုၢ်လၢ်, ဒီးတၢ်သူၣ်စူၤသးစူၤတဖၣ်န့ၣ်တလီၤတိၢ်နီတစုဘၣ်.

1 ကရံၣ်သူး 13:7 Iomraidhean Croise

လံာ်တၢ်ကဲထီၣ်အခီၣ်ထံး 29:20

စီၤယၤကိာ်မၤတ့ၢ်တၢ်နွံနံၣ်ဒ်သိးကဒိးန့ၢ်ဘၣ်နီၢ်ရၤဃ့လး အဂီၢ်လီၤ. တၢ်ဆၢကတီၢ်မၤအသးဒ်စှၤနံၤစှၤသီအသိးလၢအဂီၢ်လီၤ. အဂ့ၢ်ဒ်အံၤ, အဝဲအဲၣ်ဘၣ်ပိာ်မုၣ်န့ၣ်လီၤ.

လံာ်စီၤယိၤဘး 13:15

ကယဲၢ်ယတၢ်မုၢ်လၢ်ခဲလၢာ်န့ၣ်လီၤမၢ်ကွံာ်, ကစၢ်ယွၤမ့ၢ် မၤသံယၤဒီးကဘၣ်တၢ်မနုၤလဲၣ်. ယကပာ်ဖျါထီၣ်ယတၢ်ဂ့ၢ် လၢအီၤလီၤ.

စံးထီၣ်ပတြၢၤ 119:66

ဟ့ၣ်လီၤယၤလၢတၢ်ကူၣ်သ့အဂ့ၤ, ဒီးတၢ်သ့ၣ်ညါန့ၣ်တက့ၢ်. အဂ့ၢ်ဒ်အံၤ, ယသန့ၤယသးလၢ နတၢ်မၤလိာ်တဖၣ်န့ၣ်လီၤ.

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်မၢ်ကူး 9:23

ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”

ရိမ့ၤ 15:1

ပဝဲလၢအတၢ်နာ်အဂံၢ်ဆူၣ်အဘါဆူၣ်တဖၣ်ကြၢး ဝံစၢၤယိးစၢၤပှၤလၢအဂံၢ်စၢ်ဘါစၢ်တဖၣ်အတၢ်ဝံတၢ်ယိး တဖၣ်န့ၣ်လီၤ. ပတကြၢးလူၤပသးဒၣ်ပဝဲဘၣ်.

ရိမ့ၤ 8:24

အဂ့ၢ်ဒ်အံၤ, ခီဖျိတၢ်မုၢ်လၢ်န့ၣ်ပဘၣ်တၢ်အုၣ်က့ၤခီၣ် က့ၤပှၤန့ၣ်လီၤ. ဘၣ်ဆၣ်ပမ့ၢ်ထံၣ်တၢ်လၢပမုၢ်လၢ်န့ၣ်ဒီး, တၢ်န့ၣ်တမ့ၢ်တၢ်မုၢ်လၢ်နီၢ်နီၢ်ဒံးဘၣ်. အဂ့ၢ်ဒ်လဲၣ်န့ၣ်, မ့ၢ်မတၤတဂၤမုၢ်လၢ်ဒံးတၢ်လၢအထံၣ်ဝဲန့ၣ်လဲၣ်.

1 ကရံၣ်သူး 13:4

တၢ်အဲၣ်တၢ်ကွံန့ၣ်, အသူၣ်စူၤသးစူၤဒီးအသူၣ်ဂ့ၤသးဝါ လီၤ. အဝဲဒၣ်အသးတက့ၣ်တၢ်မ့ၢ်ဂ့ၤ, ပာ်ဒိၣ်အသးမ့ၢ်ဂ့ၤ, ပာ်ထီၣ်ထီအသးမ့ၢ်ဂ့ၤန့ၣ်ဘၣ်.

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

ကလၤတံ 6:2

ဝံလိာ်သုတၢ်ဝံတၢ်ယိးတဖၣ်တဂၤဒီးတဂၤ, ဒီးလၢကျဲဒ်အံၤ အပူၤန့ၣ်, သုကစူၢ်ခရံာ်အတၢ်သိၣ်တၢ်သီန့ၣ်လီၤ.

လံာ်သိၣ်လီၤသီလီၤတၢ် 1:9

စီၤမိၤၡ့စံးဘၣ်ပှၤဂီၢ်မုၢ်, “ဖဲပအိၣ်ဒံးလၢကစၢၢ်စံၤနါ အခါန့ၣ်, ယစံးဘၣ်တ့ၢ်သု, မူဒါလၢတၢ်ပၢဆှၢသုအဂီၢ်န့ၣ်ဒိၣ်မးလၢ ယဂီၢ်လီၤ. ယမၤအီၤထဲတဂၤဧိၤတသ့ဘၣ်.

လံာ်သိၣ်လီၤသီလီၤတၢ် 22:27

ပှၤပိာ်ခွါတဂၤန့ၣ်မၤဆူၣ်မၤစိးပိာ်မုၣ်ဖိတဂၤလၢအမၤတၢ်တ့ တၢ်ဖျီအတၢ်အၢၣ်လီၤဝံၤလံလၢဝ့ၢ်အချၢ, ဒီးပိာ်မုၣ်ဖိကိးထီၣ်လၢ တၢ်မၤစၢၤအဂီၢ်ဒၣ်လဲာ်, ပှၤတအိၣ်နီတဂၤလၢကမၤစၢၤအီၤန့ၣ်ဘၣ်.

၂ သ့းစၤလနံ 1:4

လၢတၢ်န့ၣ်အဃိ, ပနီၢ်ကစၢ်ဒၣ်ပဝဲပကတိၤတၢ်လၢသုဂ့ၢ် အိၣ်ဒီးတၢ်ပာ်ကဖၢလၢပသးလၢသုဃိ, လၢကစၢ်ယွၤ အတၢ်အိၣ်ဖှိၣ်တဖၣ်အပူၤ, ဘၣ်ဃးသုတၢ်အိၣ်ဂၢၢ်အိၣ်ကျၢၤဒီးသုတၢ်နာ်ဖဲသုလဲၤခီဖျိ ကယဲၢ်တၢ်မၤအၢမၤနးဒီးတၢ်နးတၢ်ဖှီၣ်တဖၣ်န့ၣ်လီၤ.

၂ တံၤမသ့း 2:24

ကစၢ်အခ့အပှၤတဘၣ်အ့ၣ်လိာ်ဆိးက့လိာ်အသးဘၣ်. ကဘၣ်အိၣ်ဒီးတၢ်သူၣ်ဂ့ၤသးဝါလၢပှၤခဲလၢာ်အဖီခိၣ်ဒီး ကဘၣ်မ့ၢ်သရၣ်လၢအဂ့ၤဒီးဝံသးစူၤတၢ်တဂၤ,

၂ တံၤမသ့း 3:11

ယတၢ်ဒိးတၢ်မၤအၢမၤနးယၤတဖၣ်ဒီးယတၢ်နးတၢ်ဖှီၣ် တဖၣ်န့ၣ်လီၤ. နသ့ၣ်ညါတၢ်လၢအမၤအသးဒီးယၤလၢဝ့ၢ် အၣ်တံၤအီာ်, ဝ့ၢ်အံၤကနံဒီးဝ့ၢ်လူစတြၤ, တၢ်မၤအၢမၤသီနးနးကျံၤကျံၤလၢယတူၢ်တ့ၢ်အီၤန့ၣ်လီၤ. ဘၣ်ဆၣ်ဒီးကစၢ်မၤပူၤဖျဲးယၤလၢတၢ်န့ၣ်တဖၣ်ခဲလၢာ်လီၤ.

၂ တံၤမသ့း 4:5

မ့မ့ၢ်နဲဒၣ်အံၤ, ပၢၤနသးလၢတၢ်မၤအသးကိးမံၤဒဲးအပူၤတက့ၢ်. တူၢ်တၢ်နးတၢ်ဖှီၣ်, မၤပှၤစံၣ်တဲၤတဲလီၤတၢ်သးခုအကစီၣ်အတၢ် မၤဒီးမၤနမူနဒါခဲလၢာ် ဒ်ကစၢ်ယွၤအခ့အပှၤတဂၤအသိးတက့ၢ်.

ဧ့ၤဘြံၤ 13:13

လၢတၢ်န့ၣ်အဃိ, မ်ပလဲၤသကိးဆူဒဲအချၢဒီးတူၢ်သကိးဃုာ်တၢ် ဒုၣ်ဒွဲၣ်ဒီးအီၤန့ၣ်တက့ၢ်.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ပ့းတရူး 4:8

လၢတၢ်ခဲလၢာ်အဖီခိၣ်, အဲၣ်လိာ်ကွံလိာ်တံၢ်နီၢ်သုသးတဂၤဒီး တဂၤ, မ့ၢ်လၢတၢ်အဲၣ်တၢ်ကွံကျၢၢ်ဘၢတၢ်ဒဲးဘးအါမးအဃိန့ၣ် တက့ၢ် (ကူၣ်သ့ ၁၀:၁၂).