1 ကရံၣ်သူး 13:6 - Sgaw Karen Common Bible

⁶ တၢ်အဲၣ်တၢ်ကွံန့ၣ်တသးခုလၢတၢ်အၢတၢ်သီအပူၤဘၣ်. မ့မ့ၢ်အသးခုလၢတၢ်မ့ၢ်တၢ်တီအပူၤလီၤ.

1 ကရံၣ်သူး 13:6 Iomraidhean Croise

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

စံးထီၣ်ပတြၢၤ 119:136

ယမဲာ်ထံယွၤလီၤဝဲဒ်ထံကျိအသိး, မ့ၢ်လၢပှၤတတိၢ်န့ၢ်ဘၣ်နတၢ်သိၣ်တၢ်သီ အဃိန့ၣ်လီၤ.

လံာ်တၢ်ဟးထီၣ်ကွံာ် 18:9

ဒီးဖဲစီၤယံးသရိၤနၢ်ဟူတၢ်ဂ့ၢ်ခဲလၢာ်အံၤဒီးအဝဲအသးခု,

တၢ်ကတိၤဒိ. 14:9

ပှၤဟးဂီၤဖိမ့ၢ်မၤဒဲးဘးတၢ်ဒၣ်လဲာ်တပာ်ဝဲလၢတၢ်နီတမံၤဘၣ်. မ့မ့ၢ်ပှၤအဂ့ၤအဲၣ်ဒိးဝဲလၢတၢ်ကပျၢ်အတၢ်ကမၣ်လီၤ.

လံာ်ယံးရမံယၤ 13:17

သုမ့ၢ်တဒိကနၣ်တၢ်ဘၣ်ဒီး, ယကဟီၣ်ခူသူၣ်လၢသုတၢ်ပာ်ထီၣ်ထီသုသး အဃိလီၤ. ယကဟီၣ်ကယၢၤနးနးကလဲာ်ဒီးယမဲာ်ထံကယွၤလီၤဝဲ မ့ၢ်လၢယွၤအပှၤဂီၢ်မုၢ်ဘၣ်တၢ်စိာ်မၢကဲကုၢ်အီၤအဃိန့ၣ်လီၤ.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

လံာ်ဟိၤၡ့ 4:8

သုကဲဒိၣ်ထီၣ်လၢယပှၤဂီၢ်မုၢ်အတၢ်ဒဲးဘးတဖၣ်အဃိ, ဒီးလၢတၢ်န့ၣ်အဃိသုအဲၣ်ဒိးလၢအဝဲသ့ၣ်ကမၤတၢ်ဒဲးဘးအါထီၣ်အါ ထီၣ်န့ၣ်လီၤ.

လံာ်ဟိၤၡ့ 7:3

ယွၤစံးဝဲဒၣ်, ပှၤဂီၢ်မုၢ်တဖၣ်ကူၣ်လီဝဲစီၤပၤဒီးအပဒိၣ်ပပှၢ်တဖၣ် ခီဖျိတၢ်အၢတဖၣ်လၢအကူၣ်ထီၣ်ဖးလီၤဝဲဒၣ်လီၤ.

လံာ်မံကၤ 7:8

တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

လံာ်မးသဲ 18:13

တုၤအထံၣ်က့ၤဝဲဒီး, ယစံးဘၣ်တဲဘၣ်သုတၢ်မ့ၢ်တၢ်တီ, လၢအဝဲသးခုဝဲလၢသိတဒုအံၤအဃိ, ဒိၣ်န့ၢ်ဒံးသိခွံဆံခွံဒုလၢအတဟးဖျိးဘၣ်တဖၣ်အဃိတက့ၢ်လီၤ.

လံာ်လူၤကၣ် 22:5

အဝဲသ့ၣ်အသူၣ်ခုအသးခု, ဒီးအၢၣ်လီၤအီလီၤလၢအကဟ့ၣ်အီၤစ့လီၤ.

ရိမ့ၤ 1:32

အဝဲသ့ၣ် သ့ၣ်ညါဝဲလၢကစၢ်ယွၤအတၢ်သိၣ်တၢ်သီစံးဝဲလၢပှၤလၢအအိၣ် မူလၢကျဲဒ်အံၤန့ၣ်ကြၢးသံဝဲလီၤ. အန့ၣ်ဒၣ်လဲာ်, တမ့ၢ်ထဲအဝဲသ့ၣ်မၤထွဲတၢ်သ့ၣ်တဖၣ်အံၤဧိၤန့ၣ်ဘၣ်, မ့မ့ၢ်အဝဲသ့ၣ်ဘၣ်သူၣ်ဘၣ်သးလၢပှၤလၢအမၤတၢ်ဒ်အံၤ တဖၣ်န့ၣ်လီၤ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

ဖံလံးပံၤ 1:18

ဒ်လဲၣ်ဂ့ၤဒ်လဲၣ်ဂ့ၤန့ၣ်, တဘၣ်တၢ်နီတမံၤဘၣ်. ယသးခုယဲလၢတၢ်မၤတ့ၢ်အသးတဖၣ်အဃိလီၤ. တၢ်ပာ်သူၣ်ပာ်သးကမၣ်မ့ၢ်ဂ့ၤ, ဘၣ်မ့ၢ်ဂ့ၤ, ခရံာ်အဂ့ၢ်မ့ၢ်ဘၣ်တၢ်စံၣ်တဲၤတဲလီၤအီၤတသ့ဖဲအသ့လၢကျဲ တဘိဂ့ၤတဘိဂ့ၤန့ၣ်ဒီး, ယကသးခုဒံးယဲဆူညါန့ၣ်လီၤ.

ဖံလံးပံၤ 1:4

ဒီးတဘျီလၢ်လၢ်ဖဲယဃ့ဘါထုကဖၣ်တၢ်လၢသုဂီၢ်န့ၣ်, ယဘါထုကဖၣ်လၢတၢ်သးခုအပူၤ,

ဖံလံးပံၤ 3:18

ယစံးဘၣ်တဲဘၣ်တ့ၢ်လံသုတၢ်အံၤလၢအပူၤကွံာ်အါဘျီလံ. ဒီးခဲအံၤယစံးကဒီးယဲလၢမဲာ်ထံမဲာ်နိအပူၤန့ၣ်လီၤ. ပှၤအိၣ်ဝဲအါဒံအါဂၤလၢအတၢ်အိၣ်မူဒုးကဲထီၣ်အဝဲသ့ၣ်လၢ ခရံာ်အတၢ်သံလၢထူၣ်စုညါလိၤ, အဒုၣ်အဒါတဖၣ်န့ၣ်လီၤ.

၂ သ့းစၤလနံ 2:12

ဒီးပှၤကိးဂၤဒဲးလၢအတစူၢ်တနာ်တၢ်မ့ၢ်တၢ်တီ, မ့မ့ၢ်မုာ်လၤသးခုလၢတၢ်ဒဲးဘးအပူၤတဖၣ်ကဘၣ် တၢ်စံၣ်ညီၣ်အီၤအဂီၢ်န့ၣ်လီၤ.

၂ ယိၤဟၣ် 1:4

ယသးခုယဲဒိၣ်မးလၢယထံၣ်ဘၣ်နဖိနလံၤတနီၤအိၣ်မူ ဝဲဒၣ်လၢတၢ်မ့ၢ်တၢ်တီအပူၤဒ်ပၢ်မၤလိာ်တ့ၢ်ပှၤအသိး အဃိန့ၣ်လီၤ.