1 ကရံၣ်သူး 13:2 - Sgaw Karen Common Bible

² ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

1 ကရံၣ်သူး 13:2 Iomraidhean Croise

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

လံာ်မးသဲ 21:19

အဝဲထံၣ်ချၢၣ်ဒၢတထူၣ်လၢကျဲကပၤဒီးလဲၤဝဲဆူအခီၣ်ထံး, ဘၣ်ဆၣ်တထံၣ်န့ၢ်အသၣ်နီတဖျၢၣ်ဘၣ်, ထံၣ်ဝဲထဲအလၣ်ဧိၤလီၤ. ဒီးအဝဲစံးဘၣ်သ့ၣ်န့ၣ်, “မ်နသုတသၣ်ထီၣ်နီတဘျီလၢၤတဂ့ၤ.” တဘျီဃီချၢၣ်ဒၢတထူၣ်န့ၣ်ဃ့ထီကွံာ်ဝဲလီၤ.

လံာ်မးသဲ 21:21

ယ့ၣ်ၡူးစံးဆၢအဝဲသ့ၣ်ဒီးစံး, “နာ်ယၤတက့ၢ်. ယစံးဘၣ်တဲဘၣ်သု, သုမ့ၢ်အိၣ်ဒီးတၢ်နာ်ဒီးသုသးမ့ၢ်တဒ့ဒီဘၣ်န့ၣ်, တၢ်လၢယမၤဘၣ်ချၢၣ်ဒၢအံၤသုမၤကသ့ဒီးအါန့ၢ်အန့ၣ်သုမ့ၢ်စံးဘၣ် ကစၢၢ်အံၤ, ‘သုးကွံာ်နသးဒီးတ့ၢ်လီၤကွံာ်နသးဆူပီၣ်လဲၣ်ပူၤတက့ၢ်’ န့ၣ်, ကမၤအသးလီၤ.

မၤတၢ် 13:1

ဖဲအၣ်တံၤအီာ်အတၢ်အိၣ်ဖှိၣ်န့ၣ်, ဝံဒီးသရၣ်အိၣ်ဝဲဒၣ်တနီၤလၢအမံၤမ့ၢ်ဝဲစီၤဘၢ်နါဘၤ, စီၤစူၤမ့းအိၣ် (လၢပှၤကိးလၢပှၤသူဖံး), စီၤလူကံၤ (ပှၤကူၤရ့ၤန့ဖိ), စီၤမနၤအ့ၣ် (လၢအဘၣ်တၢ်လုၢ်ဒုးဒိၣ်ထီၣ်ဃုာ်အီၤဒီးပဒိၣ်ဖးဒိၣ်စီၤဟ့ၤရိာ်) ဒီးစီၤစီလူးန့ၣ်လီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 15:14

ယဒီပုၢ်ဝဲၢ်သ့ၣ်ဧၢ, ယကစၢ်ဒၣ်ယဲယနာ်လၢသုလၢပှဲၤဒီးတၢ်ဂ့ၤတၢ်ဝါ, ဒီးတၢ်သ့ၣ်ညါအိၣ်ပှဲၤသုပူၤ ဒီးသုသိၣ်လိလိာ်သုသးတဂၤ ဒီးတဂၤသ့ဝဲန့ၣ်လီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

1 ကရံၣ်သူး 11:4

လၢတၢ်န့ၣ်အဃိ, ပှၤပိာ်ခွါတဂၤလၢအဃ့ဘါထုကဖၣ်တၢ်, မ့တမ့ၢ်ကတိၤတၢ်လၢဝံအကျိာ်ဖဲပှၤဂီၢ်မုၢ်အတၢ်ဘူၣ်ထီၣ်ဘါ ထီၣ်အဆၢကတီၢ်, မ့ၢ်ဖၢၣ်ဘၢဃာ်အခိၣ်ဒီးမ့ၢ်အမၤဟးဂီၤ အခိၣ်, ခရံာ်အလၤကပီၤန့ၣ်လီၤ.

1 ကရံၣ်သူး 12:28

လၢတၢ်အိၣ်ဖှိၣ်အပူၤန့ၣ်, ကစၢ်ယွၤပာ်ပှၤကိးဂၤဒဲးလၢအလီၢ် အကျဲဒၣ်ဝဲလီၤ. အဆိကတၢၢ်ပှၤတၢ်မၢဖိတဖၣ်, ခံဖုတဖု, ဝံဧိၤမီၣ်ဧိၤတဖၣ်, သၢဖုတဖု, သရၣ်တဖၣ်, အန့ၣ်ဝံၤပှၤလၢအမၤတၢ်လီၤလးတဖၣ်, ဒီးပိာ်ထီၣ်အခံလၢပှၤဘၣ်တၢ်ဟ့ၣ်စိဟ့ၣ်ကမီၤအီၤ လၢကမၤဘျါက့ၤတၢ်, မ့တမ့ၢ်ကမၤစၢၤပှၤဂၤတဖၣ်, မ့တမ့ၢ်ကနဲၣ်န့ၢ်အဝဲသ့ၣ်အကျဲ, မ့တမ့ၢ်ကစံးကတိၤတၢ်လၢကျိာ်လၢပှၤနၢ်တပၢၢ်တဖၣ်န့ၣ်လီၤ.

1 ကရံၣ်သူး 13:1

ယကတိၤတၢ်လၢပှၤကညီအကျိာ်တဖၣ်ဒီးကလူးတဖၣ် အကျိာ်ဒၣ်လဲာ်မ့ၢ်သ့သနာ်က့, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး, ယတၢ်စံးတၢ်ကတိၤန့ၣ်ကမၤဒၣ်အသးဒ်မိၤအသီၣ်, မ့တမ့ၢ်စှၢၣ်စှံးလၢအသီၣ်ဝဲခြၣ်ခြၣ်အသိးန့ၣ်လီၤ.

1 ကရံၣ်သူး 13:3

ယမ့ၢ်ဟ့ၣ်လီၤကွံာ်တၢ်လၢအအိၣ်ဒီးယၤခဲလၢာ်, ဒီးယမ့ၢ်ဟ့ၣ်လီၤကွံာ်ဒၣ်လဲာ်ယနီၢ်ခိဒ်သိးပှၤ ကဆူးထီၣ်ကွံာ်အီၤလၢမ့ၣ်အူအဂီၢ်သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဘၣ်ဒီး, တမ့ၢ်အကမၤဂ့ၤယၤလၢတၢ်နီတမံၤဘၣ်.

1 ကရံၣ်သူး 13:8

တၢ်အဲၣ်တၢ်ကွံန့ၣ်မ့ၢ်တၢ်လၢအအိၣ်ကၢအိၣ်ခိးဝဲလီၤထူလီၤ ယိာ်လီၤ. တၢ်ကတိၤလၢဝံအကျိာ်တဖၣ်အိၣ်ဝဲ, ဘၣ်ဆၣ်ဒီး တၢ်သ့ၣ်တဖၣ်န့ၣ်မ့ၢ်ဒၣ်တၢ်တစိၢ်တလီၢ်လီၤ. တၢ်ဟ့ၣ်တဖၣ်လၢ အဘၣ်ဃးဒီးတၢ်ကတိၤလၢကျိာ်လၢပှၤတနၢ်ပၢၢ်အိၣ်ဝဲ, ဘၣ်ဆၣ်ဒီးတၢ်သ့ၣ်တဖၣ်န့ၣ်ကဆိကတီၢ်ဝဲဒၣ်လီၤ. တၢ်သ့ၣ်ညါနၢ်ပၢၢ်န့ၣ်အိၣ်ဝဲ, ဘၣ်ဆၣ်ဒီးကလဲၤပူၤကွံာ်ဝဲဒၣ် လီၤ.

1 ကရံၣ်သူး 14:29

ပှၤကတိၤတၢ်လၢဝံအကျိာ်ကဘၣ်အိၣ်ထဲခံဂၤမ့တမ့ၢ်သၢဂၤ, မ့မ့ၢ်ပှၤအဂၤတဖၣ်ကဘၣ်စံၣ်ညီၣ်ကွၢ်ဆိကမိၣ်ဘၣ်ဃးတၢ်လၢ အဝဲသ့ၣ်စံးကတိၤဝဲန့ၣ်လီၤ.

1 ကရံၣ်သူး 14:39

မၤသးဒ်န့ၣ်ဒီး, ယဒီပုၢ်ဝဲၢ်သ့ၣ်ဧၢ, ပာ်သုသးလၢသုကကတိၤတၢ်လၢဝံအကျိာ်တက့ၢ်. ဘၣ်ဆၣ်ဒီး, တဘၣ်တြီပှၤကတိၤတၢ်လၢပျ့ၤလီၤတိၢ်လီၤဆီတဖၣ်တဂ့ၤ.

1 ကရံၣ်သူး 14:4

ပှၤတဂၤလၢအကတိၤတၢ်လၢပျ့ၤလီၤဆီတဖၣ်န့ၣ်, မၤစၢၤလီၤက့ၤအသးဒၣ်ဝဲတဂၤဧိၤလီၤ. မ့မ့ၢ်ပှၤတဂၤလၢအကတိၤတၢ်လၢဝံအကျိာ်န့ၣ်မၤစၢၤတၢ်အိၣ် ဖှိၣ်ဒီဖုညါလီၤ.

1 ကရံၣ်သူး 15:51

ဒိကနၣ်တၢ်ဂ့ၢ်ဘၣ်ဃးတၢ်မ့ၢ်တၢ်တီလၢအမ့ၢ်တၢ်ခူသူၣ် တမံၤအံၤန့ၣ်တက့ၢ်. ပတသံပဝဲကိးဂၤဒဲးဘၣ်. မ့မ့ၢ်ဖဲကွဲၤသီၣ်ထီၣ်လၢခံကတၢၢ်န့ၣ်, ပကဘၣ်တၢ်လဲလိာ်ကွံာ်ပှၤလၢတစိၢ်ဖိအတီၢ်ပူၤ, ချ့သဒံးဒ်ပှၤဖျးပှၤမဲာ်ချံအသိးန့ၣ်လီၤ. အဂ့ၢ်ဒ်အံၤ, ဖဲကွဲၤသီၣ်ထီၣ်န့ၣ် ပှၤသံတဖၣ်ကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤ, ဒ်သိးအသုတသံလၢၤနီတဘျီတဂ့ၤ. ဒီးပဝဲကိးဒံကိးဂၤဒဲးပကဘၣ်တၢ်လဲလိာ်ကွံာ်ပှၤလီၤ.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

1 ကရံၣ်သူး 4:1

သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

1 ကရံၣ်သူး 7:19

အဂ့ၢ်ဒ်အံၤ, ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးတၢ်ကူးတရံး မ့ၢ်ဂ့ၤ, အခီပညီတအိၣ်တၢ်နီတမံၤဘၣ်. တၢ်လၢအကါဒိၣ်န့ၣ်, မ့ၢ်တၢ်ကစူၢ်ကစၢ်ယွၤအတၢ်မၤလိာ်တဖၣ်လီၤ.

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.

ကလၤတံ 5:16

တၢ်လၢယစံးမ့ၢ်တၢ်အံၤလီၤ. ပျဲယွၤအသးပၢဆှၢသုတၢ်အိၣ်မူ တဖၣ်တက့ၢ်. ဒီးသုတမၤလၢထီၣ်ပှဲၤထီၣ်သုဖံးသုညၣ်အတၢ်သူၣ် လီသးကွံတဖၣ်တဂ့ၤ.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

ကလၤတံ 6:3

ပှၤတဂၤဂၤမ့ၢ်ဆိကမိၣ်လီၤအသးလၢအမ့ၢ်တၢ်တမံၤမံၤဖဲ အဝဲနီၢ်နီၢ်တမ့ၢ်တၢ်နီတမံၤဘၣ်န့ၣ်, အဝဲလီလီၤဒၣ်အသးဒၣ်ဝဲန့ၣ်လီၤ.

အ့းဖ့းစူး 3:4

တုၤသုဖးဘၣ်တၢ်လၢယကွဲးအံၤဒီးသုကသ့ၣ်ညါဘၣ်ဃး ယတၢ်နၢ်ပၢၢ်ခရံာ်အတၢ်ခူသူၣ်အဂ့ၢ်န့ၣ်လီၤ.)

အ့းဖ့းစူး 6:19

ဃ့ထုကဖၣ်စ့ၢ်ကီးလၢယဂီၢ်, ဒ်သိးယွၤကဟ့ၣ်ယၤတၢ်ကစီၣ်ဖဲယအိၣ်ကတဲာ်ကတီၤ ယသးလၢယကကတိၤထီၣ်တၢ်အဆၢကတီၢ်ဒီးဒ်သိး ယကကတိၤဘၣ်တၢ်အိၣ်ဒီးတၢ်သးခူတလ့ၢ်သတးဒီး လီၣ်ဖျါထီၣ်တၢ်သးခုကစီၣ်အတၢ်ခူသူၣ်အဂီၢ်န့ၣ်တက့ၢ်.

ကလီးစဲ 1:26

အအံၤမ့ၢ်တၢ်ခူသူၣ်လၢယွၤပာ်ခူသူၣ်တ့ၢ်ဝဲလၢပှၤဟီၣ်ခိၣ်ဖိ အမဲာ်ညါလၢတၢ်အစိၤလၢအပူၤကွံာ်တဖၣ်, ဘၣ်ဆၣ်ဒီးခဲအံၤ လီၣ်ဖျါထီၣ်န့ၢ်လံအပှၤဂီၢ်မုၢ်န့ၣ်လံ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၁ ယိၤဟၣ် 4:8

မတၤတဂၤဂ့ၤတဂၤဂ့ၤလၢအတအဲၣ်တၢ်ကွံတၢ်န့ၣ်, တသ့ၣ်ညါကစၢ်ယွၤဘၣ်. အဂ့ၢ်ဒ်လဲၣ်န့ၣ်, ကစၢ်ယွၤမ့ၢ်တၢ်အဲၣ်တၢ်ကွံလီၤ.