1 ကရံၣ်သူး 12:8 - Sgaw Karen Common Bible

⁸ သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

1 ကရံၣ်သူး 12:8 Iomraidhean Croise

လံာ်စီၤနဃ့မယၤ 9:20

လၢနတၢ်ဂ့ၤတၢ်ဝါအပူၤန့ၣ်, နတဲဘၣ်အဝဲသ့ၣ်တၢ်လၢအ ကြၢးမၤဝဲ, နလုၢ်အီၣ်တ့ၢ်အဝဲသ့ၣ်လၢကိၣ်မၤနၤဒီးဟ့ၣ်အီၤထံလၢကအီဝဲ အဂီၢ်န့ၣ်လီၤ.

လံာ်စီၤယိၤဘး 32:8

ဘၣ်ဆၣ်တၢ်အံၤမ့ၢ်ယွၤသ့တၢ်လၢာ်ကစၢ်အသးလၢအဟဲ ဆူပှၤကညီတဖၣ်အအိၣ်ဒီးဟ့ၣ်အီၤလၢတၢ်ကူၣ်သ့န့ၣ်လီၤ.

စံးထီၣ်ပတြၢၤ 143:10

သိၣ်လိယၤဒ်သိးယကမၤတၢ်ဘၣ်နသးတက့ၢ်. အဂ့ၢ်ဒ်အံၤ, နမ့ၢ်ယကစၢ်ယွၤလီၤ. မ်နသးလၢအဂ့ၤန့ၣ်ဆှၢယၤလၢကျဲလၢ အမုာ်အပၢၤန့ၣ်တက့ၢ်.

လံာ်တၢ်ဟးထီၣ်ကွံာ် 31:3

ဒီးယမၤပှဲၤအီၤလၢယစိကမီၤလီၤ. ယဟ့ၣ်အီၤလီၤတၢ်သ့ၣ်ညါနၢ်ပၢၢ်, တၢ်သ့မၤတၢ်ဒီးတၢ်သ့တၢ်ဘၣ် ဘၣ်ဃးဒီးကယဲၢ်တၢ်သ့မၤတၢ်လၢစုတမံၤလၢ်လၢ်,

တၢ်ကတိၤဒိ. 2:6

ယွၤမ့ၢ်ဝဲပှၤလၢအဟ့ၣ်တၢ်ကူၣ်သ့, ဒီးတၢ်သ့ၣ်ညါဒီး တၢ်သူၣ်ဆးသးဆးဟဲလၢအအိၣ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယၡါယၤ 59:21

ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

မၤတၢ် 6:3

သတးဒီးဒီပုၢ်ဝဲၢ်သ့ၣ်ဧၢ, ဃုထၢထီၣ်ပှၤနွံဂၤလၢသုကျါ, လၢအဘၣ်တၢ်သ့ၣ်ညါအီၤဒ်အမ့ၢ်ပှၤတဖၣ်လၢအလၢပှဲၤဒီးသးစီ ဆှံဒီးတၢ်ကူၣ်သ့ဒီးပကပာ်လီၤမူဒါတခါအံၤလၢအဝဲသ့ၣ် အစုပူၤလီၤ.

ရိမ့ၤ 15:14

ယဒီပုၢ်ဝဲၢ်သ့ၣ်ဧၢ, ယကစၢ်ဒၣ်ယဲယနာ်လၢသုလၢပှဲၤဒီးတၢ်ဂ့ၤတၢ်ဝါ, ဒီးတၢ်သ့ၣ်ညါအိၣ်ပှဲၤသုပူၤ ဒီးသုသိၣ်လိလိာ်သုသးတဂၤ ဒီးတဂၤသ့ဝဲန့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 1:5

အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်သုသးတဖျၢၣ်ဃီဒီးခရံာ်အပူၤ န့ၣ်, သုထူးထီၣ်တီၤထီၣ်တ့ၢ်လၢတၢ်ကိးမံၤဒဲးအပူၤ, ဃုာ်ဒီးတၢ်စံးတၢ်ကတိၤခဲလၢာ်, ဒီးတၢ်သ့ၣ်ညါနၢ်ပၢၢ်ခဲလၢာ် န့ၣ်လီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

1 ကရံၣ်သူး 13:8

တၢ်အဲၣ်တၢ်ကွံန့ၣ်မ့ၢ်တၢ်လၢအအိၣ်ကၢအိၣ်ခိးဝဲလီၤထူလီၤ ယိာ်လီၤ. တၢ်ကတိၤလၢဝံအကျိာ်တဖၣ်အိၣ်ဝဲ, ဘၣ်ဆၣ်ဒီး တၢ်သ့ၣ်တဖၣ်န့ၣ်မ့ၢ်ဒၣ်တၢ်တစိၢ်တလီၢ်လီၤ. တၢ်ဟ့ၣ်တဖၣ်လၢ အဘၣ်ဃးဒီးတၢ်ကတိၤလၢကျိာ်လၢပှၤတနၢ်ပၢၢ်အိၣ်ဝဲ, ဘၣ်ဆၣ်ဒီးတၢ်သ့ၣ်တဖၣ်န့ၣ်ကဆိကတီၢ်ဝဲဒၣ်လီၤ. တၢ်သ့ၣ်ညါနၢ်ပၢၢ်န့ၣ်အိၣ်ဝဲ, ဘၣ်ဆၣ်ဒီးကလဲၤပူၤကွံာ်ဝဲဒၣ် လီၤ.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 14:6

လၢတၢ်န့ၣ်အဃိ, ဖဲယဟဲယဲဆူသုအိၣ်အဆၢကတီၢ်န့ၣ်, ယမ့ၢ်ကတိၤတၢ်လၢပျ့ၤလီၤဆီတဖၣ်ဒီး, ယဘျုးကအိၣ် ဝဲလၢသုဂီၢ်မနုၤတမံၤလဲၣ်. မ့တမ့ၢ်ယဟဲစိာ်န့ၢ်သုတၢ်လီၣ်ဖျါတမံၤမံၤလၢကစၢ် ယွၤအအိၣ်, မ့တမ့ၢ်တၢ်သ့ၣ်ညါနၢ်ပၢၢ်တမံၤမံၤ, မ့တမ့ၢ်တၢ်ကတိၤလၢဝံအကျိာ်, မ့တမ့ၢ်တၢ်သိၣ်လီၤသီလီၤတမံၤမံၤဒီးယဘျုးတအိၣ်နီ တမံၤဘၣ်.

1 ကရံၣ်သူး 2:11

တၢ်လၢအသ့ၣ်ညါပှၤကညီတဂၤအဂ့ၢ်အကျိၤခဲလၢာ်ခဲဆ့န့ၣ်, အိၣ်ဒၣ်ထဲအဝဲဒၣ်အသးလၢအအိၣ်လၢအဝဲဒၣ်အကံၢ်အလဲအပူၤ တမံၤဧိၤလီၤ. ဒ်န့ၣ်အသိး, ထဲယွၤအသးတမံၤဧိၤသ့ၣ်ညါတၢ်ခဲလၢာ်ခဲဆ့ဘၣ်ဃးဒီးကစၢ်ယွၤ အဂ့ၢ်န့ၣ်လီၤ.

1 ကရံၣ်သူး 2:16

ဒ်တၢ်ကွဲးအသးစီဆှံစံးဝဲအသိးန့ၣ်, “မ့ၢ်မတၤသ့ၣ်ညါကစၢ်အသးတဂၤလဲၣ်. မ့ၢ်မတၤဟ့ၣ်အီၤတၢ်ဟ့ၣ်ကူၣ်ဟ့ၣ်ဖးသ့တဂၤလဲၣ်.” မ့မ့ၢ်ပဝဲသ့ၣ်တဖၣ်, ပအိၣ်ဒီးခရံာ်အသးလီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 11:6

ဘၣ်တဘၣ်ယတမ့ၢ်ပှၤသ့စံးသ့ကတိၤတၢ်တဂၤသ့ၣ်သ့ၣ် လီၤ. ဘၣ်ဆၣ်ဒီးမ့မ့ၢ်လၢတၢ်သ့ၣ်ညါနၢ်ပၢၢ်တကပၤန့ၣ်, သပှၢ် ကတၢၢ်, တမ့ၢ်ဒ်န့ၣ်ဘၣ်. ပပာ်ဖျါထီၣ်တ့ၢ်တၢ်ဂ့ၢ်တမံၤအံၤဖျါဖျါလၢသုမဲာ်ညါ ထီဘိတဘိယူၢ်ဃီလၢဆၢကတီၢ်ကိးကတီၢ်ဒဲးအပူၤလီၤ.

၂ ကရံၣ်သူး 2:14

ဘၣ်ဆၣ်ဒီး, မ်ကစၢ်ယွၤဘၣ်တၢ်စံးဘျုးစံးထီၣ်ပတြၢၤ အီၤတက့ၢ်. အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်ပသးလၢခရံာ် အပူၤန့ၣ်, ပဘၣ်တၢ်ဆှၢပှၤတွၤပှၤထီဘိလၢကစၢ်ယွၤဒ် ပှၤဘၣ်စၢဃာ်လၢဖဲခရံာ်အတၢ်မၤနၢၤအတၢ်လဲၤထီၣ်အပူၤ အသိးန့ၣ်လီၤ. ကစၢ်ယွၤသူပှၤဒ်သိးအကရၤလီၤတၢ်သ့ၣ်ညါ ဘၣ်ဃးခရံာ်အဂ့ၢ်, လၢတၢ်လီၢ်ကိးပူၤဒဲးဒ်တၢ်နၢမူနၢဆှီ အသိးန့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

၂ ကရံၣ်သူး 6:6

လၢပတၢ်သးကဆှီ, တၢ်သ့ၣ်ညါ, တၢ်သးစူၤဒီးတၢ်သူၣ်ဂ့ၤသးဝါ အပူၤန့ၣ်, ပဒုးနဲၣ်ဖျါထီၣ်ပသးလၢပမ့ၢ်ကစၢ်ယွၤအခ့အပှၤ, လၢသးစီဆှံအပူၤ, လၢပတၢ်အဲၣ်နီၢ်နီၢ်အပူၤ,

၂ ကရံၣ်သူး 8:7

လၢတၢ်အိၣ်ဒီးသုခဲလၢာ်အပူၤ, လၢတၢ်စူၢ်တၢ်နာ်, တၢ်စံးတၢ်ကတိၤဒီးတၢ်သ့ၣ်ညါနၢ်ပၢၢ်အပူၤ, လၢသုတၢ် သးဆူၣ်မၤစၢၤတၢ်, ဒီးလၢသုတၢ်အဲၣ်ဘၣ်ပှၤအပူၤန့ၣ်, သုထူးဝဲတီၤဝဲဒိၣ်မးလီၤ. ဒီးလၢတၢ်န့ၣ်အဃိပအဲၣ်ဒိးလၢသုကအိၣ်ဒီးတၢ်သးအိၣ် အတၢ်ဟ့ၣ်တၢ်အါ, လၢတၢ်အဲၣ်အတၢ်ဖံးတၢ်မၤတမံၤအံၤ အပူၤစ့ၢ်ကီးန့ၣ်လီၤ.