1 ကရံၣ်သူး 12:25 - Sgaw Karen Common Bible

²⁵ ဒီးလၢတၢ်န့ၣ်အဃိ, တၢ်လီၤမုၢ်လီၤဖးတအိၣ်ဝဲလၢနီၢ်ခိအပူၤ ဘၣ်. မ့မ့ၢ်, က့ၢ်ဂီၤတဖၣ်ခဲလၢာ်အိၣ်ဒီးတၢ်ကွၢ်တၢ်လၢတမံၤဒီး တမံၤအဂီၢ်ပှဲၤသိးသိးလီၤ.

1 ကရံၣ်သူး 12:25 Iomraidhean Croise

1 ကရံၣ်သူး 12:24

မ့မ့ၢ်က့ၢ်ဂီၤလၢအဃံလၤဒိၣ်န့ၢ်အီၤတဖၣ်, တလိၣ်ဘၣ်တၢ်ကတဲာ်ကတီၤဒီးတၢ်အံးတၢ်ကွၢ်လီၤဆီဒ်အံၤ အသိးဘၣ်. ကစၢ်ယွၤအနီၢ်ကစၢ်ဒၣ်ဝဲပာ်ဖှိၣ်နီၢ်ခိအက့ၢ် အဂီၤလၢကျဲတဘိဒ်သိးအကဟ့ၣ်တၢ်လၤကပီၤဒိၣ်ဒၣ်တၢ် တက့ၢ်ဆူက့ၢ်ဂီၤလၢအလိၣ်ဘၣ်တၢ်လၤကပီၤဒ်န့ၣ်အသိး တဖၣ်လီၤ.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

1 ကရံၣ်သူး 3:3

အဂ့ၢ်ဒ်အံၤ, သုအိၣ်မူဒံးသုဝဲဒ်ပှၤလၢအဘၣ်ဃးဒီးဟီၣ်ခိၣ်တဘ့ၣ် အံၤအိၣ်မူဝဲအသိးလီၤ. ဖဲတၢ်သူၣ်က့ၣ်သးကါအိၣ်လၢသုသိးသုကျါ, ဒီးသုအ့ၣ်လိာ်ဆိးက့လိာ်သုသးတဂၤဒီးတဂၤန့ၣ်, မ့ၢ်အမၤဖျါထီၣ်လၢသုဘၣ်ဃးဒီးဟီၣ်ခိၣ်တဘ့ၣ်အံၤ, ဒီးသုအိၣ်မူသုဝဲဒ်အနီၣ်ထိၣ်အိၣ်ဝဲအသိးတမ့ၢ်ဘၣ်ဧါ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

၂ ကရံၣ်သူး 7:12

လၢတၢ်န့ၣ်အဃိယကွဲးတ့ၢ်ယဲလံာ်ပရၢတဘ့ၣ်န့ၣ်သနာ် က့, တမ့ၢ်လၢပှၤလၢအမၤကမၣ်တၢ်တဂၤအဃိမ့ၢ်ဂ့ၤ, မ့တမ့ၢ်ပှၤလၢအတူၢ်ဘၣ်တၢ်မၤကမၣ်အီၤအဃိမ့ၢ်ဂ့ၤ န့ၣ်ဘၣ်. မ့မ့ၢ်, ယကွဲးအီၤဒ်သိးယကပာ်ဖျါထီၣ်န့ၢ်သုဖျါဖျါလၢ ကစၢ်ယွၤအမဲာ်ညါ, လၢသုတၢ်ကျဲးစၢးဒီးတၢ်ဟ့ၣ်လီၤသုသးလၢပဂီၢ်ဒိၣ်ဝဲယိာ်ဝဲ နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

၂ ကရံၣ်သူး 8:16

ပစံးဘျုးကစၢ်ယွၤအဒိၣ်အအါလၢအဟ့ၣ်စီၤတံတူးတၢ်သး ဆူၣ်ဒ်ပှၤအသိး, လၢအကမၤစၢၤသုအဃိန့ၣ်လီၤ.