1 ကရံၣ်သူး 12:23 - Sgaw Karen Common Bible

²³ ဒီးက့ၢ်ဂီၤလၢပဆိကမိၣ်အလုၢ်အပှ့ၤတအိၣ်ကဲၣ်ဆိးတဖၣ်န့ၣ်, မ့ၢ်က့ၢ်ဂီၤတဖၣ်လၢပကတဲာ်ကတီၤဒီးမၤဘၣ်အီၤလၢတၢ်ပလီၢ် ပဒီဒိၣ်ဒၣ်တၢ်တက့ၢ်, ဖဲအက့ၢ်အဂီၤတဖၣ်လၢအတအိၣ်ဖျါဂ့ၤကဲၣ်ဆိး တဖၣ်န့ၣ်ပကတဲာ်ကတီၤဒီးမၤဘၣ်အီၤလၢတၢ်လီၤတံၢ်လီၤ ဆဲးလီၤဆီဒၣ်တၢ်အပူၤလီၤ.

1 ကရံၣ်သူး 12:23 Iomraidhean Croise

လံာ်တၢ်ကဲထီၣ်အခီၣ်ထံး 3:21

ဒီးယွၤ, ကစၢ်ယွၤမၤဆ့ကၤတဖၣ်လၢဆၣ်ဖိကီၢ်ဖိအဖံးလၢစီၤအၤဒၣ် ဒီးအမါအဂီၢ်ဒီးဒုးကူဒုးသိးထီၣ်အဝဲသ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 3:7

တဘျီဃီဖဲအီၣ်ဝဲဝံၤန့ၣ်ဒိးန့ၢ်ဘၣ်တၢ်သ့ၣ်ညါနၢ်ပၢၢ်ဒီး သ့ၣ်ညါထံလီၤက့ၤအသးလၢအဝဲသ့ၣ်အိၣ်ဘ့ၣ်ဆ့န့ၣ်လီၤ. လၢတၢ်န့ၣ်အဃိအဝဲသ့ၣ်ဆးပကိာ်ထီၣ်ချၢၣ်ဒၢအလၣ်ဒီးမၤဘံၣ်မၤဘၢအသးန့ၣ်လီၤ.

1 ကရံၣ်သူး 12:22

အခိၣ်တလိာ်, နီၢ်ခိအက့ၢ်အဂီၤတဖၣ်လၢအအိၣ်ဖျါဒ် အမ့ၢ်တၢ်ဂံၢ်စၢ်ဘါစၢ်တဖၣ်န့ၣ်, မ့ၢ်တအိၣ်ဒီးပအိၣ်တသ့ဘၣ်.

1 ကရံၣ်သူး 12:24

မ့မ့ၢ်က့ၢ်ဂီၤလၢအဃံလၤဒိၣ်န့ၢ်အီၤတဖၣ်, တလိၣ်ဘၣ်တၢ်ကတဲာ်ကတီၤဒီးတၢ်အံးတၢ်ကွၢ်လီၤဆီဒ်အံၤ အသိးဘၣ်. ကစၢ်ယွၤအနီၢ်ကစၢ်ဒၣ်ဝဲပာ်ဖှိၣ်နီၢ်ခိအက့ၢ် အဂီၤလၢကျဲတဘိဒ်သိးအကဟ့ၣ်တၢ်လၤကပီၤဒိၣ်ဒၣ်တၢ် တက့ၢ်ဆူက့ၢ်ဂီၤလၢအလိၣ်ဘၣ်တၢ်လၤကပီၤဒ်န့ၣ်အသိး တဖၣ်လီၤ.

၁ တံၤမသ့း 2:15

ဘၣ်ဆၣ်ဒီးပိာ်မုၣ်မ့ၢ်အိၣ်ဂၢၢ်ဆိးကျၢၤလၢတၢ်စူၢ် တၢ်နာ်, တၢ်အဲၣ်တၢ်ကွံ, ဒီးတၢ်စီတၢ်ဆှံအပူၤအိၣ်ဒီးတၢ်ပာ်သး သညူးသပှၢ်န့ၣ်, အဝဲကဘၣ်တၢ်အုၣ်က့ၤခီၣ်က့ၤအီၤခီဖျိလၢအအိၣ်ဖိအိၣ်လံၤ အဃိန့ၣ်လီၤ.

၁ တံၤမသ့း 2:9

ယသးအိၣ်စ့ၢ်ကီးလၢပိာ်မုၣ်တဖၣ်ကပာ်အသးသညူးသပှၢ်ဒီး ကပလီၢ်သူၣ်ပလီၢ်သးလၢအတၢ်ကူတၢ်သိးတဖၣ်ဒီးကကူ တၢ်ကၤတၢ်လၢအကြၢးအဘၣ်, ဒီးအသုတကယၢကယဲအခိၣ်လၢတၢ်သံၣ်ခိၣ်သူ, ဒီးတၢ်ဆှီးထီၣ်အခိၣ်လၢထူဧိၤလွဲဧိၤဒီးတၢ်မျၢ်ပလဲ တဖၣ်, ဒီးအသုတကူကၤတၢ်ကူတၢ်ကၤလၢအပှ့ၤဒိၣ် တဖၣ်တဂ့ၤ.