1 ကရံၣ်သူး 12:2 - Sgaw Karen Common Bible

² သုသ့ၣ်ညါသုဝဲလၢဖဲသုမ့ၢ်ဒံးပှၤသူခိၣ်ဖိအဆၢကတီၢ်န့ၣ်, သုဘၣ်တၢ်ဆှၢဖျိးသုလၢကျဲအါဘိအပူၤဆူတၢ်ဘါတၢ်ဂီၤ တၢ်ဖီၣ်လၢအသးသမူတအိၣ်တဖၣ်န့ၣ်လီၤ.

1 ကရံၣ်သူး 12:2 Iomraidhean Croise

စံးထီၣ်ပတြၢၤ 115:5

အဝဲသ့ၣ်အိၣ်ဒီးအထးခိၣ်, ဘၣ်ဆၣ်ကတိၤတၢ်တသ့ဘၣ်. အိၣ်ဒီးအမဲာ်ချံတဖၣ် ဘၣ်ဆၣ်ထံၣ်တၢ်တသ့ဘၣ်.

စံးထီၣ်ပတြၢၤ 115:7

အဝဲသ့ၣ်အိၣ်ဒီးအစုတဖၣ်, ဘၣ်ဆၣ်ကလၢၢ်ကွၢ်တၢ်တသ့ဘၣ်. အိၣ်ဒီးအခီၣ်တဖၣ် ဘၣ်ဆၣ်ဟးဝဲတသ့ဘၣ်. အဝဲသ့ၣ်မၤသီၣ်တၢ်အကလုၢ်တသ့ဘၣ်.

စံးထီၣ်ပတြၢၤ 135:16

အဝဲသ့ၣ်အိၣ်ဒီးအထးခိၣ်, ဘၣ်ဆၣ် ကတိၤတၢ်တသ့ဘၣ်. အဝဲသ့ၣ်အိၣ်ဒီးအမဲာ်ချံ, ဘၣ်ဆၣ် ထံၣ်တၢ်တသ့ဘၣ်

လံာ်ယၡါယၤ 46:7

အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ယံးရမံယၤ 10:5

တၢ်ဂီၤတၢ်ဖီၣ်ဒ်န့ၣ်အသိးတဖၣ်လီၤဂာ်ဒီးတၢ်ဂီၤတဖၣ်လၢအမၤပျံၤ ထိၣ်ဧိၤလံၣ်ဧိၤလၢတၢ်ပာ်လီၤအီၤလၢဒံမုၣ်သၣ်အပျီပူၤန့ၣ်လီၤ. အဝဲသ့ၣ်ကတိၤတၢ်တသ့ဘၣ်. အဝဲသ့ၣ်ဘၣ်တၢ်စိာ်ဆှၢအီၤ မ့ၢ်လၢဟးတသ့ဘၣ်အဃိလီၤ. ပျံၤအဝဲသ့ၣ်တဂ့ၤ, အဝဲသ့ၣ်မၤဘၣ်ဒိဘၣ်ထံးသုတသ့နီတမံၤဘၣ်. ဒီးအဝဲသ့ၣ်မၤဂ့ၤသုတသ့စ့ၢ်ကီးနီတမံၤဘၣ်.”

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

ကလၤတံ 4:8

လၢအပူၤကွံာ်န့ၣ်သုတသ့ၣ်ညါကစၢ်ယွၤဘၣ်. အဃိ, သုကဲကုၢ်လၢတၢ်လၢအတမ့ၢ်ကစၢ်ယွၤတဖၣ်အဖီ လာ်လီၤ.

၁ သ့းစၤလနံ 1:9

ပှၤခဲလၢာ်န့ၣ်စံးကတိၤတၢ်ဘၣ်ဃးသုတၢ်တူၢ်လိာ်မုာ်ပှၤဖဲ ပလဲၤအိၣ်သကိးသုအဆၢကတီၢ်, ဒီးဘၣ်ဃးသုတၢ်ဃၣ်ကွံာ်သုသးလၢတၢ်ဂီၤတၢ်ဖီၣ်ဒီးသုတၢ်ဃၣ် ကဒါက့ၤသုသးဆူကစၢ်ယွၤအအိၣ်, ဒ်သိးသုကမၤကစၢ်ယွၤလၢအတီဒီးမူဝဲတဂၤအတၢ်,

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.