1 ကရံၣ်သူး 12:11 - Sgaw Karen Common Bible

¹¹ ဘၣ်ဆၣ်ဒီး, ပှၤလၢအမၤတၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဝဲသးစီဆှံတဂၤဃီလီၤ. အဝဲဒၣ်ဟ့ၣ်ပှၤတဂၤဘၣ်တဂၤလၢတၢ်ဟ့ၣ်လီၤဆီတမံၤဒ် အသးအိၣ်မၤဝဲအသိးလီၤ.

1 ကရံၣ်သူး 12:11 Iomraidhean Croise

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်မးသဲ 11:26

မ့ၢ်လီၤပၢ်ဧၢ, တၢ်အံၤမ့ၢ်အမၤအသးဒ်နအဲၣ်ဒိးလၢအကမၤ အသးအသိးန့ၣ်လီၤ.

လံာ်မးသဲ 20:15

မ့ၢ်ယတအိၣ်ဘၣ်ဒီးတၢ်အခွဲးအယာ်လၢယကသူယကျိၣ်ယစ့ဒၣ်ယဲ, ဒ်ယသးအိၣ်အသိးဘၣ်ဧါ. မ့တမ့ၢ်ဘၣ်ဒီး, မ့ၢ်ယသးအိၣ်ဟ့ၣ်ညီတၢ်အဃိဒီး, နသးကါနဲစ့ၢ်ကီးဧါ.’

လံာ်ယိၤဟၣ် 3:27

စီၤယိၤဟၣ်စံးဆၢတၢ်ဒီးစံး, “ကစၢ်ယွၤမ့ၢ်တဟ့ၣ်လီၤတၢ်လၢအီၤဘၣ်ဒီး ပှၤဒိးန့ၢ်တၢ်တသ့နီတမံၤနီတဂၤဘၣ်.

လံာ်ယိၤဟၣ် 3:8

ကလံၤန့ၣ်ဖဲအမိၣ်အူအသးဒီးအူဝဲလီၤ. နနၢ်ဟူအသီၣ် ဘၣ်ဆၣ်ဟဲလၢလဲၣ်မ့တမ့ၢ်လဲၤဆူလဲၣ်န့ၣ်နတသ့ၣ်ညါဘၣ်. ပှၤကိးဂၤဒဲးလၢအအိၣ်ဖျဲၣ်လၢယွၤအသးန့ၣ်မၤအသးဒ်န့ၣ် အသိးလီၤ.”

လံာ်ယိၤဟၣ် 5:21

ဒ်ပၢ်ဒုးဂဲၤဆၢထၢၣ်သမူထီၣ်က့ၤပှၤလၢအသံတဖၣ် ဒီးဟ့ၣ်အဝဲသ့ၣ်လၢတၢ်မူအသိးန့ၣ်, ဖိခွါစ့ၢ်ကီးဟ့ၣ်တၢ်မူလၢပှၤလၢအသးအိၣ်ဟ့ၣ်ဝဲ တဖၣ်န့ၣ်လီၤ.

ရိမ့ၤ 12:6

လၢတၢ်န့ၣ်အဃိ ပကဘၣ်သူပတၢ်ဟ့ၣ်လၢအလီၤဆီ တဖၣ်ဒ်သိးကလီၤပလိာ်ဒီးတၢ်ဘျုးတၢ်ဖှိၣ်လၢကစၢ် ယွၤဟ့ၣ်လီၤပှၤန့ၣ်လီၤ. ပတၢ်ဟ့ၣ်မ့မ့ၢ်တၢ်စံၣ်တဲၤတဲလီၤ ယွၤအတၢ်ကစီၣ်ဒီး, ပကမၤအီၤလီၤပလိာ်ဒီးတၢ်နာ်လၢ အအိၣ်ဒီးပှၤန့ၣ်လီၤ.

ရိမ့ၤ 9:18

လၢတၢ်န့ၣ်အဃိ, ကစၢ်ယွၤသးကညီၤပှၤလၢအသးအိၣ်သး ကညီၤဝဲတဖၣ်, ဒီးမၤကိၤပှၤအသးဖဲအသးအိၣ်မၤဝဲန့ၣ်လီၤ.

1 ကရံၣ်သူး 12:18

ဘၣ်ဆၣ်ဒီးဒ်တၢ်မၤအသးအသိးန့ၣ်, ကစၢ်ယွၤပာ်က့ၢ်ဂီၤလီၤဆီတမံၤဘၣ်တမံၤလၢနီၢ်ခိအလိၤဒ် အသးအိၣ်မၤဝဲအသိးလီၤ.

1 ကရံၣ်သူး 12:4

သးစီဆှံအတၢ်ဟ့ၣ်န့ၣ်အိၣ်ဝဲဒၣ်အါကလုာ်အါမံၤ, ဘၣ်ဆၣ်ဒီးပှၤလၢအဟ့ၣ်တၢ်န့ၣ်မ့ၢ်ဝဲသးစီဆှံတဂၤဃီလီၤ.

1 ကရံၣ်သူး 12:6

တၢ်သ့တၢ်ဘၣ်လၢအဘၣ်ဃးဒီးတၢ်ဖံးတၢ်မၤတၢ်လၢယွၤ အဂီၢ်န့ၣ်, အိၣ်ဝဲဒၣ်အါကလုာ်အါမံၤ, ဘၣ်ဆၣ်ဒီးပှၤလၢ အဟ့ၣ်တၢ်သ့တၢ်ဘၣ်ဆူပှၤတဂၤဘၣ်တဂၤလၢအကမၤ တၢ်ဖံးတၢ်မၤလီၤဆီဆီတမံၤမံၤန့ၣ်, မ့ၢ်ဒၣ်ကစၢ်ယွၤတဂၤ ဃီလီၤ.

1 ကရံၣ်သူး 7:17

ပှၤတဂၤဘၣ်တဂၤကြၢးအိၣ်မူဝဲဆူညါ, လီၤပလိာ်ဒီးကစၢ်အတၢ်ဟ့ၣ်လၢအဟ့ၣ်အီၤ, ဒီးဒ်အအိၣ်မူတ့ၢ်ဝဲဖဲကစၢ်ယွၤကိးအီၤအဆၢကတီၢ်န့ၣ်လီၤ. အဝဲအံၤမ့ၢ်တၢ်ဘျၢလၢယသိၣ်လီၤသီလီၤယဲလၢတၢ်အိၣ်ဖှိၣ်ကိး ဖုဒဲးအပူၤလီၤ.

1 ကရံၣ်သူး 7:7

အနီၢ်နီၢ်တခီ, ယဆၢလၢသုဝဲကိးဂၤဒဲးသုကလီၤဂာ်ဒ်ယၤ အသိးလီၤ. ဘၣ်ဆၣ်ဒီးပှၤတဂၤဒီးတဂၤအိၣ်ဒီးအတၢ်ဟ့ၣ်လီၤ ဆီဒၣ်ဝဲလၢအဟဲလၢကစၢ်ယွၤအအိၣ်န့ၣ်လီၤ. တဂၤအိၣ်ဒီးတၢ်ဟ့ၣ်တမံၤအံၤ, အဂၤတဂၤအိၣ်ဒီးတၢ်ဟ့ၣ် အဝဲန့ၣ်တမံၤလီၤ.

၂ ကရံၣ်သူး 10:13

မ့မ့ၢ်ပဝဲသ့ၣ်တဖၣ်အံၤ, ပတၢ်ပာ်ကဖၢလၢပသးတလဲၤတလၢ ကွံာ်တၢ်အဆၢလၢအဘၣ်တၢ်ပာ်လီၤဃာ်အီၤန့ၣ်ဘၣ်. ကအိၣ်ဒၣ်ဝဲလၢပတၢ်ဖံးတၢ်မၤအကဝီၤပူၤ, ဒ်ကစၢ်ယွၤပာ်လီၤတ့ၢ်ဝဲလၢပဂီၢ်အသိး, ဒီးအဝဲအံၤပၣ်ဃုာ်ဒီးပတၢ်ဖံးတၢ်မၤလၢသုသိးသုကျါန့ၣ်လီၤ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 4:7

ဘၣ်ဆၣ်ဒီး, ပဝဲတဂၤစုာ်စုာ်ပဘၣ်တၢ်ဟ့ၣ်လီၤပှၤလၢတၢ်ဘျုး တၢ်ဖှိၣ်လီၤဆီဒ်ခရံာ်ဃီၣ်ဟ့ၣ်တၢ်အသိးန့ၣ်လီၤ.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.