1 ကရံၣ်သူး 12:10 - Sgaw Karen Common Bible

¹⁰ သးစီဆှံဟ့ၣ်ပှၤတဂၤတၢ်စိတၢ်ကမီၤလၢအကမၤတၢ်လီၤလးတဖၣ်, ပှၤအဂၤတဂၤ, တၢ်ဟ့ၣ်ဘၣ်ဃးတၢ်ကတိၤတၢ်လၢဝံအကျိာ်, ဒီးပှၤတဂၤဒၣ်တၢ်သ့တၢ်ဘၣ်လၢအကပဲာ်ဖးနီၤဖးတၢ်ဟ့ၣ်တဖၣ်လၢ အဟဲလၢသးစီဆှံအအိၣ်ဒီးတၢ်ဟ့ၣ်တဖၣ်လၢအတဟဲလၢသးစီဆှံ အအိၣ်န့ၣ်အတၢ်လီၤဆီလီၤ. ဆူပှၤတဂၤအအိၣ်န့ၣ်, အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ်တၢ်စံး ကတိၤလၢကျိာ်လၢပှၤတနၢ်ပၢၢ်အီၤတဖၣ်, ဒီးဆူပှၤတဂၤဒၣ် အဝဲဟ့ၣ်တၢ်သ့တၢ်ဘၣ်လၢအကတဲဖျါထီၣ်တၢ်လၢအဘၣ် တၢ်စံးကတိၤလၢကျိာ်လၢပှၤတနၢ်ပၢၢ်ဘၣ်တဖၣ်အခီပညီန့ၣ်လီၤ.

1 ကရံၣ်သူး 12:10 Iomraidhean Croise

လံာ်ယိၤအ့လး 2:28

တၢ်န့ၣ်ဝံၤအလီၢ်ခံဒီးယကလူလီၤယသးစီ ဆှံလၢပှၤကိးဂၤဒဲးအလိၤ, သုဖိခွါတဖၣ်ဒီးသုဖိမုၣ်တဖၣ်ကတဲဖျါယတၢ်ကစီၣ်, သုပှၤပိာ်ခွါသးပှၢ်တဖၣ်ကမံမီၢ်တၢ်, ဒီးသုပှၤပိာ်ခွါသးစၢ်တဖၣ်ကထံၣ်တၢ်လၢညါခီလီၤ.

လံာ်မၢ်ကူး 16:17

ပှၤလၢအနာ်တၢ်တဖၣ်ကဘၣ်တၢ်ဟ့ၣ်လီၤအီၤလၢတၢ်စိတၢ်ကမီၤလၢကမၤ တၢ်လီၤလးတဖၣ်အဂီၢ်လီၤ. အဝဲသ့ၣ်ကဟီထီၣ်ကွံာ်တၢ်နါလၢယမံၤ ဒီးကကတိၤတၢ်လၢကျိာ်လီၤဆီတဖၣ်လီၤ.

လံာ်မၢ်ကူး 16:20

အပျဲၢ်အဘီၣ်တဖၣ်လဲၤဝဲဒီးစံၣ်တဲၤတဲလီၤတၢ်လၢတၢ်လီၢ်ကိး ပူၤဒဲးလီၤ. ကစၢ်ယ့ၣ်ၡူးမၤသကိးတၢ်ဒီးအဝဲသ့ၣ်, ဒီးခီဖျိတၢ်လီၤလးလၢအဘၣ်တၢ်မၤအီၤတဖၣ်န့ၣ်, ကစၢ်မၤဖျါထီၣ်လၢတၢ်ကစီၣ်လၢအဝဲသ့ၣ်စံၣ်တဲၤတဲလီၤဝဲန့ၣ် မ့ၢ်တၢ်အဘၣ်ဒီးတီဝဲလီၤ.] [

လံာ်လူၤကၣ် 24:49

ဒီးယနီၢ်ကစၢ်ဒၣ်ယဲယကဆှၢလီၤတၢ်လၢယပၢ်စံးပာ်တ့ၢ်ဝဲတမံၤန့ၣ် လၢသုလိၤလီၤ. ဘၣ်ဆၣ်ဒီးသုကဘၣ်အိၣ်ခိးလၢဝ့ၢ်ပူၤ တုၤလၢတၢ်စိတၢ်ကမီၤလၢထးဟဲလီၤလၢသုလိၤတစုလီၤ.

လံာ်ယိၤဟၣ် 14:12

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအစူၢ်က့ၤနာ်က့ၤယၤန့ၣ် တၢ်မၤလၢယမၤန့ၣ်ကမၤဝဲဒီး, ကမၤတၢ်ဒိၣ်န့ၢ်တၢ်တဖၣ်အံၤ တက့ၢ်, မ့ၢ်လၢယကက့ၤဆူပၢ်အအိၣ်အဃိန့ၣ်လီၤ.

လံာ်ယိၤဟၣ် 16:13

မ့မ့ၢ်, ဖဲယွၤအသးလၢအလီၣ်ဖျါထီၣ်တၢ်မ့ၢ်တၢ်တီ ဘၣ်ဃးဒီးကစၢ်ယွၤန့ၣ်ဟဲဝဲဒီး, အဝဲကဒုးထံၣ်သ့ၣ်ညါသုလၢတၢ်မ့ၢ်တၢ်တီခဲလၢာ်န့ၣ်လီၤ. အဝဲတကတိၤတၢ်ဖဲအသးဒၣ်ဝဲဘၣ်. မ့မ့ၢ် အဝဲကစံးဘၣ်တဲဘၣ်သုတၢ်လၢအဝဲနၢ်ဟူဝဲဒီး ကစံးဘၣ်တဲဘၣ်သုတၢ်လၢအကမၤအသးတဖၣ်န့ၣ်လီၤ.

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 11:27

အကတီၢ်ဖဲန့ၣ်, ဝံတနီၤဟးထီၣ်လၢဝ့ၢ်ယရူၤၡလ့ၣ်ဒီးလဲၤဆူဝ့ၢ်အၣ် တံၤအီာ်န့ၣ်လီၤ.

မၤတၢ် 11:28

အဝဲသ့ၣ်အကျါတဂၤလၢအမံၤမ့ၢ် စီၤအကၤဘူးန့ၣ်ဂဲၤဆၢထၢၣ်, ဒီးစံးဆိပာ်တၢ်ခီဖျိယွၤအသးအစိကမီၤလၢတၢ်သၣ်ဝံၤလီၤဒိဖးဒိၣ် ကတုၤအိၣ်လၢဟီၣ်ခိၣ်ဒီဘ့ၣ်ညါန့ၣ်လီၤ. (အဝဲအံၤတုၤအိၣ်ဝဲဖဲစီၤကျီၤဒံကဲစီၤပၤဖးဒိၣ်အဆၢကတီၢ် န့ၣ်လီၤ.)

မၤတၢ် 19:6

စီၤပီလူးပာ်ထီၣ်အစုလၢအဝဲသ့ၣ်အခိၣ်လိၤ, ဒီးသးစီဆှံဟဲလီၤလၢအဝဲသ့ၣ်အလိၤ, ဒီးကတိၤတၢ်လၢကျိာ်လီၤတိၢ်လီၤဆီဒီးတဲဖျါထီၣ်စ့ၢ်ကီးတၢ် ကစီၣ်ဟဲလၢကစၢ်ယွၤအအိၣ်န့ၣ်လီၤ.

မၤတၢ် 5:3

စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်.

ရိမ့ၤ 12:6

လၢတၢ်န့ၣ်အဃိ ပကဘၣ်သူပတၢ်ဟ့ၣ်လၢအလီၤဆီ တဖၣ်ဒ်သိးကလီၤပလိာ်ဒီးတၢ်ဘျုးတၢ်ဖှိၣ်လၢကစၢ် ယွၤဟ့ၣ်လီၤပှၤန့ၣ်လီၤ. ပတၢ်ဟ့ၣ်မ့မ့ၢ်တၢ်စံၣ်တဲၤတဲလီၤ ယွၤအတၢ်ကစီၣ်ဒီး, ပကမၤအီၤလီၤပလိာ်ဒီးတၢ်နာ်လၢ အအိၣ်ဒီးပှၤန့ၣ်လီၤ.

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

1 ကရံၣ်သူး 11:4

လၢတၢ်န့ၣ်အဃိ, ပှၤပိာ်ခွါတဂၤလၢအဃ့ဘါထုကဖၣ်တၢ်, မ့တမ့ၢ်ကတိၤတၢ်လၢဝံအကျိာ်ဖဲပှၤဂီၢ်မုၢ်အတၢ်ဘူၣ်ထီၣ်ဘါ ထီၣ်အဆၢကတီၢ်, မ့ၢ်ဖၢၣ်ဘၢဃာ်အခိၣ်ဒီးမ့ၢ်အမၤဟးဂီၤ အခိၣ်, ခရံာ်အလၤကပီၤန့ၣ်လီၤ.

1 ကရံၣ်သူး 13:8

တၢ်အဲၣ်တၢ်ကွံန့ၣ်မ့ၢ်တၢ်လၢအအိၣ်ကၢအိၣ်ခိးဝဲလီၤထူလီၤ ယိာ်လီၤ. တၢ်ကတိၤလၢဝံအကျိာ်တဖၣ်အိၣ်ဝဲ, ဘၣ်ဆၣ်ဒီး တၢ်သ့ၣ်တဖၣ်န့ၣ်မ့ၢ်ဒၣ်တၢ်တစိၢ်တလီၢ်လီၤ. တၢ်ဟ့ၣ်တဖၣ်လၢ အဘၣ်ဃးဒီးတၢ်ကတိၤလၢကျိာ်လၢပှၤတနၢ်ပၢၢ်အိၣ်ဝဲ, ဘၣ်ဆၣ်ဒီးတၢ်သ့ၣ်တဖၣ်န့ၣ်ကဆိကတီၢ်ဝဲဒၣ်လီၤ. တၢ်သ့ၣ်ညါနၢ်ပၢၢ်န့ၣ်အိၣ်ဝဲ, ဘၣ်ဆၣ်ဒီးကလဲၤပူၤကွံာ်ဝဲဒၣ် လီၤ.

1 ကရံၣ်သူး 14:13

လၢတၢ်န့ၣ်အဃိပှၤတဂၤလၢအကတိၤတၢ်လၢပျ့ၤလီၤဆီတဖၣ် န့ၣ်ကဘၣ်ဃ့ဘါထုကဖၣ်တၢ်ဒ်သိးအကဒိးန့ၢ်ဘၣ်တၢ်ဟ့ၣ်လၢ အတဲဖျါထီၣ်အတၢ်ကတိၤအခီပညီန့ၣ်လီၤ.

1 ကရံၣ်သူး 14:39

မၤသးဒ်န့ၣ်ဒီး, ယဒီပုၢ်ဝဲၢ်သ့ၣ်ဧၢ, ပာ်သုသးလၢသုကကတိၤတၢ်လၢဝံအကျိာ်တက့ၢ်. ဘၣ်ဆၣ်ဒီး, တဘၣ်တြီပှၤကတိၤတၢ်လၢပျ့ၤလီၤတိၢ်လီၤဆီတဖၣ်တဂ့ၤ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.

လံာ်လီၣ်ဖျါ 2:2

ယသ့ၣ်ညါတၢ်လၢနမၤတ့ၢ်နဲတဖၣ်လီၤ. ယသ့ၣ်ညါဘၣ်ဃးနဖံးတၢ်မၤတၢ်ဆူၣ်ဆံးအါ, ဒီးနသူၣ်စူၤသးစူၤတ့ၢ်နဲဆံးအါအဂ့ၢ်လီၤ. ယသ့ၣ်ညါလၢနပျဲပှၤအၢပှၤသီတဖၣ်မၤဖဲအသးဒၣ်ဝဲန့ၣ် တကဲဘၣ်. ဒီးလၢနမၤကွၢ်တ့ၢ်နဲပှၤတဖၣ်လၢအစံးလၢ အမ့ၢ်ပှၤတၢ်မၢဖိတဖၣ်ဘၣ်ဆၣ်တမ့ၢ်ဘၣ်, ဒီးနသ့ၣ်ညါဘၣ်တ့ၢ်နဲလၢအဝဲသ့ၣ်မ့ၢ်ပှၤလီတၢ်ဖိတဖၣ် န့ၣ်လီၤ.