1 ကရံၣ်သူး 11:6 - Sgaw Karen Common Bible

⁶ ပိာ်မုၣ်တဂၤန့ၣ်မ့ၢ်တမၤဘၢဃာ်အခိၣ်ဒီး, ဂ့ၤတက့ၢ်လၢအကတံာ်ကွံာ်အခိၣ်သူလီၤ. ဒီးမ့ၢ်လၢပိာ်မုၣ်တဂၤကလူၤအခိၣ်, မ့တမ့ၢ်ကတံာ်ကွံာ်အခိၣ်သူအဂီၢ်မ့ၢ်တၢ်လီၤမဲာ်ဆှး တမံၤအဃိ, အဝဲဒၣ်ကြၢးဖၢၣ်ဘၢဃာ်အခိၣ်လီၤ.

1 ကရံၣ်သူး 11:6 Iomraidhean Croise

လံာ်တၢ်ဂံၢ် 5:18

ဒီးအဝဲကဘ့ၣ်လီၤပိာ်မုၣ်န့ၣ်အခိၣ်သူဒီးဒၢနုာ်လီၤတၢ်လုၢ် မၤဘူၣ်အကိၣ်ကမူၣ်န့ၣ်ဆူပိာ်မုၣ်အစုပူၤန့ၣ်လီၤ. ပှၤလုၢ်တၢ်အခိၣ်န့ၣ်ကဘၣ်ဟံးဃးလီခီလၢတၢ်ဒၢနုာ်ဃးတၢ်ခၣ်ထံ လၢအဟဲစိာ်တၢ်ဆိၣ်အၢတမံၤလၢအစုပူၤလီၤ.

မၤတၢ် 18:18

စီၤပီလူးအိၣ်ဒံးဝဲဖဲဝ့ၢ်ကရံၣ်သူးဒီးအပျဲၢ်အဘီၣ်တဖၣ် အါနံၤအါသီဝံၤအလီၢ်ခံ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဒီးဒိးထီၣ်ကဘီလၢ အလဲၤဆူကီၢ်စူၤရံဃုာ်ဒီးနီၢ်ပြံစကံးလၤဒီးစီၤအကူလၤန့ၣ်လီၤ. တချုးအဒိးထီၣ်ကဘီန့ၣ်, အဝဲဒၣ်အိၣ်ဒီးတၢ်ဆိၣ်လီၤ အသးဖဲဝ့ၢ်က့ၣ်ဃရ့းဒီးလူၤကျိကွံာ်အခိၣ်လီၤ.

1 ကရံၣ်သူး 11:5

ဒီးပှၤပိာ်မုၣ်တဂၤဂၤလၢအဃ့ဘါထုကဖၣ်, မ့တမ့ၢ်, ကတိၤတၢ်လၢဝံအကျိာ်ဖဲပှၤဂီၢ်မုၢ်အတၢ်ဘူၣ်ထီၣ်ဘါထီၣ်အဆၢ ကတီၢ်န့ၣ်မ့ၢ်တဖၢၣ်ဘၢဃာ်အခိၣ်လၢတၢ်နီတစဲးဒီးမ့ၢ်အမၤဟးဂီၤ အဝၤအလၤကပီၤလီၤ. အဝဲဒၣ်တလီၤဆီဒီးပိာ်မုၣ်လၢအခိၣ်သူဘၣ်တၢ်လူၤကွံာ်အီၤ တဂၤဘၣ်.

1 ကရံၣ်သူး 11:7

ပှၤပိာ်ခွါတဂၤန့ၣ်အလီၢ်တအိၣ်လၢအကဖၢၣ်ဘၢဃာ်အခိၣ် ဘၣ်. အဂ့ၢ်ဒ်အံၤ, အဝဲဒၣ်မၤဖျါထီၣ်ကဒါက့ၤအကစၢ်ယွၤ အက့ၢ်အဂီၤဒီးအလၤကပီၤန့ၣ်လီၤ. မ့မ့ၢ်, ပိာ်မုၣ်န့ၣ်မၤဖျါက့ၤပိာ်ခွါအလၤကပီၤလီၤ.

လံာ်သိၣ်လီၤသီလီၤတၢ် 22:5

ပှၤပိာ်မုၣ်တဘၣ်ကူသိးပှၤပိာ်ခွါအတၢ်ကူတၢ်သိး, ဒီးပှၤပိာ်ခွါတဖၣ်တဘၣ်ကူသိးပှၤပိာ်မုၣ်အတၢ်ကူတၢ်သိးဘၣ်. ယွၤ, သုကစၢ်ယွၤသးဟ့ပှၤဂီၢ်မုၢ်လၢအမၤတၢ်ဒ်န့ၣ်အသိးတဖၣ် လီၤ.