1 ကရံၣ်သူး 11:30 - Sgaw Karen Common Bible

³⁰ လၢတၢ်ဂ့ၢ်အဝဲန့ၣ်အဃိ, သုဝဲအါဒံအါဂၤသုဂံၢ်စၢ်ဘါစၢ်, ဒီးဆူးဝဲဆါဝဲ, ဒီးတနီၤသံကွံာ်ဝဲဒၣ်န့ၣ်လီၤ.

1 ကရံၣ်သူး 11:30 Iomraidhean Croise

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”

လံာ်တၢ်ဂံၢ် 20:12

ဘၣ်ဆၣ်ဒီးယွၤသိၣ်ဃီၣ်တ့ၢ်စီၤမိၤၡ့ဒီးစီၤအၤဟရိၣ်လီၤ. အဝဲစံးဝဲဒၣ်, “မ့ၢ်လၢသုတအိၣ်ဒီးတၢ်စူၢ်တၢ်နာ်လၢလၢပှဲၤပှဲၤလၢသုကသ့ၣ်ညါ နီၣ်ပာ်ကဲယစိယကမီၤစီဆှံလၢကီၢ်အံၣ်စရ့လးအပှၤဂီၢ်မုၢ်အမဲာ်ညါ အဃိဒီး, သုတဆှၢနုာ်ဘၣ်အဝဲသ့ၣ်ဆူကီၢ်တဘ့ၣ်အပူၤ, လၢယအၢၣ်လီၤတ့ၢ်ဒ်သိးယကဟ့ၣ်အီၤန့ၣ်ဘၣ်လီၤ.”

လံာ်တၢ်ဂံၢ် 20:24

“စီၤအၤဟရိၣ်န့ၣ်တဘၣ်လဲၤနုာ်ဆူကီၢ်တဘ့ၣ်လၢယအၢၣ်လီၤတ့ၢ် လၢယကဟ့ၣ်ပှၤအံၣ်စရ့လးဖိတဖၣ်န့ၣ်ဘၣ်လီၤ. အဝဲကသံလီၤ. အဂ့ၢ်ဒ်အံၤ, သုဝဲခံဂၤလိာ်သုပူထီၣ်ထီဒါယတၢ်မၤလိာ်ဖဲမရံၤဘါန့ၣ်လီၤ.

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

မၤတၢ် 7:60

အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

1 ကရံၣ်သူး 11:29

အဂ့ၢ်ဒ်အံၤ, အဝဲဒၣ်မ့ၢ်တသ့ၣ်ညါတၢ်အခီပညီဘၣ်ဃးဒီး ကစၢ်အနီၢ်ခိဖဲအအီၣ်ကိၣ်ဒီးအီတၢ်လၢလီခီအပူၤန့ၣ်, အဝဲဒၣ်ဒုးတုၤလီၤတၢ်စံၣ်ညီၣ်လၢအနီၢ်ကစၢ်ဒၣ်ဝဲအလိၤဖဲ အအီၣ်တၢ်ဒီးအီတၢ်အဆၢကတီၢ်န့ၣ်လီၤ.

1 ကရံၣ်သူး 11:31

ပမ့ၢ်သမံသမိးဆိလီၤက့ၤပသးဒီး, တမ့ၢ်လၢပကဘၣ်ယွၤ အတၢ်စံၣ်ညီၣ်ဘၣ်.

1 ကရံၣ်သူး 11:32

ဘၣ်ဆၣ်ဒီးပဘၣ်တၢ်စံၣ်ညီၣ်ဒီးသိၣ်ဃီၣ်ပှၤလၢကစၢ်, ဒ်သိးပသုတဘၣ်တၢ်စံၣ်ညီၣ်ဃုာ်ပှၤတပူၤဃီဒီးဟီၣ်ခိၣ် တဂ့ၤအဂီၢ်န့ၣ်လီၤ.

1 ကရံၣ်သူး 15:51

ဒိကနၣ်တၢ်ဂ့ၢ်ဘၣ်ဃးတၢ်မ့ၢ်တၢ်တီလၢအမ့ၢ်တၢ်ခူသူၣ် တမံၤအံၤန့ၣ်တက့ၢ်. ပတသံပဝဲကိးဂၤဒဲးဘၣ်. မ့မ့ၢ်ဖဲကွဲၤသီၣ်ထီၣ်လၢခံကတၢၢ်န့ၣ်, ပကဘၣ်တၢ်လဲလိာ်ကွံာ်ပှၤလၢတစိၢ်ဖိအတီၢ်ပူၤ, ချ့သဒံးဒ်ပှၤဖျးပှၤမဲာ်ချံအသိးန့ၣ်လီၤ. အဂ့ၢ်ဒ်အံၤ, ဖဲကွဲၤသီၣ်ထီၣ်န့ၣ် ပှၤသံတဖၣ်ကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤ, ဒ်သိးအသုတသံလၢၤနီတဘျီတဂ့ၤ. ဒီးပဝဲကိးဒံကိးဂၤဒဲးပကဘၣ်တၢ်လဲလိာ်ကွံာ်ပှၤလီၤ.

၁ သ့းစၤလနံ 4:14

ပနာ်လၢယ့ၣ်ၡူးသံဒီးဂဲၤဆၢထၢၣ်သမူထီၣ်က့ၤလီၤ. ဒ်န့ၣ်အသိး, ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးအပူၤတဖၣ်န့ၣ်, ကစၢ်ယွၤကဒုးဂဲၤဆၢထၢၣ်က့ၤအဝဲသ့ၣ်ဃုာ်ဒီးအီၤန့ၣ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.