1 ကရံၣ်သူး 11:3 - Sgaw Karen Common Bible

³ ဘၣ်ဆၣ်ဒီးယအဲၣ်ဒိးသုကနၢ်ပၢၢ်လၢခရံာ်မ့ၢ်ပှၤပိာ်ခွါကိး ဂၤဒဲးအခိၣ်, ဝၤမ့ၢ်မါအခိၣ်, ဒီးကစၢ်ယွၤမ့ၢ်ခရံာ်အခိၣ်န့ၣ်လီၤ.

1 ကရံၣ်သူး 11:3 Iomraidhean Croise

လံာ်တၢ်ကဲထီၣ်အခီၣ်ထံး 3:16

ဒီးအဝဲစံးဘၣ်ပိာ်မုၣ်, “ယကမၤအါထီၣ်နတၢ်ကိၢ်တၢ်ဂီၤလၢနတၢ် ဒံၣ်ထီၣ်ဒၢထီၣ်အပူၤဒီးနတၢ်ဆိးကဲးလၢတၢ်ဆံးစၢ်ထီၣ်နဖိ အပူၤန့ၣ်လီၤ. တၢ်အံၤဒၣ်လဲာ်န့ၣ်နသးကအိၣ်ဒံးနဝၤဒီးအဝဲဒၣ်ကပၢနၤလီၤ.”

လံာ်ယၡါယၤ 52:13

ယွၤစံးဝဲ, “ယခ့ယပှၤကမၤန့ၢ်မၤနၢၤတၢ်လၢအတၢ်မၤအပူၤ, ဒီးအဝဲဒၣ်ကဘၣ်တၢ်မၤလၤကပီၤအီၤဒိၣ်ဒိၣ်ကလဲာ်ဒီးပာ်အီၤလၢ တၢ်စိတၢ်ကမီၤကိးမံၤဒဲးအဖီခိၣ်လီၤ.

လံာ်ယၡါယၤ 55:4

ယဒုးကဲထီၣ်အီၤလၢခိၣ်နၢ်တဂၤဒီးပှၤကလုာ်တဖၣ်အသုးခိၣ်ဖးဒိၣ်, ဒီးခီဖျိအီၤန့ၣ်ယဒုးနဲၣ်အဝဲသ့ၣ်လၢ ယတၢ်စိတၢ်ကမီၤလီၤ.

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်ယိၤဟၣ် 14:28

သုနၢ်ဟူလံယစံးဘၣ်သု, ‘ယကလဲၤတၢ်ဘၣ်ဆၣ် ယကဟဲက့ၤကဒါက့ၤဆူသုအိၣ်လီၤ.’ သုမ့ၢ်အဲၣ်ယၤဒီး, သုကသးခုလၢယကလဲၤဆူပၢ်အအိၣ် အဃိလီၤ. အဂ့ၢ်ဒ်အံၤ, ပၢ်ဒိၣ်န့ၢ်ယၤတက့ၢ်လီၤ.

1 ကရံၣ်သူး 3:23

ဒီးသုမ့ၢ်ခရံာ်အတၢ်, ဒီးခရံာ်မ့ၢ်ယွၤအတၢ်လီၤ.

အ့းဖ့းစူး 4:15

မ့မ့ၢ်ခီဖျိပစံးကတိၤတၢ်မ့ၢ်တၢ်တီလၢတၢ်အဲၣ်တၢ်ကွံအပူၤ န့ၣ်, ပကဘၣ်ဒိၣ်ထီၣ်ကိးကပၤဒဲးဆူအဝဲဒၣ်လၢအမ့ၢ်တၢ် အခိၣ်, ခရံာ်အပူၤလီၤ.

ကလီးစဲ 1:18

ခရံာ်မ့ၢ်တၢ်အိၣ်ဖှိၣ်အခိၣ်ဒီးတၢ်အိၣ်ဖှိၣ်မ့ၢ်ခရံာ်အနီၢ်ခိလီၤ. အဝဲမ့ၢ်နီၢ်ခိအံၤအတၢ်မူအခီၣ်ထံးခီၣ်ဘိလီၤ. ခရံာ်မ့ၢ်ယွၤ အဖိဝဲၢ်ကိလၢအဘၣ်တၢ်ဒုးဂဲၤဆၢထၢၣ်က့ၤအီၤလၢတၢ်သံ အဆိကတၢၢ်, ဒ်သိးဒီးအဝဲကဒိၣ်စိလၢတၢ်ခဲလၢာ်အဖီခိၣ် အဂီၢ်န့ၣ်လီၤ.

ကလီးစဲ 2:10

လၢသုအိၣ်မူလၢခရံာ်လၢအဒိၣ်စိလၢပှၤပၢတၢ်တဖၣ်ဒီး တၢ်စိတၢ်ကမီၤကိးမံၤဒဲးဘၣ်ဃးဒီးသူၣ်ဒီးသးအဖီခိၣ် တဂၤအံၤအပူၤအဃိန့ၣ်, သုဘၣ်တၢ်ဟ့ၣ်လီၤသုလၢတၢ်မူ အလၢအပှဲၤန့ၣ်လီၤ.

ကလီးစဲ 2:19

ပှၤဒ်အံၤတဖၣ်တဟံးဃာ်လၢၤခရံာ်လၢအမ့ၢ်တၢ်အခိၣ်, လၢအပၢနီၢ်ဒီဂၤညါ, ဟ့ၣ်ဂံၢ်ဟ့ၣ်ဘါဒီးဟံးဃာ်အီၤတပူၤဃီခီဖျိအဆၢဒီးအထူၣ် အပျၢ်တဖၣ်ဒီးလၢအဒုးဒိၣ်ထီၣ်နီၢ်ခိဒ်ယွၤအဲၣ်ဒိးဝဲအသိး, န့ၣ်လၢၤဘၣ်.

ကလီးစဲ 3:18

မါသ့ၣ်ဧၢ, ဒိးပၢသုသးလၢသုဝၤတက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢသုကြၢးမၤဝဲဒ်ပှၤခရံာ်ဖိတဖၣ်အသိး န့ၣ်လီၤ.

၁ ပ့းတရူး 3:1

ဒ်န့ၣ်အသိးသုဝဲမါတဖၣ်သုကဘၣ်ဒိးပၢဒိးဆှၢသုသးလၢ သုဝၤတဖၣ်, ဒ်သိးအဝဲသ့ၣ်တဂၤဂၤမ့ၢ်တနာ်ယွၤအကလုၢ် ကထါဒီး, သုသကဲာ်ပဝးကထုးန့ၢ်က့ၤအဝဲသ့ၣ်လၢကစူၢ် က့ၤနာ်က့ၤတၢ်အဂီၢ်လီၤ. တလိၣ်သုကတိၤတၢ်နီတဘီဒၣ်လဲာ်ဘၣ်.