1 ကရံၣ်သူး 11:27 - Sgaw Karen Common Bible

²⁷ လၢတၢ်န့ၣ်အဃိပှၤတဂၤလၢအအီၣ်ကစၢ်အကိၣ်, ဒီးအီတၢ်လၢအလီခီပူၤလၢကျဲလၢအမၤဟးဂီၤအဝဲဒၣ် အလၤကပီၤန့ၣ်, အဝဲဒၣ်မၤကမၣ်ဘၣ်ကစၢ်အနီၢ်ခိဒီးအသွံၣ်လီၤ.

1 ကရံၣ်သူး 11:27 Iomraidhean Croise

လံာ်တၢ်ဂံၢ် 9:13

ဘၣ်ဆၣ်ဒီးပှၤတဂၤလၢ်လၢ်လၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးတအိၣ်ယံၤဘၣ်လၢတၢ်လဲၤတၢ်က့ၤ အဃိဘၣ်ဒီးမ့ၢ်ပှၤလၢတတိၢ်န့ၢ်ဘၣ်ဘူၣ်လဲၤကပာ်န့ၣ်တဘၣ် တၢ်ပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်, မ့ၢ်လၢအဝဲတလုၢ်ထီၣ်ဘၣ်တၢ်လုၢ်မၤဘူၣ်ဆူယအိၣ်ဘၣ်ဖဲဆၢ ကတီၢ်လၢအဘၣ်တၢ်ပာ်လီၤအီၤဘၣ်အဃိန့ၣ်လီၤ. အဝဲကဘၣ်တူၢ်တၢ်ဒ်အကြၢးဝဲဘၣ်ဝဲဒီးအတၢ်ဒဲးဘးအသိးန့ၣ် လီၤ.

လံာ်မးသဲ 22:11

ဘၣ်ဆၣ်ဒီး, တုၤစီၤပၤဟဲနုာ်ကွၢ်ပှၤသမှံၤတဖၣ်အံၤဒီး, ထံၣ်ဝဲပှၤတဂၤလၢအတကူတသိးဘၣ်တၢ်ဖျီမူးအကူ အသိးဘၣ်လီၤ.

လံာ်ယိၤဟၣ် 6:51

ယဲဒၣ်အံၤယမ့ၢ်ကိၣ်မူလၢအဟဲလီၤလၢမူခိၣ် န့ၣ်လီၤ. ပှၤတဂၤလၢ်လၢ်လၢအအီၣ်ကိၣ်အံၤန့ၣ်, ကမူဝဲလီၤထူလီၤယိာ်န့ၣ်လီၤ. ကိၣ်လၢယကဟ့ၣ်လီၤအီၤ န့ၣ်, မ့ၢ်ယညၣ်လၢယဟ့ၣ်လီၤလၢပှၤဟီၣ်ခိၣ်ဖိကမူဝဲအဂီၢ် န့ၣ်လီၤ.”

1 ကရံၣ်သူး 10:21

သုကအီတၢ်လၢကစၢ်အလီခီပူၤဝံၤသုကအီတၢ်လၢတၢ်နါ အလီခီပူၤတသ့ဘၣ်. သုကအီၣ်သကိးတၢ်ဒီးကစၢ်ဝံၤသုကအီၣ်သကိးတၢ်ဒီးတၢ်နါ တသ့ဘၣ်.

1 ကရံၣ်သူး 11:29

အဂ့ၢ်ဒ်အံၤ, အဝဲဒၣ်မ့ၢ်တသ့ၣ်ညါတၢ်အခီပညီဘၣ်ဃးဒီး ကစၢ်အနီၢ်ခိဖဲအအီၣ်ကိၣ်ဒီးအီတၢ်လၢလီခီအပူၤန့ၣ်, အဝဲဒၣ်ဒုးတုၤလီၤတၢ်စံၣ်ညီၣ်လၢအနီၢ်ကစၢ်ဒၣ်ဝဲအလိၤဖဲ အအီၣ်တၢ်ဒီးအီတၢ်အဆၢကတီၢ်န့ၣ်လီၤ.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.