1 ကရံၣ်သူး 11:2 - Sgaw Karen Common Bible

² ယစံးထီၣ်ပတြၢၤသုလီၤ. အဂ့ၢ်ဒ်အံၤ, ထီဘိန့ၣ်သုသ့ၣ်နီၣ် ထီၣ်ယၤဒီးပိာ်ထွဲတၢ်သိၣ်လီၤသီလီၤလၢယဟ့ၣ်လီၤတ့ၢ်ယဲဆူ သုအိၣ်တဖၣ်လီၤ.

1 ကရံၣ်သူး 11:2 Iomraidhean Croise

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

1 ကရံၣ်သူး 11:17

မ့မ့ၢ်, ဖဲလၢအဘၣ်ဃးဒီးတၢ်သိၣ်လိနဲၣ်ကျဲလၢလာ်တဖၣ်န့ၣ်, ယတစံးထီၣ်ပတြၢၤသုဘၣ်. အဂ့ၢ်ဒ်အံၤ, သုတၢ်အိၣ်ဖှိၣ်ဘူၣ် သကိးဘါသကိးတၢ်န့ၣ်, မၤအၢတၢ်နီၢ်နီၢ်အါန့ၢ်အမၤဂ့ၤတၢ်နီၢ်နီၢ် တက့ၢ်လီၤ.

1 ကရံၣ်သူး 11:22

မ့ၢ်သုတအိၣ်ဒီးသုဟံၣ်သုဃီဒၣ်သုဝဲလၢသုကအီၣ်တၢ် အီတၢ်လၢအပူၤဘၣ်ဧါ. မ့တမ့ၢ်ဘၣ်ဒီး, မ့ၢ်သုကကွၢ်တလီၤယွၤအတၢ်အိၣ်ဖှိၣ်, ဒီးဒုးမဲာ်ဆှးပှၤလိၣ်ဘၣ်တၢ်မၤစၢၤတဖၣ်န့ၣ်ဧါ. ဘၣ်ဃးဒီးတၢ်တမံၤအံၤအဂ့ၢ်န့ၣ်မ့ၢ်သုမုၢ်လၢ်လၢယကစံး ယဲဒ်လဲၣ်. မ့ၢ်ယကစံးထီၣ်ပတြၢၤသုဧါ. သပှၢ်ကတၢၢ်ယတမၤဘၣ်.

1 ကရံၣ်သူး 15:2

အဝဲန့ၣ်မ့ၢ်တၢ်သးခုကစီၣ်, တၢ်ကစီၣ်လၢယစံၣ်တဲၤတဲလီၤ ယဲဆူသုအိၣ်န့ၣ်လီၤ. မ့တမ့ၢ်လၢသုစူၢ်သုနာ်ကလီကလီ တၢ်ဘၣ်ဒီးသုမ့ၢ်ဟံးဃာ်တၢ်သးခုကစီၣ်အံၤကျၢၤကျၢၤန့ၣ်, သုဒိးန့ၢ်ဘၣ်တၢ်အုၣ်က့ၤခီၣ်က့ၤလၢအီၤလီၤ.

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

1 ကရံၣ်သူး 7:17

ပှၤတဂၤဘၣ်တဂၤကြၢးအိၣ်မူဝဲဆူညါ, လီၤပလိာ်ဒီးကစၢ်အတၢ်ဟ့ၣ်လၢအဟ့ၣ်အီၤ, ဒီးဒ်အအိၣ်မူတ့ၢ်ဝဲဖဲကစၢ်ယွၤကိးအီၤအဆၢကတီၢ်န့ၣ်လီၤ. အဝဲအံၤမ့ၢ်တၢ်ဘျၢလၢယသိၣ်လီၤသီလီၤယဲလၢတၢ်အိၣ်ဖှိၣ်ကိး ဖုဒဲးအပူၤလီၤ.

၁ သ့းစၤလနံ 1:6

သုတူၢ်ဘၣ်တၢ်မၤအၢမၤနးသုအဒိၣ်အမုၢ်နာ်သက့, သုတူၢ်လိာ်တၢ်သးခုအကစီၣ်လၢတၢ်သးခုလၢ သုဒိးန့ၢ်ဘၣ်လၢသးစီဆှံအအိၣ်သတးဒီး, သုကဲထီၣ်ပှၤကွၢ်လိမၤဒိးပှၤဒီးကစၢ်န့ၣ်လီၤ.

၁ သ့းစၤလနံ 3:6

မ့မ့ၢ်ခဲကနံၣ်အံၤ, စီၤတံၤမသ့းဟဲက့ၤတုၤလံ, ဒီးအဝဲဒၣ်ဟဲက့ၤစိာ်တၢ်ကစီၣ်အမုာ်ဘၣ်ဃးသုတၢ်စူၢ် တၢ်နာ်ဒီးသုတၢ်အဲၣ်တၢ်ကွံအဂ့ၢ်န့ၣ်လီၤ. အဝဲဒၣ်စံးဘၣ်ပှၤလၢသုသ့ၣ်နီၣ်ထီၣ်ပှၤထီဘိလၢတၢ်သူၣ်မုာ် သးမုာ်အပူၤဒီးလၢသုဆၢထံၣ်ဘၣ်ပှၤထဲသိးဒီးပဆၢ ထံၣ်ဘၣ်သုန့ၣ်လီၤ.

၂ သ့းစၤလနံ 2:15

လၢတၢ်န့ၣ်အဃိပဒီပုၢ်ဝဲၢ်သ့ၣ်ဧၢ, ဆၢထၢၣ်ကျၢၤကျၢၤ ဒီးဟံးဃာ်တၢ်မ့ၢ်တၢ်တီသ့ၣ်တဖၣ်လၢပသိၣ်လီၤသီလီၤ တ့ၢ်သုလၢပတၢ်စံၣ်တဲၤတဲလီၤအပူၤ, ဒီးလၢပလံာ်ပရၢအပူၤစ့ၢ်ကီးန့ၣ်တက့ၢ်.

၂ သ့းစၤလနံ 3:6

ပဒီပုၢ်ဝဲၢ်သ့ၣ်ဧၢ, ပမၤလိာ်သုလၢပကစၢ်ယ့ၣ်ၡူးခရံာ်အမံၤ အပူၤ, ဒ်သိးသုကဟးဆှဲးဒီပုၢ်ဝဲၢ်လၢအအိၣ်ကၢၣ်အိၣ်ကျူဒီး တမၤဘၣ်ဒ်ပတၢ်သိၣ်လိနဲၣ်ယုၤသုအသိးဘၣ်တဖၣ်န့ၣ်လီၤ.