1 ကရံၣ်သူး 11:19 - Sgaw Karen Common Bible

¹⁹ သပှၢ်ကတၢၢ်တၢ်လီၤမုၢ်လီၤဖးကအိၣ်ဝဲဒၣ်လၢသုသိးသုကျါ, ဒ်သိးပှၤလၢအဂ့ၤအဝါတဖၣ်ကဘၣ်တၢ်ထံၣ်သ့ၣ်ညါအီၤဖျါဖျါ အဂီၢ်န့ၣ်လီၤ.

1 ကရံၣ်သူး 11:19 Iomraidhean Croise

လံာ်မးသဲ 18:7

ဟီၣ်ခိၣ်ဘၣ်အဖှီၣ်လၢတၢ်အိၣ်ဝဲတနီၤလၢအမၤဟးဂီၤပှၤကညီ အတၢ်စူၢ်တၢ်နာ်ယွၤန့ၣ်လီၤ. တၢ်ဒ်သိးအံၤကအိၣ်ဒၣ်ထီဘိလီၤ. ဘၣ်ဆၣ်ဒီး, ပှၤလၢအဒုးအိၣ်ထီၣ်တၢ်တဖၣ်အံၤတဂၤန့ၣ်, ကဘၣ်အဖှီၣ်ဆံးဒိၣ်လဲၣ်.

လံာ်လူၤကၣ် 17:1

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “တၢ်သ့ၣ်တဖၣ်လၢအဒုးလီၤနုာ်ပှၤကညီဆူတၢ်ဒဲးဘးအပူၤန့ၣ် ကမၤအသးလီၤ. ဘၣ်ဆၣ်ဒီးပှၤတဂၤလၢအဒုးအိၣ်ထီၣ်တၢ်သ့ၣ် တဖၣ်န့ၣ်, ဘၣ်အဖှီၣ်ဆံးဒိၣ်လဲၣ်.

လံာ်လူၤကၣ် 2:35

သတးဒီးကလီၣ်ဖျါထီၣ်အဝဲသ့ၣ်အတၢ်ဆိကမိၣ်ခူသူၣ်တဖၣ်လီၤ. ဒီးဒ်နးလၢအကနၣ်အ့ၣ်တဘ့ၣ်အသိးန့ၣ်တၢ်သးအုးကဆဲးဖျိ နသးဒၣ်နဲန့ၣ်လီၤ.”

မၤတၢ် 15:5

ဘၣ်ဆၣ်ဒီးပှၤစူၢ်က့ၤနာ်က့ၤတၢ်တနီၤလၢအဘၣ်ဃးဒီးပှၤ ဖၤရံၤၡဲအကရူၢ်ဂဲၤဆၢထၢၣ်ကတိၤတၢ်ဒီးစံး, “အလီၢ်အိၣ်လၢပှၤကလုာ်ဂၤတဖၣ်ကဒိးတၢ်ကူးတရံးဒီး ကဘၣ်တၢ်စံးဘၣ်တဲဘၣ်အီၤလၢအကစူၢ်စီၤမိၤၡ့အတၢ် သိၣ်တၢ်သီန့ၣ်လီၤ.”

မၤတၢ် 20:30

ဆၢကတီၢ်ကတုၤဃီၤဝဲဖဲပှၤတနီၤလၢသုသိးသုကျါဒၣ်ဝဲ ကလီန့ၢ်တၢ်ဒ်သိးအကကွဲန့ၢ်လွဲန့ၢ်အပျဲၢ်အဘီၣ်တဖၣ်ဆူ အအိၣ်လီၤ.

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.

မၤတၢ် 26:5

အဝဲသ့ၣ်မ့ၢ်သးဆူၣ်လၢအကအုၣ်အသးလၢယဂ့ၢ်န့ၣ်, အဝဲသ့ၣ် သ့ၣ်ညါတ့ၢ်ဝဲယံာ်တ့ၢ်မးလၢယဘၣ်ဃးဒီးပှၤဖၤရံၤၡဲတဖၣ်, ပှၤလၢအဟံးဃာ်တၢ်ဘူၣ်တၢ်ဘါအတၢ်သိၣ်တၢ်သီအဃံး ကတၢၢ်တဖုန့ၣ်လီၤ.

မၤတၢ် 28:22

ဘၣ်ဆၣ်ဒီး ပအဲၣ်ဒိးနၢ်ဟူဘၣ်နတၢ်ဆိကမိၣ်တဖၣ်လီၤ. အဂ့ၢ်ဒ်အံၤ, ပသ့ၣ်ညါပဝဲလၢတၢ်လီၢ်ကိးပူၤဒဲးန့ၣ်, ပှၤကတိၤထီဒါပှၤတကရၢလၢနဘၣ်ထွဲဒီးအီၤတဖုအံၤန့ၣ်လီၤ.”

မၤတၢ် 5:17

အန့ၣ်ဒီး, ပှၤလုၢ်တၢ်အခိၣ်အဒိၣ်ကတၢၢ်တဂၤဒီးပှၤမၤသကိးတၢ်ဒီးအီၤ တဖၣ်လၢအမ့ၢ်ပှၤစးဒူၤကဲအကရၢဖိဘၣ်ဃးဒီးတၢ်လီၢ်ကဝီၤဖဲန့ၣ်, အသူၣ်က့ၣ်အသးကါဘၣ်ပှၤတၢ်မၢဖိတဖၣ်ဒိၣ်ဒိၣ်ကလဲာ်သတးဒီး, စံၣ်ညီၣ်တဲာ်သကိးဝဲလၢကမၤတၢ်တမံၤမံၤန့ၣ်လီၤ.

1 ကရံၣ်သူး 11:20

ဖဲသုအီၣ်သကိးတၢ်တပူၤဃီဒ်ပှၤတဖုအသိးန့ၣ်, တမ့ၢ်သုအီၣ်ကစၢ်အတၢ်အီၣ်လၢဟါအီၣ်ဘၣ်.

၂ ကရံၣ်သူး 12:20

ယဘၣ်ယိၣ်ယဲလၢ, ဖဲယလဲၤတုၤဖဲန့ၣ်န့ၣ်, ယကထံၣ်ဘၣ်လၢသုတမ့ၢ်တၢ်ဒ်ယဆၢလၢသုကမ့ၢ်ဘၣ်ဒီး သုကထံၣ်ဘၣ်လၢယတမ့ၢ်တၢ်ဒ်သုဆၢလၢယကမ့ၢ်ဘၣ်န့ၣ် လီၤ. ယဘၣ်ယိၣ်လၢယကထံၣ်ဘၣ်တၢ်အ့ၣ်လိာ်ဆိးက့, ဒီးတၢ်သူၣ်က့ၣ်သးကါ, တၢ်သူၣ်ဖုၣ်သးဖုၣ်ဒီးတၢ်အဲၣ်လီၤသး, တၢ်ဒုၣ်ဒွဲၣ်ပယွဲ, တၢ်သီၣ်ဝံသဲကလၤ, တၢ်ပာ်ထီၣ်ထီသးဒီးတၢ်တၢထီၣ်တၢလီၤန့ၣ်လီၤ.

ကလၤတံ 5:20

တၢ်ဘါတၢ်ဂီၤတၢ်ဖီၣ်, တၢ်ဟိၣ်တၢ်ယီ, တၢ်ထီဒုၣ်ထီဒါ, တၢ်အ့ၣ်လိာ် ဆိးက့လိာ်, တၢ်သူၣ်က့ၣ်သးကါ, တၢ်သူၣ်ဒိၣ်သးထီၣ်, တၢ်သးဆူၣ်ဆၢမၤန့ၢ်တၢ်, တၢ်လီၤမုၢ်လီၤဖး, တၢ်စုတလီၤဃုာ်ဘၣ်,

လံာ်သိၣ်လီၤသီလီၤတၢ် 13:3

ကနၣ်ဃုာ်အီၤနီတစဲးတဂ့ၤ. ယွၤသုကစၢ်ယွၤသူအီၤလၢကမၤကွၢ် သုအဂီၢ်, ဒ်သိးကထံၣ်သ့ၣ်ညါဘၣ်ဝဲလၢမ့ၢ်သုအဲၣ်ယွၤလၢသုသးဒီဖျၢၣ် ညါကစီဒီဧါ, န့ၣ်လီၤ.

တံတူး 3:10

ပှၤတဂၤလၢအဒုးအိၣ်ထီၣ်တၢ်လီၤဖးတဖၣ်န့ၣ်, ဟ့ၣ်ပလီၢ်အီၤတဘျီခံဘျီဝံၤအလီၢ်ခံတဘၣ်ကနၣ်ဃုာ်လၢၤ အီၤတဂ့ၤ.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.