1 ကရံၣ်သူး 11:17 - Sgaw Karen Common Bible

¹⁷ မ့မ့ၢ်, ဖဲလၢအဘၣ်ဃးဒီးတၢ်သိၣ်လိနဲၣ်ကျဲလၢလာ်တဖၣ်န့ၣ်, ယတစံးထီၣ်ပတြၢၤသုဘၣ်. အဂ့ၢ်ဒ်အံၤ, သုတၢ်အိၣ်ဖှိၣ်ဘူၣ် သကိးဘါသကိးတၢ်န့ၣ်, မၤအၢတၢ်နီၢ်နီၢ်အါန့ၢ်အမၤဂ့ၤတၢ်နီၢ်နီၢ် တက့ၢ်လီၤ.

1 ကရံၣ်သူး 11:17 Iomraidhean Croise

တၢ်ကတိၤဒိ. 27:5

ဂ့ၤဒိၣ်တက့ၢ်လၢတၢ်သိၣ်ဃီၣ်ပှၤတဂၤဂၤဖျိဖျိဖျါဖျါအါန့ၢ် ဒံးတၢ်ပျဲအဆိကမိၣ်ဝဲလၢနတသူၣ်အိၣ်သးအိၣ်အီၤနီတစဲးဘၣ် တခီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:17

သးဟ့သုဒီပုၢ်ဝဲၢ်လၢသုသးကံၢ်ပူၤတဂ့ၤ. မ့မ့ၢ်မၤလိၤမၤဘၣ်က့ၤသုသးဒီးအီၤဒ်သိးသုသု တမၤဘၣ်တၢ်ဒဲးဘးလၢအဃိတဂ့ၤန့ၣ်တက့ၢ်.

ရိမ့ၤ 13:3

အဂ့ၢ်ဒ်အံၤ, ပှၤပၢထံပၢကီၢ်တဖၣ်န့ၣ်အလီၢ်တအိၣ်ဘၣ်လၢကဘၣ် တၢ်ပျံၤအီၤလၢပှၤမၤတၢ်ဂ့ၤတဖၣ်ဘၣ်. မ့မ့ၢ်လၢပှၤမၤတၢ်အၢတၢ် သီတခီလီၤ. မ့ၢ်သုအဲၣ်ဒိးကဲထီၣ်ပှၤလၢအတပျံၤဘၣ်ပဒိၣ်ပပှၢ်န့ၣ်ဧါ. မ့မ့ၢ်ဒ်န့ၣ်ဒီး, မၤတၢ်ဂ့ၤတက့ၢ်ဒီးအဝဲဒၣ်ကစံးထီၣ်ပတြၢၤသုလီၤ.

1 ကရံၣ်သူး 11:2

ယစံးထီၣ်ပတြၢၤသုလီၤ. အဂ့ၢ်ဒ်အံၤ, ထီဘိန့ၣ်သုသ့ၣ်နီၣ် ထီၣ်ယၤဒီးပိာ်ထွဲတၢ်သိၣ်လီၤသီလီၤလၢယဟ့ၣ်လီၤတ့ၢ်ယဲဆူ သုအိၣ်တဖၣ်လီၤ.

1 ကရံၣ်သူး 11:20

ဖဲသုအီၣ်သကိးတၢ်တပူၤဃီဒ်ပှၤတဖုအသိးန့ၣ်, တမ့ၢ်သုအီၣ်ကစၢ်အတၢ်အီၣ်လၢဟါအီၣ်ဘၣ်.

1 ကရံၣ်သူး 11:22

မ့ၢ်သုတအိၣ်ဒီးသုဟံၣ်သုဃီဒၣ်သုဝဲလၢသုကအီၣ်တၢ် အီတၢ်လၢအပူၤဘၣ်ဧါ. မ့တမ့ၢ်ဘၣ်ဒီး, မ့ၢ်သုကကွၢ်တလီၤယွၤအတၢ်အိၣ်ဖှိၣ်, ဒီးဒုးမဲာ်ဆှးပှၤလိၣ်ဘၣ်တၢ်မၤစၢၤတဖၣ်န့ၣ်ဧါ. ဘၣ်ဃးဒီးတၢ်တမံၤအံၤအဂ့ၢ်န့ၣ်မ့ၢ်သုမုၢ်လၢ်လၢယကစံး ယဲဒ်လဲၣ်. မ့ၢ်ယကစံးထီၣ်ပတြၢၤသုဧါ. သပှၢ်ကတၢၢ်ယတမၤဘၣ်.

1 ကရံၣ်သူး 11:34

ဒီးပှၤတဂၤဂၤတၢ်မ့ၢ်သၣ်ဝံၤအသးန့ၣ်, ကြၢးအီၣ်တၢ်လၢဟံၣ်, ဒ်သိးသုတဘၣ်ကစၢ်ယွၤအတၢ်စံၣ်ညီၣ်ဖဲသုအိၣ်ဖှိၣ်သကိး အဆၢကတီၢ်တဂ့ၤအဂီၢ်လီၤ. မ့မ့ၢ်တၢ်ဂ့ၢ်တၢ်ကျိၤအဂၤတဖၣ်န့ၣ်, ယကကွၢ်သုးကျဲၤကတိၤပျီက့ၤယဲလၢအဂ့ၢ်ဖဲယဟဲအဆၢ ကတီၢ်လီၤ.

1 ကရံၣ်သူး 14:23

မ့မ့ၢ်ဒ်န့ၣ်ဒီး, တၢ်အိၣ်ဖှိၣ်ဒီဖုညါမ့ၢ်ထံၣ်လိာ်ပာ်ဖှိၣ်သကိး အသးဒီးပှၤကိးဂၤဒဲးဒီးစးထီၣ်ကတိၤတၢ်လၢပျ့ၤလီၤဆီတဖၣ်, ဒီးပှၤမုၢ်ဆ့ၣ်မုၢ်ဂီၤတနီၤမ့တမ့ၢ်ပှၤတစူၢ်တနာ်တၢ်တဖၣ်ဟဲနုာ် လီၤန့ၣ်, အဝဲသ့ၣ်ကစံးလၢသုပျုၢ်ကိးဂၤဒဲးလီၤတမ့ၢ်ဘၣ်ဧါ.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

ဧ့ၤဘြံၤ 10:25

မ်ပသုတဟးဆှဲးတၢ်ပာ်ဖှိၣ်ရိဖှိၣ်ထီၣ်ပသးဒ်ပှၤတနီၤမၤဝဲ အသိးန့ၣ်တဂ့ၤ. မ့မ့ၢ်, မ်ပသဆၣ်ထီၣ်လိာ်ပခံဒီးပဒံးထံၣ်လၢကစၢ်အမုၢ်တနံၤဒံးဘူး ထီၣ်ဝဲန့ၣ်မ်ပဟ့ၣ်ဂံၢ်ဟ့ၣ်ဘါလိာ်ပသးဒံးအါထီၣ်တက့ၢ်.

၁ ပ့းတရူး 2:14

ဒီးပဒိၣ်တဖၣ်, လၢအဘၣ်တၢ်ဃုထၢပာ်လီၤအီၤလၢစီၤပၤလၢကစံၣ်ညီၣ် ပှၤမၤအၢမၤသီတၢ်တဖၣ်ဒီးကစံးထီၣ်ပတြၢၤပှၤလၢ အမၤဂ့ၤတၢ်တဖၣ်, အဖီလာ်စ့ၢ်ကီးတက့ၢ်.