1 ကရံၣ်သူး 11:10 - Sgaw Karen Common Bible

¹⁰ လၢမူခိၣ်ကလူးတဖၣ်အဃိ, ပိာ်မုၣ်တဂၤကြၢးအိၣ်ဒီးခိၣ်ဖၢၣ် လၢအခိၣ်လိၤ, ဒ်သိးအကဒုးနဲၣ်ဖျါလၢအဝဲဒၣ်အိၣ်လၢအဝၤ အတၢ်စိတၢ်ကမီၤအဖီလာ်အဂီၢ်န့ၣ်လီၤ.

1 ကရံၣ်သူး 11:10 Iomraidhean Croise

လံာ်တၢ်ကဲထီၣ်အခီၣ်ထံး 20:16

အဝဲစံးဘၣ်နီၢ်စၤရါ, “ယဟ့ၣ်နဒီပုၢ်ဝဲၢ်ခွါလၢစ့ညၣ်အဘ့ၣ် တကထိဒ်အမ့ၢ်တၢ်အုၣ်သးလၢပှၤလၢအိၣ်ဒီးနၤသ့ၣ်တဖၣ်အကျါလၢ နမ့ၢ်ပှၤလၢအတၢ်ကမၣ်တအိၣ်ဘၣ်န့ၣ်လီၤ. ပှၤကိးဂၤဒဲးကသ့ၣ်ညါလၢနတမၤကမၣ်တၢ်နီတမံၤဘၣ်န့ၣ်လီၤ.”

လံာ်ပှၤစံၣ်တဲၤတဲလီၤတၢ် 5:6

ပျဲနတၢ်ကတိၤဒၣ်နဲတဖၣ်ဆှၢနၤဆူတၢ်ဒဲးဘးအပူၤတုၤနကဘၣ်တဲ ဘၣ်က့ၤကစၢ်ယွၤအပှၤလုၢ်တၢ်အခိၣ်လၢ, “ယအၢၣ်လီၤတၢ်ကမၣ်လံ” န့ၣ်တဂ့ၤ. ဘၣ်မနုၤအဃိနမၤသးဒိၣ်ကစၢ်ယွၤန့ၣ်လဲၣ်. ဘၣ်မနုၤအဃိနပျဲအမၤဟးဂီၤတၢ်လၢနမၤတ့ၢ်လံအီၤန့ၣ်လဲၣ်.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

1 ကရံၣ်သူး 11:11

မ့ၢ်နာ်သက့ဒ်န့ၣ်ဒီး, လၢပတၢ်အိၣ်မူလၢကစၢ်အပူၤန့ၣ်, ပိာ်မုၣ်တအိၣ်သဘျ့ဒီးပိာ်ခွါ, ဒီးပိာ်ခွါတအိၣ်သဘျ့စ့ၢ်ကီးဒီးပိာ်မုၣ်ဘၣ်.

1 ကရံၣ်သူး 11:9

ဒ်န့ၣ်အသိး, ပိာ်ခွါတဘၣ်တၢ်တ့လီၤအီၤလၢပိာ်မုၣ်အဂီၢ် ဘၣ်. မ့မ့ၢ်ပိာ်မုၣ်ဘၣ်တၢ်တ့လီၤအီၤလၢပိာ်ခွါအဂီၢ်လီၤ.

ဧ့ၤဘြံၤ 1:14

မ့မ့ၢ်ဒ်န့ၣ်ဒီးကလူးတဖၣ်မ့ၢ်တၢ်မနုၤလဲၣ်. အဝဲသ့ၣ်မ့ၢ်ဒၣ်သးတဖၣ်လၢအမၤကစၢ်ယွၤအတၢ် လၢယွၤဆှၢလီၤဒ်သိးအကမၤစၢၤပှၤဟီၣ်ခိၣ်ဖိတဖၣ်လၢ အကဒိးန့ၢ်ဘၣ်တၢ်အုၣ်က့ၤခီၣ်က့ၤအဂီၢ်န့ၣ်လီၤ.