1 ကရံၣ်သူး 10:7 - Sgaw Karen Common Bible

⁷ ဒီးလၢပသုတဘါထီၣ်စ့ၢ်ကီးတၢ်ဂီၤတၢ်ဖီၣ်, ဒ်အဝဲသ့ၣ်တနီၤမၤဝဲအသိးတဂ့ၤအဂီၢ်န့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ပှၤဂီၢ်မုၢ်တဖၣ်ဆ့ၣ်နီၤအီၣ် သကိးအီသကိးတၢ်, ဒီးမူးအံၤကဲထီၣ်မူးဧိၤပွဲဧိၤလၢအအိၣ် ဃုာ်တၢ်အီမူၤအီဘှီးသးလၢသံး, တၢ်ဂဲၤကလံၣ်ဒီးတၢ်မၤကမၣ်မုၣ်ကမၣ်ခွါန့ၣ်လီၤ.”

1 ကရံၣ်သူး 10:7 Iomraidhean Croise

လံာ်တၢ်ဟးထီၣ်ကွံာ် 32:17

စီၤယိၤၡူနၢ်ဟူပှၤဂီၢ်မုၢ်ကိးပသူဒီးစံးဘၣ်စီၤမိၤၡ့, “ယနၢ်ဟူတၢ်ဒုးတၢ်ယၤအတၢ်ကိးပသူလၢသူၣ်ဒဲအလီၢ်ပူၤန့ၣ်လီၤ.”

လံာ်တၢ်ဟးထီၣ်ကွံာ် 32:19

ဖဲစီၤမိၤၡ့ဟဲဘူးထီၣ်ဆူသူၣ်ဒဲအလီၢ်တုၤအထံၣ်ဃီၤဂီၤဖံး ဖါဖိဒီးပှၤဂီၢ်မုၢ်ဂဲၤကလံာ်ဝဲန့ၣ်, အသးကဲၤထီၣ်ဝဲဒၣ်လီၤ. ဖဲန့ၣ်လၢကစၢၢ်ခီၣ်ထံးန့ၣ်, အဝဲကွံာ်လီၤတဲာ်လၢၢ်ဘ့ၣ်ဘၣ်တဖၣ်လၢအစိာ်ဝဲဒီးမၤကၢ်ကွံာ်ဝဲန့ၣ်လီၤ.

လံာ်တၢ်ဟးထီၣ်ကွံာ် 32:4

အဝဲဒၣ်ဟံးန့ၢ်ထူအကွီၤတဖၣ်ဒီးဃ့ၣ်ပှံၢ်လီၤအီၤဒီးလူလီၤ ထူအထံဆူတၢ်ဂီၤသိအသးအတကွီၣ်တခါအပူၤ, ဒီးဒုးကဲထီၣ်ဂီၤ ဖံးထူအဖါတဒုန့ၣ်လီၤ. ဒီးပှၤဂီၢ်မုၢ်စံးဝဲ, “ကီၢ်အံၣ်စရ့လးဧၢ, အဝဲအံၤမ့ၢ်ပကစၢ်, ပှၤလၢအထူးထီၣ်ကွံာ်ပှၤလၢကီၢ်အဲၤကူပတူး အပူၤန့ၣ်လီၤ.”

မၤတၢ် 15:20

မ့မ့ၢ်တခီ, ပကြၢးကွဲးလံာ်ဆူအဝဲသ့ၣ်အအိၣ်ဒီးစံးဘၣ်အီၤလၢ အသုတအီၣ်တၢ်အီၣ်တကဆှီဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး နီတမံၤလၢအဘၣ်တၢ်လုၢ်ထီၣ်အီၤဆူတၢ် ဂီၤတၢ်ဖီၣ်န့ၣ်တဂ့ၤ. ဒီးအကဟးဆှဲးတၢ်မၤကမၣ်မုၣ်ကမၣ်ခွါ, ဒီးအသုတအီၣ်ဆၣ်ဖိကီၢ်ဖိလၢအဘၣ်တၢ်စံၢ်သံအီၤ, ဒီးတၢ်အသွံၣ်တမံၤလၢ်လၢ်တဂ့ၤ.

1 ကရံၣ်သူး 10:14

လၢတၢ်န့ၣ်အဃိယတံၤသကိးသးဘိသ့ၣ်ဧၢ, ဟးဆှဲးတၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်တက့ၢ်.

1 ကရံၣ်သူး 5:11

တၢ်လၢယသးအိၣ်စံးန့ၣ်မ့ၢ်, သုသုတရ့လိာ်မၤထွဲသုသးဒီး ပှၤတဂၤလၢအကိးလီၤအသးလၢဒီပုၢ်ဝဲၢ်, ဘၣ်ဆၣ်ဒီးအၢဝဲသီဝဲ မ့တမ့ၢ်အိၣ်ဒီးတၢ်သးကွံတလၢတၢ်, မ့တမ့ၢ်ဘါထီၣ်တၢ်ဂီၤတၢ်ဖီၣ်, မ့တမ့ၢ်မ့ၢ်ဝဲပှၤကတိၤသီၣ်ဝံသဲကလၤတၢ်, မ့တမ့ၢ်ပှၤအီသံးဖိ, မ့တမ့ၢ်ဟုၣ်တၢ်ဘျၣ်တၢ်န့ၣ်လီၤ. တဘၣ်ဆ့ၣ်နီၤအီၣ်ဃုာ်ဒၣ်လဲာ်တၢ်ဒီးပှၤဒ်န့ၣ်အသိးတဂၤ န့ၣ်တဂ့ၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

1 ကရံၣ်သူး 8:7

ဘၣ်ဆၣ်ဒီးပှၤတသ့ၣ်ညါတၢ်မ့ၢ်တၢ်တီအဝဲအံၤကိးဂၤဒဲးဘၣ်. ပှၤတနီၤညီနုၢ်လၢတၢ်ဂီၤတၢ်ဖီၣ်ဒ်အံၤအသိးတဖၣ်တုၤဒၣ်လဲာ်, တုၤလီၤလၢမုၢ်မဆါတနံၤအံၤဖဲအဝဲသ့ၣ်အီၣ်တၢ်အီၣ်ဒ်န့ၣ် အသိးတဖၣ်န့ၣ်, အဝဲသ့ၣ်ဆိကမိၣ်ဒံးဝဲလၢအဂ့ၢ်ဒ်အမ့ၢ်တၢ်အီၣ်လၢအမ့ၢ်တၢ်ဂီၤ တၢ်ဖီၣ်တဖၣ်အတၢ်န့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ် အဂံၢ်အဘါစၢ်, ဒီးဆိကမိၣ်လီၤအသးလၢအဘၣ်တၢ်မၤဘၣ်အၢအီၤလၢတၢ်အီၣ် န့ၣ်လီၤ.

လံာ်သိၣ်လီၤသီလီၤတၢ် 9:12

အန့ၣ်ဝံၤဒီး, ယွၤစံးဘၣ်ယၤ, က့ၤလီၤလၢကစၢၢ်အလိၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်, လၢနဆှၢထီၣ်အီၤလၢကီၢ်အဲၤကူပတူးန့ၣ်, မၤသံၣ်သူမီၣ်ကျာ် လီၤအသးဒီးမၤတ့ၢ်တၢ်အၢတၢ်သီလံ. အဝဲသ့ၣ်ဃၣ်ကဒါကွံာ်လံအသးလၢတၢ်လၢယမၤလိာ်တ့ၢ်အဝဲသ့ၣ်လၢ ကဘၣ်မၤဝဲ, ဒီးအဝဲသ့ၣ်မၤထီၣ်တၢ်ဂီၤတၢ်ဖီၣ်တခါလၢအဂီၢ်န့ၣ်လီၤ.

၁ ယိၤဟၣ် 5:21

ယဖိယလံၤသ့ၣ်ဧၢ, ပလီၢ်သုသးလၢကစၢ်ယွၤအတမ့ၢ်တတီတဖၣ်န့ၣ်တက့ၢ်.