1 ကရံၣ်သူး 10:6 - Sgaw Karen Common Bible

⁶ ခဲကနံၣ်အံၤတၢ်သ့ၣ်တဖၣ်အံၤခဲလၢာ်မ့ၢ်ဝဲတၢ်အဒိအတဲာ် လၢပဂီၢ်, ဒ်သိးအကဟ့ၣ်ပလီၢ်ပှၤလၢပသုတသးကွံတၢ် အၢတၢ်သီတဖၣ်ဒ်အဝဲသ့ၣ်သးကွံတ့ၢ်ဝဲတဂ့ၤ.

1 ကရံၣ်သူး 10:6 Iomraidhean Croise

လံာ်တၢ်ဂံၢ် 11:4

ပှၤတခီဘီမုၢ်ဖိအိၣ်ဝဲတနီၤလၢအလဲၤဃုာ်တၢ်ဒီးပှၤအံၣ်စရ့ လးဖိတဖၣ်န့ၣ်လီၤ. အဝဲသ့ၣ်အသးအိၣ်အီၣ်ဘၣ်တၢ်ဖံးတၢ်ညၣ်ဒိၣ်ဒိၣ်ကလဲာ်ဒီးပှၤအံၣ် စရ့လးဖိတဖၣ်ဒၣ်လဲာ်စးထီၣ်ကဒူးကဒ့ၣ်ထီၣ်တၢ်ဒီးစံးဝဲဒၣ်, “မ့ၢ်မတၤကဒုးအီၣ်ပှၤလၢတၢ်ဖံးတၢ်ညၣ်လဲၣ်.

ရိမ့ၤ 5:14

ဘၣ်ဆၣ်, စးထီၣ်လၢစီၤအၤဒၣ်တုၤလီၤလၢစီၤမိၤၡ့ အစိၤန့ၣ်, တၢ်သံပၢတၢ်လၢပှၤဟီၣ်ခိၣ်ဖိခဲလၢာ်အဖီခိၣ်, ပၢၢ်တုၤဒၣ်လဲာ်လၢပှၤလၢအတၢ်ဒဲးဘးတလီၤဂာ်ဒီး စီၤအၤဒၣ်အတၢ်ဒဲးဘးလၢအမ့ၢ်တၢ်တဒိကနၣ် ကစၢ်ယွၤအတၢ်မၤလိာ်ဘၣ်န့ၣ်လီၤ. စီၤအၤဒၣ်မ့ၢ်ပှၤလၢအကဟဲတဂၤအက့ၢ်အဂီၤအဒိ အတဲာ်န့ၣ်လီၤ.

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.

ဧ့ၤဘြံၤ 4:11

လၢတၢ်န့ၣ်အဃိမ်ပကကျဲးစၢးအဂ့ၤကတၢၢ်ဒ်သိးပကဒိး န့ၢ်ဘၣ်တၢ်အိၣ်ဘှံးအဝဲန့ၣ်, ဒ်သိးပသုတလီၤတဲာ်ကွံာ်ဒ်အဝဲသ့ၣ်အသိးလၢအတစူၢ် တနာ်တၢ်အဃိနီတဂၤတဂ့ၤအဂီၢ်န့ၣ်တက့ၢ်.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

၂ ပ့းတရူး 2:6

ယွၤစံၣ်ညီၣ်ဝ့ၢ်စဒိၣ်ဒီးဝ့ၢ်ဂမိရၤဒီးမၤဟးဂီၤကွံာ်အီၤလၢ မ့ၣ်အူ, ဒီးဒုးကဲထီၣ်အီၤလၢတၢ်အဒိအတဲာ်လၢပှၤလၢ အတယူးတယီၣ်ယွၤအဂီၢ်န့ၣ်လီၤ.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.