1 ကရံၣ်သူး 10:5 - Sgaw Karen Common Bible

⁵ ဘၣ်ဆၣ်ဒီးအန့ၣ်ဒၣ်လဲာ်, ကစၢ်ယွၤတဘၣ်သူၣ်ဘၣ်သးအဝဲသ့ၣ်အါဒၣ်တၢ်တက့ၢ်, ဒီးလၢတၢ်န့ၣ်အဃိ, အဝဲသ့ၣ်အစိၣ်တဖၣ်အိၣ်ပြံပြါလၢပှၢ်မုၢ် ကနၢအပူၤလီၤ.

1 ကရံၣ်သူး 10:5 Iomraidhean Croise

စံးထီၣ်ပတြၢၤ 106:26

လၢတၢ်န့ၣ်အဃိ အဝဲဒၣ် ဟ့ၣ်လီၤအဝဲသ့ၣ်လၢ တၢ်ဟ့ၣ်ပလီၢ်လီၤတံၢ်လီၤဆဲးတမံၤ လၢကမၤသံကွံာ်အဝဲသ့ၣ်လၢပှၢ်မုၢ်ကနၢ,

စံးထီၣ်ပတြၢၤ 90:1

ယွၤဧၢ, နမ့ၢ်တ့ၢ်နဲပတၢ်အိၣ်တၢ်ဆိးအလီၢ် အစိၤစိၤအဃၣ်ဃၣ်လီၤ.

စံးထီၣ်ပတြၢၤ 95:11

ယသးဒိၣ်ထီၣ်ဒီးမၤတၢ်အၢၣ်လီၤ သမှံၤသပှၢ်တထံၣ် ဒီးစံး, “သုတလဲၤနုာ်ဘၣ်ဆူ ကီၢ်ဖဲယကဟ့ၣ်သုတၢ် တၢ်အိၣ်ဘှံးအပူၤန့ၣ်နီတစုဘၣ်.”

လံာ်ယဃ့းစက့လး 20:36

ခဲကနံၣ်အံၤယကစံၣ်ညီၣ်ဃၣ်သု, ဒ်သိးဒၣ်ယစံၣ်ညီၣ်ဃၣ်တ့ၢ် သုပၢ်တဖၣ်လၢကစၢၢ်စံၤနါအပှၢ်မုၢ်ကနၢပူၤအသိးန့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်စံးတၢ်န့ၣ်လီၤ.

လံာ်တၢ်ဂံၢ် 14:22

ပှၤဂီၢ်မုၢ်အံၤတလဲၤနုာ်ဘၣ်ဆူကီၢ်တဘ့ၣ်န့ၣ်အပူၤနီ တဂၤဘၣ်. အဝဲသ့ၣ်ထံၣ်ဘၣ်တ့ၢ်ယတၢ်အိၣ်ယဲအတၢ်ကပြုၢ်ကပြီၤဒီး တၢ်လီၤလးတဖၣ်လၢယမၤတ့ၢ်ယဲလၢကီၢ်အဲၤကူပတူးအပူၤဒီးလၢ ပှၢ်မုၢ်ကနၢအပူၤ, ဘၣ်ဆၣ်ဒီးအဝဲသ့ၣ်မၤကွၢ်တ့ၢ်ယတၢ်သးစူၤ တဘျီဝံၤတဘျီဒီးဂ့ၢ်လိာ်ဝဲလၢကစူၢ်ယၤအဂီၢ်န့ၣ်လီၤ.

လံာ်တၢ်ဂံၢ် 14:37

မၤသးဒ်န့ၣ်ဒီးယွၤတီၢ်အဝဲသ့ၣ်လၢတၢ်ဆူးတၢ်ဆါတမံၤဒီး အဝဲသ့ၣ်သံဝဲလီၤ.

လံာ်သိၣ်လီၤသီလီၤတၢ် 2:14

တၢ်အံၤမ့ၢ်ဖဲပဟးထီၣ်ကွံာ်လၢဝ့ၢ်ကၤဒ့ၣ်ဘၢ်န့အကီၢ်အလီၢ်ခံ သၢဆံဃိးနံၣ်န့ၣ်လီၤ. ကယဲၢ်ပှၤဒုးတၢ်ယၤတၢ်ဖိလၢပှၤတစိၤန့ၣ်သံလၢာ်လံဝဲဒ်ယွၤစံး တ့ၢ်လၢပဝဲသ့ၣ်ကဘၣ်သံအသိးန့ၣ်လီၤ.

ဧ့ၤဘြံၤ 3:17

ပှၤလၢအဘၣ်ကစၢ်ယွၤအတၢ်သးထီၣ်လၢအနံၣ်လွံၢ်ဆံအတီၢ်ပူၤ န့ၣ်မ့ၢ်မတၤတဖၣ်လဲၣ်. မ့ၢ်ပှၤလၢအမၤတၢ်ဒဲးဘးဒီးလီၤဃံၤသံဝဲ လၢပှၢ်မုၢ်ကနၢအပူၤတဖၣ်တမ့ၢ်ဘၣ်ဧါ.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.