1 ကရံၣ်သူး 10:23 - Sgaw Karen Common Bible

²³ “တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ,” အဝဲသ့ၣ်စံးဝဲဒ်န့ၣ်, ဒီးမ့ၢ်ဝဲတီဝဲလီၤ. ဘၣ်ဆၣ်ဒီးတၢ်ခဲလၢာ်ခဲဆ့တမ့ၢ်တၢ်လၢအဂ့ၤဘၣ်. “တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ.” ဘၣ်ဆၣ်ဒီးတၢ်ကိးမံၤဒဲးတအိၣ်ဒီးအဘျုးအဖှိၣ်ဘၣ်.

1 ကရံၣ်သူး 10:23 Iomraidhean Croise

ရိမ့ၤ 14:15

သုမ့ၢ်မၤတံာ်တာ်ဘၣ်သုဒီပုၢ်ဝဲၢ်အသးလၢသုတၢ်အီၣ်တမံၤမံၤ အဃိဒီး, သုမၤတၢ်အံၤတမ့ၢ်လၢတၢ်အဲၣ်တၢ်ကွံအပူၤလၢၤဘၣ်. သုတပျဲတၢ်အီၣ်လၢသုအီၣ်မၤဟးဂီၤကွံာ်ပှၤတဂၤလၢခရံာ် သံလၢအဂီၢ်န့ၣ်တဂ့ၤ.

1 ကရံၣ်သူး 14:12

မ့ၢ်လၢသုသးဆူၣ်ဒိးန့ၢ်ဘၣ်သးစီဆှံအတၢ်ဟ့ၣ်အဃိ, သုကဘၣ်ဂုာ်ကျဲးစၢးအါန့ၢ်တၢ်အဂၤ, လၢသုကသူအါထီၣ်တၢ်ဟ့ၣ်သ့ၣ်တဖၣ်လၢအကမၤ စၢၤတၢ်ဒုးဒိၣ်ထီၣ်ထီထီၣ်တၢ်အိၣ်ဖှိၣ်န့ၣ်လီၤ.

1 ကရံၣ်သူး 14:17

နတၢ်ထုကဖၣ်စံးထီၣ်ပတြၢၤယွၤမ့ၢ်ဂ့ၤကစီဒီဒၣ်လဲာ်န့ၣ်, ပှၤအဂၤတဂၤန့ၣ်တဒိးန့ၢ်တၢ်မၤစၢၤနီတမံၤဘၣ်.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

1 ကရံၣ်သူး 6:12

ပှၤတဂၤကစံးဝဲ, “ယဘၣ်တၢ်ဟ့ၣ်ယၤအခွဲးလၢယကမၤတၢ်တမံၤလၢ်လၢ်န့ၣ်လီၤ.” မ့ၢ်လံ, ဘၣ်ဆၣ်ဒီးတၢ်ကိးမံၤဒဲးတမ့ၢ်တၢ်ဂ့ၤလၢသုဂီၢ်ဘၣ်. ယစံးယဲဒၣ်သ့ဝဲလၢယဘၣ်တၢ်ဟ့ၣ်ယၤအခွဲးလၢယကမၤတၢ် တမံၤလၢ်လၢ်လီၤ. ဘၣ်ဆၣ်ဒီးယတပျဲတၢ်တမံၤမံၤဒုးကဲယၤလၢ အကုၢ်အပှၤဘၣ်.

1 ကရံၣ်သူး 8:1

ခဲကနံၣ်အံၤ, ဘၣ်ထွဲဒီးတၢ်ဂ့ၢ်လၢသုကွဲးဖျါသုဝဲဘၣ်ဃးတၢ်အီၣ် တၢ်အီလၢအဘၣ်တၢ်လုၢ်ထီၣ်ပာ်ထီၣ်အီၤဆူတၢ်ဂီၤတၢ်ဖီၣ်တဖၣ် အအိၣ်န့ၣ်, သပှၢ်ကတၢၢ်, မ့ၢ်ဝဲတီဝဲကစီဒီလီၤ. ဒ်အဝဲသ့ၣ်စံးဝဲအသိးန့ၣ်, “ပဝဲကိးဂၤဒဲးပအိၣ်ဒီးတၢ်သ့ၣ်ညါနၢ်ပၢၢ်လီၤ.” ဘၣ်ဆၣ်ဒီး, တၢ်သ့ၣ်ညါဒ်န့ၣ်အသိး, မၤကဖိထီၣ်ပှၤကညီလၢတၢ်ပာ် ကဖၢလၢသးလီၤ. မ့မ့ၢ်တၢ်အဲၣ်တၢ်ကွံန့ၣ်, မၤထီၣ်မၤထီတၢ်လီၤ.

1 ကရံၣ်သူး 8:9

ဘၣ်ဆၣ်ဒီး, ပလီၢ်သုသးဒ်သိးသုတပျဲသုတၢ်သဘျ့လၢသု ကမၤဖဲသုသးဒုးလီၤဃံၤပှၤလၢအဂံၢ်စၢ်ဘါစၢ်တဖၣ်ဆူ တၢ်ဒဲးဘးအပူၤတဂ့ၤ.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

၁ သ့းစၤလနံ 5:11

မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.

၁ တံၤမသ့း 1:4

စံးဘၣ်တဲဘၣ်အဝဲသ့ၣ်လၢအသုတမၤလၢာ်အဆၢကတီၢ် လၢတၢ်စံၣ်ဃဲၤတဲဃဲၤလၢပျၢၤတဖၣ်ဒီးတၢ်ယၢၤထီၣ်ဖးထီ တၢ်ဟဲလီၤစၢၤတဖၣ်န့ၣ်တဂ့ၤ. တၢ်သ့ၣ်တဖၣ်အံၤဒုးအိၣ်ထီၣ်ဒၣ်တၢ်ဂ့ၢ်လိာ်ဘှီလိာ်တဖၣ်ဒီး တမၤထီၣ်မၤထီကစၢ်ယွၤအတၢ်ကူၣ်ထီၣ်ဖးလီၤလၢ တၢ်သ့ၣ်ညါအီၤသ့ဒၣ်ထဲလၢတၢ်စူၢ်တၢ်နာ်န့ၣ်ဘၣ်.