1 ကရံၣ်သူး 10:21 - Sgaw Karen Common Bible

²¹ သုကအီတၢ်လၢကစၢ်အလီခီပူၤဝံၤသုကအီတၢ်လၢတၢ်နါ အလီခီပူၤတသ့ဘၣ်. သုကအီၣ်သကိးတၢ်ဒီးကစၢ်ဝံၤသုကအီၣ်သကိးတၢ်ဒီးတၢ်နါ တသ့ဘၣ်.

1 ကရံၣ်သူး 10:21 Iomraidhean Croise

လံာ်စီၤပၤအခီၣ်ထံးတဘ့ၣ် 18:21

စီၤအ့ၤလံယၤလဲၤထီၣ်ဆူပှၤဂီၢ်မုၢ်အအိၣ်ဒီးစံးဝဲ, “လၢသုကစံၣ်ညီၣ်တဲာ်သုသးအဂီၢ်န့ၣ်ကယံာ်ဒံးဆံးယံာ်လဲၣ်. ယွၤမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်. ဘဧၤလးမ့မ့ၢ်ကစၢ်ယွၤဒီးဘူၣ်ထီၣ်ဘါထီၣ်အီၤတက့ၢ်.” ဘၣ်ဆၣ်ဒီးပှၤဂီၢ်မုၢ်တကတိၤဘၣ်တၢ်နီတဘီဘၣ်.

လံာ်ယၡါယၤ 65:11

မ့မ့ၢ်သုဝဲလၢအလဲၤသဒၣ်ယၤ, ပှၤလၢအတပာ်ကဲဘၣ် ယကစၢၢ်စီဆှံစံယိၣ်, ဒီးဘူၣ်ထီၣ်ဘါထီၣ်ကးဒီးမနံး, ကစၢ်တဖၣ်လၢအဟဲစိာ်တၢ်ဘူၣ်ဂ့ၤတီၢ်ဘၣ်ဒီးတၢ်ဟဲဝံဟဲစိာ်န့ၣ်, ကမ့ၢ်တၢ်လီၤဆီလၢအဂီၢ်လီၤ.

လံာ်ယံးရမံယၤ 44:8

ဘၣ်မနုၤအဃိ သုမၤသးဒိၣ်ထီၣ်ယၤ ခီဖျိသုဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်ဒီး ခီဖျိသုလုၢ်ထီၣ်တၢ်ဆူကစၢ်အဂၤတဖၣ် ဖဲ ကီၢ်အဲၤကူပတူးအံၤအပူၤ, တၢ်လီၢ်ဖဲ သုဟဲအိၣ်ဟဲ ဆိးအံၤန့ၣ်လဲၣ်. မ့ၢ်သုမၤတၢ်အံၤ ထဲဒၣ်သုကမၤဟးဂီၤ လီၤသုသးအဂီၢ်ဧိၤ, ဒ်သိးပှၤကလုာ်ကိးကလုာ်ဒဲးလၢ ဟီၣ်ခိၣ်အံၤကနံၤဘၣ်ဖၣ်လဲ သုဒီး ပာ်သုမံၤဒ်တၢ်ဆိၣ်အၢတမံၤအသိးအဂီၢ်ဧိၤန့ၣ်ဧါ.

လံာ်မးသဲ 6:24

ပှၤမၤတၢ်အခ့အပှၤအတၢ်မၤလၢကစၢ်ခံဂၤအဂီၢ်တသ့နီတဂၤဘၣ်. ကအဲၣ်ဝဲတဂၤဒီးကသးဟ့ဝဲတဂၤလီၤ. ကတီဝဲဒီးကစၢ်တဂၤဒီးကကွၢ်တလီၤဝဲအတဂၤန့ၣ်လီၤ. သုမၤကစၢ်ယွၤအတၢ်မၤဒီးကျိၣ်စ့အတၢ်မၤခံမံၤလၢာ်တသ့ဘၣ်.

1 ကရံၣ်သူး 10:16

လီခီလၢပသူအီၤလၢတၢ်အီၣ်ကိၣ်အီစပံးထံအဂီၢ်ဒီးလၢ ပစံးဘျုးကစၢ်ယွၤလၢအဃိန့ၣ်, ဖဲပအီတၢ်လၢအပူၤ, မ့ၢ်ပနီၤဟံးန့ၢ်သကိးခရံာ်အသွံၣ်န့ၣ်လီၤ. ဒီးကိၣ်လၢပစိၢ်ဘျဲးအီၤတဖျၢၣ်ဖဲပဟံးန့ၢ်အီၣ်အီၤန့ၣ်, မ့ၢ်ပနီၤဟံးန့ၢ်သကိးခရံာ်အနီၢ်ခိန့ၣ်လီၤ.

1 ကရံၣ်သူး 8:10

ပစံးဒၣ်ကလိာ်, ပှၤတဂၤလၢအသးလၢအသ့ၣ်ညါဒၣ်တၢ်အဂံၢ် အဘါစၢ်လၢတၢ်ဂ့ၢ်အဝဲအံၤတကပၤတဂၤထံၣ်သုဝဲလၢအအိၣ်ဒီး တၢ်လၢပှၤကိးဝဲလၢ “တၢ်သ့ၣ်ညါနၢ်ပၢၢ်” န့ၣ်, အီၣ်တၢ်လၢတၢ်ဂီၤတၢ်ဖီၣ်တဒုအတၢ်လုၢ်ဟံၣ်အပူၤဒီး, အဝဲကဘၣ်တၢ်မၢန့ၢ်ဆီၣ်ခံအီၤလၢအကအီၣ်တၢ်အီၣ်လၢအဘၣ် တၢ်လုၢ်ထီၣ်အီၤဆူတၢ်ဂီၤတၢ်ဖီၣ်တဖၣ်အအိၣ်တမ့ၢ်ဘၣ်ဧါ.