1 ကရံၣ်သူး 10:20 - Sgaw Karen Common Bible

²⁰ တမ့ၢ်ဘၣ်. တၢ်လၢယအဲၣ်ဒိးစံးန့ၣ်, မ့ၢ်ဝဲ, တၢ်လၢအဘၣ်တၢ်လုၢ်ထီၣ်အီၤလၢပှၤသူခိၣ်ဖိအတၢ်လုၢ် လီၢ်န့ၣ်, ဘၣ်တၢ်လုၢ်ထီၣ်အီၤဆူတၢ်ဝံတၢ်နါတဖၣ်အအိၣ်ဒီး တမ့ၢ်ဆူကစၢ်ယွၤအအိၣ်ဘၣ်လီၤ. ဒီးယတအဲၣ်ဒိးလၢသုကကဲပှၤဒီတံၤဒီသကိးဒီးတၢ်ဝံတၢ်နါ တဖၣ်ဘၣ်.

1 ကရံၣ်သူး 10:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 11:15

စီၤယၤရၤဘၣ်ဃုထၢပာ်လီၤအကစၢ်ဒၣ်ဝဲအပှၤလုၢ်တၢ်အခိၣ်တဖၣ်လၢ ကမၤတၢ်ဖဲလၢပှၤဘါတၢ်ဂီၤတၢ်ဖီၣ်တဖၣ်ဘါတၢ်အလီၢ်, ဒီးလၢကဘူၣ်ထီၣ်ဘါထီၣ်တၢ်ဝံတၢ်နါတဖၣ်ဒီးတၢ်ဂီၤတၢ်ဖီၣ်တဖၣ် လၢအဝဲသိဝဲ, ဒ်ဂီၤဖံးဖါအဂီၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:7

အံၣ်စရ့လးအပှၤဂီၢ်မုၢ်တဘၣ်မ့ၢ်လၢၤပှၤလၢအတတီ ဒီးယွၤခီဖျိတၢ်မၤသံအဆၣ်ဖိကီၢ်ဖိတဖၣ်လၢတၢ်ပျီပူၤဒီး လုၢ်ထီၣ်အီၤဆူတၢ်နါတဖၣ်လၢအလီၤဂာ်ဒီးမဲာ်တဲးလဲးန့ၣ်လၢၤဘၣ်. အံၣ်စရ့လးအပှၤဂီၢ်မုၢ်ကဘၣ်ဒိကနၣ်မၤထွဲတၢ် သိၣ်တၢ်ဘျၢအံၤအစိၤစိၤအဃၣ်ဃၣ်လီၤ.

လံာ်မးသဲ 4:9

ဒီးမုၣ်ကီၤလံၢ်စံးဘၣ်အီၤ, “နမ့ၢ်တီၤလီၤကဒွံကျိာ်လၢယမဲာ်ညါဒီးဘါထီၣ်ယၤန့ၣ်ယကဟ့ၣ် နၤလၢတၢ်သ့ၣ်တဖၣ်အံၤခဲလၢာ်လီၤ.”

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

ကလၤတံ 4:8

လၢအပူၤကွံာ်န့ၣ်သုတသ့ၣ်ညါကစၢ်ယွၤဘၣ်. အဃိ, သုကဲကုၢ်လၢတၢ်လၢအတမ့ၢ်ကစၢ်ယွၤတဖၣ်အဖီ လာ်လီၤ.

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.