1 ကရံၣ်သူး 10:13 - Sgaw Karen Common Bible

¹³ ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.

1 ကရံၣ်သူး 10:13 Iomraidhean Croise

စံးထီၣ်ပတြၢၤ 124:7

ပထူၣ်ဖျဲးလံဒ်ထိၣ်တဘ့ၣ်လၢ ပှၤဖီၣ်ထိၣ်အပျံၤသကွီၤအပူၤအသိးန့ၣ်လီၤ. ပျံၤသကွီၤတဲာ်ကွံာ်လံ, ဒီးပဝဲဒၣ်အံၤပထူၣ်ဖျဲးတ့ၢ်လံ.

စံးထီၣ်ပတြၢၤ 125:3

ပှၤအအၢအသီတဖၣ်တပၢဘၣ်ပှၤအတီအလိၤ အလီၢ်အိၣ်လီၢ်ဆိးထီဘိဘၣ်. အဝဲသ့ၣ်မ့ၢ်ပၢဘၣ်ဝဲဒီး ပှၤတီပှၤလိၤတဖၣ် ကမၤတၢ်အၢတၢ်သီလၢအကစၢ်ဒၣ်ဝဲလီၤ.

စံးထီၣ်ပတြၢၤ 36:5

ယွၤဧၢ, နတၢ်အဲၣ်ဂၢၢ်ကျၢၤ, ထီၣ်ဘးဆူမူခိၣ်, နတၢ်သးတီန့ၣ်တုၤလၢမူကပိာ်လိၤန့ၣ်လီၤ.

စံးထီၣ်ပတြၢၤ 89:33

ဘၣ်ဆၣ် ယတသုးကွံာ်ယတၢ်အဲၣ်ဂၢၢ်ကျၢၤလၢအီၤ, မ့တမ့ၢ်ယတပျဲဟးဂီၤယတၢ်သူၣ်တီသးလိၤန့ၣ်ဘၣ်.

လံာ်တၢ်ဟးထီၣ်ကွံာ် 3:17

ဒီးယပာ်လီၤတ့ၢ်လံယသးလၢယကထုးထီၣ်ကွံာ်အဝဲသ့ၣ်လၢကီၢ် အဲၤကူပတူး, တၢ်လီၢ်ဖဲအဝဲသ့ၣ်ဘၣ်တၢ်မၤအၢမၤနးအီၤ နးမးဒီးကဆှၢအီၤဆူပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အကီၢ်, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲစီန့ၣ်လီၤ.

လံာ်ယၡါယၤ 11:5

အဝဲကပၢအပှၤဂီၢ်မုၢ်လၢတၢ်စံၣ်ညီၣ်တီဒီးတၢ်မၤတီအကလုၢ်လီၤ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယံးရမံယၤ 12:5

ယွၤစံးဝဲဒၣ်, “စီၤယံးရမံယၤဧၢ, နမ့ၢ်လီၤဘှံးလီၤတီၤလၢ ပဃ့ၢ်ပြၢတၢ်ဒီးပှၤကညီအဃိဒီး, နဃ့ၢ်ပြၢတၢ်ဒီးကသ့ၣ်တဖၣ်ကသ့ဒ်လဲၣ်. နဆၢထၢၣ်လၢတၢ်လီၢ်လီၤပျီအပူၤမ့ၢ်တသ့ဘၣ်ဒီး, လၢယၢ်ဒ့ၣ်အကပၤသ့ၣ်ပှၢ်ပူၤန့ၣ် နမၤနဲကသ့ဒ်လဲၣ်.

လံာ်ယံးရမံယၤ 29:11

ယအိၣ်ဒီး ယတၢ်ကူၣ်ကျဲၤတဖၣ်လၢ သုဂီၢ်ဒီး ပှၤသ့ၣ်ညါဒၣ်ထဲ ယၤတဂၤဧိၤန့ၣ်လီၤ. မ့ၢ်တၢ်ကူၣ်ကျဲၤတဖၣ်လၢ ကဟဲစိာ်န့ၢ် သုတၢ်ဘီၣ်ထီၣ်ညီထီၣ်ဒီး တမ့ၢ်ဘၣ်တၢ်တတၢးတနါန့ၣ်ဘၣ်. မ့ၢ်တၢ်ကူၣ်ကျဲၤတဖၣ်လၢကဟဲစိာ်ခါဆူညါအတၢ်မုၢ်လၢ်လၢ သုဂီၢ်န့ၣ်လီၤ.

လံာ်သးသယုၢ်တၢ် 3:23

သီဝဲကိးမုၢ်ဂီၤဒဲးဒ်မုၢ်ဆ့ၣ်ထီၣ်, လီၤတံၢ်လီၤဆဲးဝဲဒ်မုၢ် ဟဲထီၣ်အသိးန့ၣ်လီၤ.

လံာ်ဒၤနံးယ့လး 3:17

တၢ်မ့ၢ်မၤအသးဒ်နစံးအသိးဒီး, ပကစၢ်ယွၤလၢပမၤအတၢ် မၤန့ၣ်မၤပူၤဖျဲးပှၤလၢမ့ၣ်အူကဲၤကဖးအဖၣ်ကပူၤသ့ဝဲ, ဒီးကမၤပူၤဖျဲးပှၤလၢနစုပူၤလီၤ.

လံာ်ဟိၤၡ့ 2:20

ယကဟံးဃာ်ဂၢၢ်ကျၢၤယတၢ်အၢၣ်လီၤဒီးဒုးကဲထီၣ်နၤလၢယတၢ် လီၤ. ဒီးနကအၢၣ်လီၤသ့ၣ်ညါယၤဒ်ယွၤအသိးန့ၣ်လီၤ.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်လူၤကၣ် 11:4

ပျၢ်ကွံာ်ပတၢ်ဒဲးတူာ်ဒဲးဘးတဖၣ်တက့ၢ်. အဂ့ၢ်ဒ်အံၤ, ပပျၢ်ကွံာ်ပှၤကိးဂၤဒဲးလၢ အမၤကမၣ်ပှၤတဖၣ်အတၢ်ကမၣ်လီၤ. ဒီးသုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ.”

လံာ်လူၤကၣ် 16:26

လၢန့ၣ်အမဲာ်ညါ, တၢ်ပူၤဖးယိာ်အိၣ်ဝဲဒၣ်လၢပဘၢၣ်စၢၤတပူၤ, သတးဒီးပှၤအိၣ်ဖဲအံၤတဖၣ်မ့ၢ်အဲၣ်ဒိးလဲၤခီဂာ်ဆူသုအိၣ် န့ၣ်လဲၤဝဲတသ့ဘၣ်. ဒီးပှၤအိၣ်လၢသုအိၣ်ဖဲန့ၣ်တဖၣ်ဟဲခီဃီၤဆူပအိၣ် တသ့စ့ၢ်ကီးဘၣ်န့ၣ်လီၤ.’

လံာ်လူၤကၣ် 22:46

ဒီးအဝဲဒၣ်စံးဘၣ်အဝဲသ့ၣ်, “ဘၣ်မနုၤအဃိသုမံလဲၣ်. ဂဲၤဆၢထၢၣ်ဒီးဃ့ဘါထုကဖၣ်ဒ်သိး သုသုတလီၤနုာ်ဆူတၢ်လ့ပစီအပူၤတဂ့ၤန့ၣ်တက့ၢ်.”

မၤတၢ် 27:44

ပှၤလၢအအိၣ်လီၤတဲာ်တဖၣ်ကဘၣ်ပိာ်ထီၣ်အခံခီဖျိထိၣ်ထီၣ်ဖီအသး လၢအဖီၣ်သ့ၣ်ဘၣ်အဒါ, မ့တမ့ၢ်ကဘီအက့အခီလၢအသ့ၣ်ဖးကွံာ်တဖၣ် အဃိန့ၣ်လီၤ. ဒီးလၢကျဲဒ်အံၤအပူၤပတုၤပဝဲဆူခိန့ၣ်ဂ့ၤဂ့ၤဘၣ်ဘၣ်လီၤ.

1 ကရံၣ်သူး 1:9

ကစၢ်ယွၤလၢအကိးဃီၤသုဒ်သိးသုကရ့လိာ်မုာ်လိာ်သုသး ဒီးအဖိခွါပကစၢ်ယ့ၣ်ၡူးခရံာ်န့ၣ်, ကြၢးဘၣ်တၢ်နာ်န့ၢ်အီၤလီၤ.

၂ ကရံၣ်သူး 1:10

အဝဲဒၣ်အုၣ်က့ၤခီၣ်က့ၤတ့ၢ်ပှၤလၢတၢ်လီၤပျံၤလီၤဖုးဖး ဒိၣ်တဖၣ်လၢအဘၣ်ဃးဒီးတၢ်သံ, ဒီးကအုၣ်က့ၤခီၣ်က့ၤပှၤ, ဒီးပပာ်လီၤတ့ၢ်ပတၢ်မုၢ်လၢ်လၢအဝဲဒၣ်အပူၤလၢအဝဲဒၣ် ကအုၣ်က့ၤခီၣ်က့ၤကဒီးပှၤ,

လံာ်သိၣ်လီၤသီလီၤတၢ် 7:9

သ့ၣ်နီၣ်ထီၣ်က့ၤလၢယွၤ, သုကစၢ်ယွၤမ့ၢ်ကစၢ်ယွၤထဲတဂၤဧိၤ, ဒီးလၢအဝဲမ့ၢ်ပှၤလၢအကလုၢ်တီန့ၣ်တက့ၢ်. အဝဲကဟံးဃာ်အတၢ်အၢၣ်လီၤအီလီၤဒီးဒုးနဲၣ်အတၢ်အဲၣ်အထူအယိာ် ဆူပှၤတဖၣ်လၢအအဲၣ်အီၤဒီးစူၢ်အတၢ်မၤလိာ်, တုၤလီၤလၢပှၤအစိၤတကထိန့ၣ်လီၤ.

၁ သ့းစၤလနံ 5:24

ပှၤလၢအကိးဃီၤသုဆူအအိၣ်တဂၤန့ၣ်ကမၤဝဲလီၤ. အဂ့ၢ်ဒ်အံၤ, အဝဲဒၣ်မ့ၢ်ပှၤလၢအကလုၢ်တီလီၤ.

၂ သ့းစၤလနံ 3:3

ဘၣ်ဆၣ်ဒီးကစၢ်အကလုၢ်တီဝဲဒီးအဝဲဒၣ်ကမၤဆူၣ်ထီၣ်သုသး အဂံၢ်အဘါဒီးခိးတြီဃာ်တၢ်အၢတၢ်သီတဂၤလၢသု န့ၣ်လီၤ.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

ဧ့ၤဘြံၤ 10:23

မ်ပဟံးဃာ်ပတၢ်မုၢ်လၢ်လၢပအၢၣ်လီၤအီလီၤ, ပူၤဖျဲးဒီး တၢ်သးဒ့ဒီတက့ၢ်. အဂ့ၢ်ဒ်အံၤ, ပှၤလၢအစံးပာ်တၢ်တဂၤမ့ၢ်ပှၤလၢအကလုၢ်တီဝဲလီၤ.

ဧ့ၤဘြံၤ 11:11

စီၤအၤဘြၤဟၣ်အသးမ့ၢ်ပှၢ်သဃဲးတ့ၢ်မးဒီးနီၢ်စၤရါ မ့ၢ်ပှၤတူာ်ဖိသနာ်က့, လၢတၢ်စူၢ်တၢ်နာ်အပူၤစီၤအၤဘြၤဟၣ်ကဲထီၣ်ဘၣ်ပၢ်တဂၤလီၤ. အဝဲဒၣ်နာ်ဝဲလၢကစၢ်ယွၤကတီဒီးအတၢ်စံးပာ်လီၤ.

ဧ့ၤဘြံၤ 12:4

အဂ့ၢ်ဒ်အံၤ, လၢသုတၢ်ဂုာ်လိာ်ထီဒါတၢ်ဒဲးဘးအပူၤန့ၣ်, သုတမၤဘၣ်ဒံးသုဝဲတုၤတၢ်သွံၣ်တၢ်စီၤလီၤဘၣ်ဝဲတစု န့ၣ်ဒံးဘၣ်.

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

၁ ပ့းတရူး 4:19

လၢတၢ်န့ၣ်အဃိ, ပှၤတဖၣ်လၢအတူၢ်ဘၣ်တၢ်လၢကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်အဃိန့ၣ်ကြၢးဟ့ၣ်လီၤအးလီၤအသးလၢာ်လၢာ်ဆ့ဆ့ဆူ အဝဲသ့ၣ်အတၢ်ဘၣ်တ့ကစၢ်တဂၤလၢထီဘိဟံးဃာ်ကျၢၤအတၢ်အၢၣ်လီၤအီလီၤအစုပူၤခီဖျိလၢ အဝဲသ့ၣ်အတၢ်မၤအဂ့ၤအဝါတဖၣ်န့ၣ်လီၤ.

၂ ပ့းတရူး 2:9

လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:10

မၤသးဒ်န့ၣ်ဒီး, စီၤဒၤဝံးဧၢ, ခဲမုၢ်ဆ့ၣ်ဂီၤခီန့ၣ်ကယဲၢ်သုဝဲ ခဲလၢာ်လၢအပာ်တ့ၢ်စီၤစီလူးဒီးဟဲဆူယအိၣ်တဖၣ် ကဘၣ်ဂဲၤဆၢထၢၣ်ဂီၤဂီၤဒီးဟးထီၣ်ကွံာ်တဘျီဃီဖဲတၢ်ကပီၤထီၣ်န့ၣ်တက့ၢ်.”