1 ကရံၣ်သူး 10:12 - Sgaw Karen Common Bible

¹² ပှၤတဂၤလၢ်လၢ်လၢအဆိကမိၣ်အဆၢထၢၣ်ဝဲကျၢၤကျၢၤန့ၣ်, ကြၢးပလီၢ်ပဒီအသးဒ်သိးအသုတလီၤဃံၤတဂ့ၤအဂီၢ်န့ၣ်လီၤ.

1 ကရံၣ်သူး 10:12 Iomraidhean Croise

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 28:14

စူၢ်ယွၤထီဘိတက့ၢ်. ဒီးနကသူၣ်ဖှံသးညီလီၤ. နခိၣ်မ့ၢ်ကိၤဒီး, နကဘၣ်တၢ်မၤဟးဂီၤနၤလီၤ.

လံာ်လူၤကၣ် 8:18

လၢတၢ်န့ၣ်အဃိ, သုနၢ်ဟူတၢ်ဒ်လဲၣ်ဒ်လဲၣ်န့ၣ်, ပလီၢ်သုသးတက့ၢ်. အဂ့ၢ်ဒ်အံၤ, ပှၤတဂၤလၢ်လၢ်လၢအတၢ်အိၣ်ဝဲတမံၤမံၤန့ၣ်, တၢ်ကဟ့ၣ်အါထီၣ်အီၤ, မ့မ့ၢ်ပှၤတဂၤလၢ်လၢ်လၢအတၢ်တအိၣ်နီတမံၤန့ၣ်, တၢ်လၢအဝဲဒၣ်ဆိကမိၣ်လၢအအိၣ်ဒီးအီၤတစဲးဖိဒၣ်လဲာ်, တၢ်ကဟံးထီၣ်ကွံာ်လၢအအိၣ်လီၤ.”

ရိမ့ၤ 11:20

အဝဲအံၤမ့ၢ်တၢ်မ့ၢ်တၢ်တီလီၤ. အဝဲသ့ၣ်ဘၣ်တၢ်မၤကၢ်ကွံာ်အီၤမ့ၢ်လၢအတနာ်တၢ်အဃိ, မ့မ့ၢ်နအိၣ်ဂၢၢ်ဆိးကျၢၤနဲမ့ၢ်လၢနနာ်တၢ်အဃိလီၤ. ဘၣ်ဆၣ်ဒီးတဘၣ်ပာ်ကဖၢလၢနသးလၢတၢ်ဂ့ၢ်အံၤတဂ့ၤ. မ့မ့ၢ်တခီ, ပျံၤတၢ်တက့ၢ်.

1 ကရံၣ်သူး 8:2

ပှၤတဂၤလၢ်လၢ်လၢအဆိကမိၣ်အသ့ၣ်ညါတၢ်တမံၤန့ၣ်, တသ့ၣ်ညါတၢ်နီၢ်နီၢ်ဒ်အကြၢးသ့ၣ်ညါဝဲအသိးဘၣ်.

ကလီးစဲ 2:8

ဒ်သိးသုသုတဘၣ်တၢ်ဖီၣ်န့ၢ်ဟံးဃာ်သုလၢဟီၣ်ခိၣ်ဖိအတၢ် ကူၣ်သ့လၢအဘျုးတအိၣ်ဘၣ်ဒီးအလီန့ၢ်တၢ်တဂ့ၤဒီးပလီၢ် သုသးတက့ၢ်. တၢ်သိၣ်လိသီလိတဖၣ်အံၤမ့ၢ်ပှၤဟီၣ်ခိၣ်ဖိအတၢ်ဟ့ၣ်ခီ ဃီၤတဆီဘၣ်တဆီလၢအဟဲလၢဟီၣ်ခိၣ်အကစူၤကစၢ် အအိၣ်ဒီးတမ့ၢ်ဘၣ်လၢခရံာ်အအိၣ်န့ၣ်ဘၣ်လီၤ.

၂ ပ့းတရူး 3:17

ဘၣ်ဆၣ်ဒီးသုဝဲလၢအမ့ၢ်ယတံၤသကိးတဖၣ်သ့ၣ်ညါ တ့ၢ်တၢ်အံၤလံ. လၢတၢ်န့ၣ်အဃိ, ပလီၢ်သုသးဒ်သိးသုသုတဘၣ်တၢ်ဆှၢကမၣ်သုလၢ ပှၤလၢတၢ်သိၣ်တၢ်သီတအိၣ်ဘၣ်တဖၣ်အတၢ်ကမၣ် တဂ့ၤ, ဒီးသုသုတလီၤတဲာ်ကွံာ်လၢသုတၢ်ဂၢၢ်တၢ်ကျၢၤဒၣ် သုဝဲအပူၤတဂ့ၤ.